صاحب الفورد الذهبي

[عزوف]

:
:

في يومٍ ما وتقريبا قبل 3 أسابيع أو أكثــــر بقليل ..

صادفته على الدائري الخامس وكنت في طريق رجعتي للبيت قام مشكورا بإيصالي لحد بابنا ودش شارعنا وكان بيتنا في بدايته وعلى زاويه..

انتهى الموضوع ولم أُعرهُ أي اهتمام << عادي وتحدث في أحسن العائلات ‍‍!


في اليوم الثانــــي


وفي الساعه السابعه والربع فتحت الباب لقيته صافط عند البقاله اللي جدام بيتنا !

بـــس ماحطيت في بالي انه صاحبنا

لكــــن

شكيت بعد ماقام مشكورا ! بإيصالي لحد دوامي << صج ماكو شغل

وفي وقت طلعتي من الدوام لقيته ناطرني بالمواقف وما توقعت انه صاحبنا << علنياتها هالبنت

توقعت انه زوج وحده من بنات الدوام وناطرها عادي ..<< ماكو بهالبلد غير هالولد!


بصراحــــه ما ركزت في شكله ولو يمرني ألحيــــن ماعرفته ,أميــــزه بشغله وحده راح تعرفونها بعدين


المهم


قام أخونا مشكورا! بتوصيلي لشارعنا أنا صفطت بزاوية البيت وأهو دش بشارعنا صوب الزاويه الثانيه

تميت على هالحال أسبوع مو مستوعبه اللي يصيـــر ! والاخ يوصلني كل ظهريه والصبح ماشوفه عقبها قلت لا يمكــــن يا إنـــه مو صاحي أوأنا غلطانه ومشبهه على السياره

قلت يا بنت شلون بتأكدين ؟

إنــــي اطالعه وأحفظ شكله مستحيل اذا انا للحين مادري شلون صاير


قلت ما يبيلها << اخيرا اشتغل المخ
أحفظ أول 3 أرقام من سيارته 396!


وبجـــذي لو أشوفه بالظلمه بعرفه ! << صج مخ


خلــــص الاسبوع

وفي يوم كنت طالعه الساعه 8 بالليل بطلت الباب الا هو مار من بيتنا ومهدي عالآخـــر يمكن صدفه ! "" بس شكو"" مرابط بشارعنا ماكو شغل !


والله مت من الخرعه وقلت لا هذا مجنــــــون وتوني برجع ادش البيت وإلا أمـــي وراي "" هااااا علامج رجعتي ""

قلت بشـــرب ماي ! أكيد نشف ريجي من الخرعه << هالبنت أكبـــر جبانه

خذت أمي السويج وركبت السياره وطبعا ما شغلتها والا جان دشت بسور البيت وطلقها أبوي ! << أمحق بنت


قعدت مده أحاتي ومزعوجه وما أجذب إذا قلت مرعوبه "ماحاول يكلمني ولايضايقني أو أي شي "


بس ينطرني بعد الدوام ويوصلني بيتنا بكـــل هدوء لمدة 3 أسابيع تقريبا صادفته بالليل 3 أو 4 مرات !

لحد ما جا يوم وأصدر الوالد طال عمره قرار إن كل البنات يصفطون سياييرهم بالشارع الثاني يعني بزاوية البيت الثانيه صوب الدواووين لأنه بيحط مظلات والعمال بيجون من الصبح..

قعدت الصبح كالعاده بروح دوامي توني طالعه وإلا اخينا بالله صافط عند بابنا ! << باعها الرجال !


وكان صافط على طرف بينا وبين بيت جيرانا بالعرض!

ومبطـــل السياره ويجيك عالماكينه

لحظتها بغيت أموت من الخرعه وشوي وأبجـــي << صج خبله

بغيت أدش بيتنا وما أطلع بالمره حتى الدوام مابي أروح له لكن تعوذت من ابليس وشغلت سيارتي وحركت بسرعه ما عطيتها مجال تحتر


تدروووون شنو الصدمه ؟

الصدمه انه طلع جارنـــــــا..



