فزّ الخفوق وقلت يالله عسى خير

[صديع العجمان]

بسم الله الرحمن الرحيم

السلام عليكم ورحمة الله وبركاته


فزّ الخفوق وقلت يالله عسى خير

أثر الليالي عاد غايب قمرها


مع شوفته نشوه و فزّه و تخدير

و عيون خلاّن(ن) تعانق نظرها

يفزّ له قلبي كما فزّة الطير

و الرجل كن اللي تحتها غدرها


يا صبح عمري يا صباح التباشير

نوره ملا قلبي و روحي غمرها


عقب الفراق اللي تعدّى المحاذير

يبّس غصون القلب جافي دهرها


ربّع بـروحي عقب ماهي معاسير

سحابة(ن) هلّت بقلبي مطرها


و اسقَى بها زرعة هوانا بتقدير

غرسة غرام(ن) بالمحبه بذرها


يا عاذلين العين والله مخاسير

و اللي درَى عن حال عيني عذرها


تشوم عيني عن جميع الغنادير

و إن ناظرت عيني فوادي نهرها


يا ناس احبه و المحبه مقادير

هذا هوَى نفسي و هذا قدرها


و الحب ماله يا اهل الحب تفسير

قلبين و الله بالمحبه امرها


لا جيت اصوّر حالة الحب تصوير

و أرد عن حالي لخلّي خبرها


لقيت وجدي فوق كل التعابير

كل الشعر قطره و شوقي بحرها

[غنآتي]

[فتى ال صالح]

لاهنت با صديع العجمان صح السان شعره

[جرح العنا]

وعليكم السلام ورحمة الله وبركاته

صديع العجمــــــــــان لاهنت على النقل الجميل..

وصـــــــــــح الســــــــان شــــــــاعرها..

ويعطــــــــــــيك العـــــــــــــافيه ...

ننتظـــــــــــر جديــــــــــــد قلــــــــــــمك..

تقبل مــــــــــروري وتحـــــــــــياتي..

[مـزعـّلـة ـآلـنـسآـآ]

الله الله الله


غنّآإهآ أبو نورهـ


:

من أقرب الكلمات لـ قلبي ..


لا هنت ..

[s3odi]

تشوم عيني عن جميع الغنادير
و إن ناظرت عيني فوادي نهرها


صح لسانك ولسان شاعرها

لاهنت

[تركي الميموني]

صح لسان شاعرها

قصيده مميزه جدا

ابدعت بالنقل الرائع

وبانتظار المزيد من روائعك

تقبل مروري

[فهد بن حبنان]

الله الله
.
: لا هنت على النقل ::: وصح لسأأأأأأأن شأعرها

[محـــ العجمي ـــمد]

الله الله

لاهنت يا صديع ابدعت على انقل المميز : وصح السان شاعرها وناقلها

تقبل مروري اخوك : مــحــ العجمي ـــــمــد

[سعود المعيضي]

اختيار مميز صح السان الشاعر يعطيك العافيه