لا اطوّل المدّه وتقصر لي اخطاك &&& وانا اتحرى رجعتك بالثواني ... !

[alhajere]

سلآمـ عليكمـ ...


ياما تمناني وياما اتمناك ..
تدري حبيبي ما تفيد الاماني


تسمع حكي ذولا وتسمع حكي ذاك ..
ما فاد حكي الاوّلي جاك ثاني ..!


لا تطوّل المدّه وتقصر لي اخطاك ..
وانا اتحرى رجعتك بالثواني


اسمع ما دام ان الخطا ما بعد جاك ..
حبـّك تعدّا عاليات المباني ..!


اللي على قطع المعاليق يحداك ..
قطـّع معاليقي بعد ما كواني ..!


يحسبني ابنساك لا مقدر انساك ..
لوّه على ذاك الطريق ايحداني


يبليه في بلوى مثل ما تبلاك ..
خلـّه يعرف اشلون قطع المحاني


ودّي يشوف شلون بالقلب مرعاك ..
وودّي يشوف لـ وين حبـّك خذاني


خل يدخل بـ قلبي واقعـّده ويـّاك ..
واجر له من صادقات المعاني


خل يدخل بـ عيني واورّيه مجراك ..
يشوف كيف ادموع عيني تعاني


أقل شي يقول لا جاك منـّاك ..
الحمد للـّه الذي ما بلاني .!


ارضيت تفكيرك ولحـّقت مشهاك ..
وانا اتخيـّل لو مكانك مكاني .!


قول لـ حبيبي دوم وانا اتحرّاك ..
وقلـّه تراه اليا بغاني لقاني


مالي يا كون بـ حزّة النوم لقياك ..
اخاف اموت وكلمتي في لساني ..!


انا احبك حب ما جاه شرواك ..
كذا عرفت ان جاني اللي كفاني


لا اطوّل المدّه وتقصر لي اخطاك ..
وانا اتحرى رجعتك بالثواني ..!
...

سلـّمكم اللـّه

[محمد بن دسمه]

صح الله لسانك ولاهنت ..

[سيده الذوق الاولى]

بسم الله الرحمن الرحيم




صح لسااااانك