السلام عليكم ورحمة الله وبركاته..
قصيده أعجبتني بشكل يصعب وصفه ..
أصنفها من وجهة نظري .. بأنها أفضل قصيده قرأتها حتى الآن ..
تحمل في طياتها الشيء الكثير .. الجميل والمفيد .. والرائع والفريد ..
قصيده يوصي فيها الشاعر الكبير - رحمه الله - بركات الشريف. . ابنه مالك ..
قال فيها :
يا مرقـب بالصبـح نطيـت عاليـك
مـا واحـد قلبـي خبرتـه تعـلاك
وليت ياذا الدهـر ماكثـر بلاويـك
الله يزودنـا السلامـة مـن اتـلاك
ياللي على العربان عمـت شكاويـك
وليت يا دهـر الشقـا ول مقـواك
واليـوم هالكانـون غـاد شبابيـك
تلعب به الاريـاح مـن كـل شبـاك
يا مالك اسمع جابتي يـوم اوصيـك
وأعرف ترى يابوك بآمرك وانهـاك
وصيـة مـن والـد طامـع فـيـك
تسبق على الساقه لسانـه العليـاك
أوصيك بالتقوى عسـى الله يهديـك
لهـا وتدركهـا بتوفيـق مــولاك
الله بـرب أجـدادك الغـر يعطيـك
مرضاته مع ما تمنـى مـن إمنـاك
إحفظ دبشك اللي عن الناس مغنيـك
اللي ليا بـأن الخلـل فيـك يرفـاك
وإعرف ترى مكـة ولاهـا بناخيـك
لو تشحذه خمسة ملا ليـم معطـاك
إجعل دروب المرجله مـن معانيـك
وإحذر تميل عـن درجهـا بمرقـاك
لا تنسدح عنهـا وتبغانـي اعطيـك
جميع مـا يكفيـك مـا حاصـل ذاك
أدب ولدك إن كـان تبغـاه يشفيـك
لو ضاقـت إمـة لا تخليـه يـالاك
إما سمج واستسمجك عنـد شانيـك
ويفر من فعلـه صديقـك وشـرواك
والا بعد جهلـه تـرا هـو بياذيـك
لو زعلـت أمـة لا تخليـه يـا لاك
وإحذر تضيع كل من هو ذخر فيـك
معروف لا تسـاه واوفـه بعرفـاك
ترى الصنايع بين الاجواد تشريـك
إليـا طمعـت بغرسهـا لا تـعـداك
واحذر سرور بغبة البحـر يرميـك
ولا عنده افلس من تشكيـك وبكـاك
وأوف الرجال حقوقها قبـل تاتيـك
لا توفيـه بالهـرج فالحـق يقفـاك
وهرج النميمة والقفا لا يجي فيـك
وأياك عرض الغافـل أيـاي وأيـاك
تبدي حديـث للمـلا فيـه تشكيـك
وتهيم عند الناس بالكذب واشـراك
واليا نويـت إحـذر تعلـم بطاريـك
كم واحد تبغي منه عرف وأغـواك
وأحذر شماتت صاحب لك مصافيـك
وليا جرالـك جـاري قـال لـو لاك
ولا تحسـب أن الله قطـوع يخليـك
ولا تفرح إن الله على الناس بـداك
الضيف قدم له هـلا حيـن يلفيـك
ومما تطوله يافتـى الجـود يمنـاك
إحذر تلقي الضيق مقـرن علابيـك
خليه محب لـك صديـق ليـا جـاك
ووصيك زلات الرفيق أن عثـا فيـك
ما زال يغطاها الشعـر فاحتمـل ذاك
راعه ولو ما شفـت إنـه مراعيـك
عساك تكسـر نيتـه عـن معـاداك
وإحذر عدوك لو ظهر لك مصافيـك
خلك نبيه وراقبـه ويـن مـا جـاك
لا تامنه واطلـب مـن الله ينجيـك
ويكفيـك ربـك شـر ذو لا وذولاك
شفني أنا يا بوك بآمـرك وانهيـك
عن التعرض بين الاثنيـن حـذراك
إذا حضـرت اطلابـه بـه شرابيـك
اسع لهم بالصلـح والـلاش يفـداك
ابذل لهـم بالطيـب ربـك ينجيـك
ولا تجضع الميزان مـع ذا ولا ذاك
أما الشهاده فادهـا إن دعـوا فيـك
بين عمود الدين لا عميـت أريـاك
بالـك تماشـي واحـد لـك يرديـك
طالع بني جنسـك وفكـر بممشـاك
رافق أصيل فـي زمانـك يشاكيـك
لا شاف خلاتك عن النـاس غطـاك
وحذراك عن طرد المقفي حذاريـك
عليك بالمقبل واترك اللـي تعـداك
ثم إلعن الشيطـان حـذراك يغويـك
تـرى أن تبعتـه لشرابـيـك وداك
وأوصل لا تشكـي علينـا بلاويـك
انت السبب اطرفت عينـك بيمنـاك
وإعرف ترى اللي واطا الفعرو اطيك
ولا أنته أعز من الجماعة هـذولاك
ألمسك يا راسي من الذل وأخطيـك
وأحـذر تكلـم يالسانـي وحـذراك
وألطف بجارك قوم من دون عانيـك
وافطن لما يعنيك عن ربعة اخـواك
ياذيب وإن جتك الغنم فـي مفاليـك
فاكمـن لهـا ياذيـب لامـا تعـداك
فيما مضى يا ذيب تفـرس بياديـك
واليوم جاء ذيب عن الفرس عـداك
ياذيب عاهدني وعاهـدك مارميـك
مرميك أنا ياذيـب لـو زان مرمـاك
والنفس خالف رايها قبـل ترميـك
ترى لها الشيطان يرمـي بالاهـلاك
ومن بعد ذا لا تصاحب النذل يعديـك
عن صحبة الانذال يابـوك حـذراك
والهقوة انك ما تجـي دون أهاليـك
ولا ظن عود الـورد يثمـر بتمبـاك
الحر مثلك يستحي يصحـب الديـك
وإن صاحبه عاعا مععـات الاديـاك
لا تستمع قول الطرف يـوم يلقيـك
بالكذب يقضي حاجته كـل ماجـاك
من نم لك نم بـك ولا فيـه تشكيـك
وأليـاه قـد زرى رفيـقـك وزراك
عندك حكا فينا وعنـدي حكـا فيـك
وأصبحت كارهنـا وحنـا كرهنـاك
ما خطاك ما صابك ولو كان راميـك
واللي مصيبك لو تتقيـت مخطـاك
مير استمع مني عسـى الله يهديـك
أنصحك يا ما لـك لـك الله مـولاك
عنـدي مظنـه مـا تمثلثهـا فيـك
واطلب لك التوفيق من عند مـولاك
ارجوا ان تكون قد نالت على اعجابكم ..
تحياتي للجميع ..
19-12-2009, 10:52 PM
العرض المتطور