عن جابر بن عبد الله أن رسول الله -صلى الله عليه وسلم- قال: الجيران ثلاثة؛ جار له حق واحد وهو أدنى الجيران حقا، وجار له حقان، وجار له ثلاثة حقوق وهو أفضل الجيران حقا؛ فأما الجار الذي له حق واحد فالجار المشرك لا رحم له، وله حق الجوار، وأما الذي له حقان فالجار المسلم لا رحم له، له حق الإسلام وحق الجوار، وأما الذي له ثلاثة حقوق فجار مسلم ذو رحم له حق الإسلام وحق الجوار وحق الرحم، وأدنى حق الجوار أن لا تؤذي جارك بقتار قدرك إلا أن تقدح له منها"



لقد بكى الرسول صلى الله عليه وسلم حق الجوار؛ فمن معجزاته أنه عندما سأل رجلا: هل قلت في نفسك شعرا؟ فاعترف الشيخ وقال: لا يزال يزيدنا الله تعالى بك بصيرة ويقينا وعرض سبعة أبيات نظمها في نفسه منها:

فليتك إذ لم ترع حق أبوتي ** فعلت كما الجار المجاور يفعل

قال جابر: فبكى رسول الله صلى الله عليه وسلم.


الموضوع بين إيديكم ولكم مطلق الحريه في المناقشه


لكــــن

بخاطري

سؤال للبنات

لو كنتي مكاني شلون بتصرفين ؟


سؤال للشباب

شنو رايكم بهالشخص ؟

تعتقدون انه طبيعي والا يعاني من شي !

[صديق الملك]

أكيد يعانــي من شي


لا ... مو بس أهو اللي يعانــي .. !!


الإسم الأجمل

عزوف

خلّصوا العمال المظلاّت ولاّ بعدهم ؟ !

تقبلــي تحيتي

أخيكِ .

[عزوف]

المشاركة الأصلية كتبت بواسطة صديق الملك

أكيد يعانــي من شي


لا ... مو بس أهو اللي يعانــي .. !!


الإسم الأجمل

عزوف

خلّصوا العمال المظلاّت ولاّ بعدهم ؟ !

تقبلــي تحيتي

أخيكِ .

اللـــــــــــه يعين المبتلـي !


أخــــــــي الكريم

صديق الجميع

مرورك يعني لي الكثيـــــــــــر شكرا لك ,,


أبشــــــــــرك تراهم خلصوا بالمره !

[صـــبـــــــــا]

يووووه مره صارت لي بس مو كذا مده طويله اسبوع بس

وقتها قلت للوالده عنه وقامت تروح معاي للدوام الين ما زهق وراح ...

بس صراحه مو طبيعي الرجال لنفترض انه على نياته وكذا بس شدخله يجي لدوامك ؟؟

لا اكيد فيه شي طيب ماقلتي لنا اذا كان كبير بالسن او شباب ؟؟

لأن لو كبير بالسن يمكن يكون ينطر أحد معين !! بس صراحه الموضوع فيه أن !!

لو انا بمكانك ياعزوف قلت لأحد عنه أو علمت أبوي أو اخواني علشان يوقفونه عند حده ..

لأن لو انا سكت بيفكر الرجال أني راضيه لاني ماعلمت عليه أحد يوقفه عند حده وبوقتها ماراح

يفكر اني مو منتبهه او اني امشي على نياتي ....

في الاخير تقبلي مروري وتعقيبي .. أختك : صــبــــآ

[عزوف]

المشاركة الأصلية كتبت بواسطة صـــبـــــــــا

يووووه مره صارت لي بس مو كذا مده طويله اسبوع بس

وقتها قلت للوالده عنه وقامت تروح معاي للدوام الين ما زهق وراح ...

بس صراحه مو طبيعي الرجال لنفترض انه على نياته وكذا بس شدخله يجي لدوامك ؟؟

لا اكيد فيه شي طيب ماقلتي لنا اذا كان كبير بالسن او شباب ؟؟

لأن لو كبير بالسن يمكن يكون ينطر أحد معين !! بس صراحه الموضوع فيه أن !!

لو انا بمكانك ياعزوف قلت لأحد عنه أو علمت أبوي أو اخواني علشان يوقفونه عند حده ..

لأن لو انا سكت بيفكر الرجال أني راضيه لاني ماعلمت عليه أحد يوقفه عند حده وبوقتها ماراح

يفكر اني مو منتبهه او اني امشي على نياتي ....

