وَمِنَ الحوادث شَابْ رأسي وأنا شَابْ /// ومحسن الهزاني...

[نسل الطويل]

السلام عليكم


من زمان ما نزلت شيء


وبما ان الظاامي ذكرنا بمحسن الهزااني انقل لكم هذي الدره ومن اروع ما قريت فالغزل


ومع قصيده محسن الهزاني


،
،

من ناظري دمعي على الخد مسكوب = وَمِنَ الحوادث شَابْ رأسي وأنا شَابْ
لا لَذَّ لي زادٌ ولا حلوِ مشروب = ولا لموق العين طيب الكرى طاب
لا شكّ ما يجري على العبد مكتوب = طول الزمان وكل شيء له اسباب
وانا سبب قتلى ضُحَا شفت رعبوب = يضحك ويومي لي وهو من ورا الباب
من قبل شوفي له وانا كان ابا توب = وامترَّكٍ غَنيَّ هَوَا تلع الأرقاب
هايف حشا عُنقِهْ كما الشَّاخْ مسْلُوْب = والردف عزَّال الوسطه وجذاب
ومبيسم كن العسل فيه مذيوب = وان ذاق سلساله ضجيع الهوا طاب
والعين خرسا كنهها عين يشبوب = وجدايل من فوق الأمتان سكاب
طرشت انا لمورد الخد مندوب = يقول لى مرسول معسول الأنياب
ترا خليلك قال لى قل لمحبوب = عينه تبارى للقمر خامسه غاب
وانسبت له في جنح ليل ولا هوب = عيب إلى خل على خله انساب
لولا الحيا نطّيت من راس مشذوب = وانوح نوح الورق وآجيب ما جاب
وقطفت ورد بالنار مكتوب = كالآس له لمن كان طلاب
وخلى سقانى كاس وصله على الدوب = وبنيت له مسجد القلب محراب
قولى أنا من عقب مارار دالوب = وصرف النيا وافق بتفريج الأحباب
لاحزن يعقوب ولا صبر أيوب = حزنى ولا صبرى على تلع الارقاب
يالله يامولاى ياخير مطلوب = ياللى إلى من ساله العبد ما خاب
تجعل موازين المحبة على الدوب = بينى وبين امورد الخد بالباب
ختمى صلاتي عد ما سار مندوب = يمشى بعقد الصلح مابين الأحباب

تقبلو

[فهيد بن سالم]

نـسـل الـطـويـل صـح لـسـانـك ولـسـان مـحـسـن الـهزانـي



وبـيـض الـلـه وجهـك عـلـى النـقـل




ولااهــنــت

[نسل الطويل]

المشاركة الأصلية كتبت بواسطة البشـر

نـسـل الـطـويـل صـح لـسـانـك ولـسـان مـحـسـن الـهزانـي



وبـيـض الـلـه وجهـك عـلـى النـقـل




ولااهــنــت

صح بدنك


ووجهك with

ولا انت

كل الشكر يالبشر


تقبل

[حياتها خساره]

لاهنت علي هالنقل المميز وصح لسان قايلها ....

تقبل ::

كل الشكر و التقدير ....

[نسل الطويل]

المشاركة الأصلية كتبت بواسطة حياتها خساره

لاهنت علي هالنقل المميز وصح لسان قايلها ....

تقبل ::

كل الشكر و التقدير ....

الله يجيرنا من الخساره


ولا انتي

شكرا على المرور


تقبلي

[$$> روح روحي <$$]

تسلم على القصيدة الحلوة
ولاهنت
وتقبل مروريـ..

[نسل الطويل]

المشاركة الأصلية كتبت بواسطة $$> روح روحي <$$

تسلم على القصيدة الحلوة
ولاهنت
وتقبل مروريـ..

الله يسلمك من عذاابه عزيزي


ولا انت

كل الشكر


تقبل

[Najla]

صـح لساان / محسن الهزاني..


غـزليـه راائـعه ..


وصـح إختياارك يا / نسـل ..!


تحياتي لك ..

[نسل الطويل]

المشاركة الأصلية كتبت بواسطة نجلآ النوآعس

صـح لساان / محسن الهزاني..


غـزليـه راائـعه ..


وصـح إختياارك يا / نسـل ..!


تحياتي لك ..

صح لسانش والله يرحمه

ومرور اروع من الانسه نجلا

كل الشكر


تقبلي

[@ فــهــد @]

هايف حشا عُنقِهْ كما الشَّاخْ مسْلُـوْب..والردف عـزَّال الوسطـه وجـذاب
ومبيسم كـن العسـل فيـه مذيـوب...وان ذاق سلساله ضجيع الهوا طـاب
والعين خرسا كنهها عيـن يشبـوب...وجدايل من فـوق الأمتـان سكـاب

الله الله

فعلا هذا الشاعر قمه

اشكرك جزيل الشكر اخي نسل الطويل

على القصيده التي اشبعتنا غزلياَ

تقبل مروري البسيط