~¦ آآه يا كبر القهر لا صار ما باليد حيله ..!!.. ≈

العجاجي · #1 13-03-2010, 04:07 AM

اهداء الي جميع الزملاء والاعضاء الكرام

آآه يا كبر القهر لا صار ما باليد حيله ..
والجروح من القــرايب والخطا مني وفيني !!

إن نويت أشفي غليلي ما لقيت أية وسـيله ..
كيف أبلقى دام جرحــي سبته طعنه يميني ؟!

وإن نوت تبكي عيوني صارت الدمعــه بخيله!!
كبرها لامن تجمـــع هم قلبـــي وهم عيــني..

ياهمـــوماً بي تعدت حدهـا صارت ثقيلــه ..
إخذي مني كم ســؤال ولو سمــحتي جاوبيني..

ليه من بعد الوفـــا والطيــب وفعولاً جليله ..
من يدين اللي حشمته أول طعـــوني تجيني؟؟

وليه لاضاق الفضــا في عيــن من خانه دخيله ..
مــــــــالقيـــت الا المــلامه انتهيــــــها وتبدينــي؟!
ياهمومي ياجــروحي يا صدى الروح العليله ..
والله إن الـــظــلم قهره قيّد لسانـــي ويديني!!

يوم قيل ناظر حسودك زاد في قوله وقيله ..
ما طــرالي غير قولت آآآخ يا دنيــا أرحميني..

إن تكلمت وحـــكيت وجبت برهاني ودليله ..
ما تضــرر كود منهو قد لفانــي منتخيني!!

وإن سكــت وقلت هانــت هــم وسنيني تزيله ..
أكتشفت إن السنين تزول والهم محتويني !!

بس لجــل اللي أنتخى في جد جــدي والقبيله ..
والله اني لاشــرب المــر وأتحــمل ما يجيني ..

ودام ما بالكــون صــدراً أرتمي به وأشتكــيله ..
ودام مابــه عين تقـــرى حزني اللي مبتليني!!

ما لي إلآ بيت شـــعراً أذكــره في كل ليله ..
لا أنتهى جـــدال المعاتـب بين قلبي وبين عيني..