في الاخير تقبلي مروري وتعقيبي .. أختك : صــبــــآ

شوف عيـــــــــــــــــــــــنه وحظ غيـــــــــــــــره << على قولة أمي


أنا مو صغيره ولا مراهقه وصدقيني لو بدر منه اي تصرف سئ كان ردي بيكون قاسي جدا لكـــــــن ما حبيت أشغل أمي وبالذات اني دايما مشغوله وأطلع بروحي معظم الاحيان

أما بخصوص إخواني

بصراحه ما عندهم تفاهم يمكن يدفنونه عند باب البيت ليــــــــش اجيب لهم مصيبه وليــــــــش أجيب الحجي لعمري "" منها منه "" ! وما نخلص ...

التعب عليه وما حصّـــــل مني لو هي نظره ,,, شبع.. طاب خاطره ..مل.. خلاص انتهى الموضوع أهم شي ما تمادى وكلمني أو تحرش

يمكن يبي يلفت إنتباهي ! يمكن مو صاحي ! واحتمال كبير عنده شي بيوصله بالبلوتوث وكان ينطرني ابطله !

الموضوع عادي يصير مع كل البنات لكن انه يطلع جار ! صعبه حيل وصدمه والله عيـــــــــــب



الغاليـــــــــــــه

صبا

حضورك أسعدني وسعدت أكثر بردك ,,

[صـــبـــــــــا]

المشاركة الأصلية كتبت بواسطة عزوف

شوف عيـــــــــــــــــــــــنه وحظ غيـــــــــــــــره << على قولة أمي


أنا مو صغيره ولا مراهقه وصدقيني لو بدر منه اي تصرف سئ كان ردي بيكون قاسي جدا لكـــــــن ما حبيت أشغل أمي وبالذات اني دايما مشغوله وأطلع بروحي معظم الاحيان


أما بخصوص إخواني

بصراحه ما عندهم تفاهم يمكن يدفنونه عند باب البيت ليــــــــش اجيب لهم مصيبه وليــــــــش أجيب الحجي لعمري "" منها منه "" ! وما نخلص ...

التعب عليه وما حصّـــــل مني لو هي نظره ,,, شبع.. طاب خاطره ..مل.. خلاص انتهى الموضوع أهم شي ما تمادى وكلمني أو تحرش

يمكن يبي يلفت إنتباهي ! يمكن مو صاحي ! واحتمال كبير عنده شي بيوصله بالبلوتوث وكان ينطرني ابطله !

الموضوع عادي يصير مع كل البنات لكن انه يطلع جار ! صعبه حيل وصدمه والله عيـــــــــــب



الغاليـــــــــــــه

صبا

حضورك أسعدني وسعدت أكثر بردك ,,

اهلين يالغاليه .. انا عارفه من خلال ردودك وأسلوبك أنك كبيره وعاقله ومحترمه وانا عارفه ان لو تبلغين اهلك او اخوانك راح تصير كبيره وحنا عارفين ردود فعل اهالينا بهالمواضيع وفعلا حطيت نفسي بمكانك لقيت اني ما راح اقدر اسوي شي خصوصا اذا كانت الوالده تحاتي ... وفعلا عيب اللي قاعد يسويه واذا هو ماحس على دمه الشكوى لله لاحول ولا قوه ... لكن انتي حاولي انك تبتعدين عنه وانتي ماشيه بالطريق وتبينيله انك منتبهه له وعيب اللي يسويه ... عموما انا فاهمه وضعك فديتك ... وخليك مثل ماقلتي .... تقبلي مروري وتعقيبي ...
أختك صــبــــــــآ

[نايف العجمي]

مرحبا ياعزوف


بعلق اقول هذا الشخص اعتقد انه صاحى يمكن شايف شى وخلاه يتابعك ونيته زينه


ولا واحد يلحق بنت جيرانهم منا والطريق ما اعتقد فيه خلل ودورى وين الخلل يمكن فيك ..


بنات هالوقت يعرفون كل شى ..

ولا الموضوع من خيالك وتبين تشوفين ردة الفعل


وتقبلى ردى وتعليقى بحلوه ومره > ما اجامل


اخيك/نايف العجمى

[عزوف]

المشاركة الأصلية كتبت بواسطة نايف العجمي

مرحبا ياعزوف


مراحـــــــــــب يا نايف


بعلق اقول هذا الشخص اعتقد انه صاحى يمكن شايف شى وخلاه يتابعك ونيته زينه


يجــــــــــــــــــوز ليش لأ ,,


ولا واحد يلحق بنت جيرانهم منا والطريق ما اعتقد فيه خلل ودورى وين الخلل يمكن فيك ..

