تعال يا طويق

[جــراح]

طويق ابغيك بسالفه

من هاجسٍ، يبدع جزيلات ،المعاني والطروق!=سلام تسليمت، وفا وجراح، من يبديبها
،
اذني تسمّع، للرعد والعين، تشبح فالبروق=والبرق فوق طويق والقصه انا ادريبها

[البليهي]

صح لسانك يا جراح


مبدا كايف وننتظر طويق

[فــلاح]

الله يكفيناا شـرك ,,
أستـلم ..

يامـرحبــا بك يالمسـلمّ .. لـك حقـوق ولـي حقـوق=ويمينـك أذكر طيبهـا .. لاشـفت مدة طــيبها

أسـلم وهات العلم .. وأن روقتهـا لازم تـروق=والبنـدق اللي مالها عبـرود لا ترمـي بــهــا

[فلاح بن ملبز]

صح لسانك يا جراح ..
وصح لسانك يا طويق ..

متابع ...

[جــراح]

البليهي صح بدنك
فلاح صح بدنك ومتابعتك شرف


طويق استلم جعلني ما ابكيك

طويق عارف، مقصدي شوفوه، فالحوصه سبوق=وانا اخبره، طيبٍ والطيّبه، يحريبها
،
كم شاعرن بطويق، غنا وهو لا ماهو، صدوق=متخاشرٍ وياه، في نفس الاسم،ويجيبها

[فهد بن مطلق]

صح السانك ياجراح

وصح السانك ياطويق




العلب عال العال

[فــلاح]

البليهي يامرحبــا بك مليوون ..
ابن ملبـز ياهلا ومرحباا مليوون ..
العود مرحبا ومسهلا عاش من شافك ..
ولاهنتو على المرور ..

جـراح أستـلم .. وجعلك ماتبكي غالي ..

طويـق حر وبالاشاره يفتـهم .. صـلف ولحـوق=لاكن مايعرف وش تشيـل الصدور بغيبـهـا

جانا الجمــل غاير يبي يأكـل طويـق أبلا شـدوق.!!=مايدري حيـده مننــا .!! تفنـي الجمـال وصيبـها

[سلطااان العتيبى]

صح السانك ياجراح

وصح السانك ياطويق لاهنتو والليل ياشعار لايطول الطاروق




تقبلو مروري ومتابعتي لاعدمناكم

[المصطفق]

السلام عليكم



جراح

من هاجسٍ، يبدع جزيلات ،المعاني والطروق!=سلام تسليمت، وفـا وجـراح، مـن يبديبهـا

طــويق

يامرحبا بك يالمسلمّ .. لك حقوق ولي حقوق=ويمينك أذكر طيبها .. لاشفت مـدة طيبهـا

جراح

طويق عارف، مقصدي شوفوه، فالحوصه سبوق=وانـا اخبـره، طيـبٍ والطيّبـه، يحريبـهـا

طــويق

طويق حر وبالاشاره يفتهم .. صلف ولحـوق=لاكن مايعرف وش تشيـل الصـدور بغيبهـا

اللـــه اللـــه



صحة اللسنكم والله لايهينكم


تقبلوا

مروري واعجابي

[محمد المجول]

سلام للي حبهم يسري وسط نبض وعروق=للي نقض واللي فتل واللي يبي تعريبها.
مال الجمل غير الحمل والذيب يغزي مايبوق=وين البليهي للبيوت اللي خرب ترتيبها.

صح الله ألسنتكم

وإسمحولي على هالمشاركه البسيطه

تقبلوا تحياتي