معاك حق لو كانت وحده غيري ! لكن انا واثقه من نفســـــــــــي جدا وأعرف أنا شنو ,,,


وعلى قولتك ما اعرفه ولا اركز فيه



أقسم بالله العلي العظيم ما عرف أشباهه ولا حطيت عيني بعينه ! << على نياتها هالبنت وربي


بنات هالوقت يعرفون كل شى ..


مــــــاني من بنات هالوقت والحمدلله


ولا الموضوع من خيالك وتبين تشوفين ردة الفعل

شهالخيال الواسع !
وليـــــــــــــــش الخبال!! >> صج ماكو شغل والله منت بعيـــــــــــــــد عن صاحبنا !



وتقبلى ردى وتعليقى بحلوه ومره > ما اجامل

يا حلو مره على قلبــــــــــي عسل << الرد مو صاحبه !

اخيك/نايف العجمى

حياك الله أخوي

[دااانة البحرين]

السلام عليكم ورحمة الله وبركاته


((عزووووووووووف))




يروووح لج فـــــدوه المحــقق كـــونــان >>>

حسب المعطيات اللي بالموضوع

لو استخدمت حسن الظن والريال قصده شريف
بقولج بلغي هلج .. عشان صار ماصار هلج بالصوره
وحبذا أحد أكبر منج ويكون مــتــفهـم



ولو تدخل الظن بالموضوع (عسى مايكون أثم علي يارب)
الريال شكله مو صاحي .. شخبااااري واحد يترك شغله ويلاحق يوميا ... خبري بنفس اليوم من يخلص الشارع يأشر ... صفطي صفطي بكلمج

ديري بالج على نفسج وخبري أخوانج أو الوالد الله يطول بعمره ويكثر مظلاته
ياما سمعنا عن قضايا الاختطاف ولاتـسـتـبعـديـنـا تحصل بأحـســن العــائـــلات
(حرص ولاتخون)


إذا فيه خــيــر وصــلاح لج يارب يخلص بانزين الفورد على مشاويرج اليوميه
وإذا فيه شر الله يبعد عن هالفورد عن دروووووبج


وأعيد وأكرر سجلي أعــجــابــي بأسلوبج


تقبلي مروري أختج دااانة البحرين

[عزوف]

المشاركة الأصلية كتبت بواسطة دااانة البحرين

السلام عليكم ورحمة الله وبركاته


((عزووووووووووف))




يروووح لج فـــــدوه المحــقق كـــونــان >>>

حسب المعطيات اللي بالموضوع

لو استخدمت حسن الظن والريال قصده شريف
بقولج بلغي هلج .. عشان صار ماصار هلج بالصوره
وحبذا أحد أكبر منج ويكون مــتــفهـم



ولو تدخل الظن بالموضوع (عسى مايكون أثم علي يارب)
الريال شكله مو صاحي .. شخبااااري واحد يترك شغله ويلاحق يوميا ... خبري بنفس اليوم من يخلص الشارع يأشر ... صفطي صفطي بكلمج

ديري بالج على نفسج وخبري أخوانج أو الوالد الله يطول بعمره ويكثر مظلاته
ياما سمعنا عن قضايا الاختطاف ولاتـسـتـبعـديـنـا تحصل بأحـســن العــائـــلات
(حرص ولاتخون)


إذا فيه خــيــر وصــلاح لج يارب يخلص بانزين الفورد على مشاويرج اليوميه
وإذا فيه شر الله يبعد عن هالفورد عن دروووووبج


وأعيد وأكرر سجلي أعــجــابــي بأسلوبج


تقبلي مروري أختج دااانة البحرين

:

الدانـــــــه

صباحج ورد ياغلاي

وزاد حلا الموضوع بحضورج

فديـــــته والله المحقق كانون

إحتمال كبيــــر

وتفسيرات مقنعه ومنطقيه

نشوف الأيام الجايه شتخبــــي ؟


دانه حضورج يسعدني وربي لاتحرميني منه

شخبااااري واحد يترك شغله ويلاحق يوميا

اي والله شخبـــــــــــــاري !