قصيدة قيادة المرأه للشاعر جارالله الشدي

[احمد الريامي]

ألا يالعنبـو بنـتٍ تسـوق اليـوم سيـاره=والا يالعنبو منهو .. يوافق فـي سواقتهـا
غريبه كيف ياعالم جرفنـا العـج وتيّـاره=أنا خابر رؤوس تثور.. وثورتهـا بعجتهـا
أنا بالعولمه أدرى مابيـن الحيـن والتـاره=يثيرون النقاش إنه من أبسط حق إنوثتهـا
يبون البنت تتمرجل وتمسـك ليـة الطـاره=يبون البنت تتمرجـل وتتمشـى برفيقتهـا
يبون البنت تتمرجل وتتمشـى بكـل حـاره=يبون البنـت تتفتـح وتاخـذ كـل راحتهـا
يبون البنت لا قامت ونفس السـوء أمّـاره=تروح البنت من نيّا<< ..وألاّ وين روحتهـا
ترا من نيّا نفهمها!!ولا آبي منكـم إعيـاره=ترا يعني حبيب الروح..بعد ماتشوف خطتها
تقول البنت لبوها..انا بروح أبـي (سـاره)=الا يالعنبو سـاره ..ويلعـن جـد جدتهـا
ترا ساره مهي ساره..حبيب الروح في داره=شنب جالس ويترقّب متـى بتجيـه رنّتهـا
يبون البنت تتأمر وهـذي ماهـي بآمـارهترا ه=ذي مثل عارٍ. مابين الغنـج وعفّتهـا
من أبسط حق أنوثتها تجيك البنت محتـارهما=بين البيت والملفى ومابين عيال حارتها
ليامن شافوا رقّتها .. تجيك النفس ببشـاره=بعد بكره دوام البنت ولا يـا ويـل جرتّهـا
بليـلٍ مظلـمٍ داكـن ولا نـوّر بـأنـواره=على خط السريع اللي يخالف خـط سكتهـا
تراها ياعرب غزوه .. غزاها الغرب بأفكاره=يعنـي لازم إنصفـق ونتشيّـد بفكرتـهـا
أبشركم وأبشركم ..أبو فـلانٍ فتـح بـاره=وأبشركم وأبشركم .. بمرقص حق ضيقتها
وأبشركم ولا هيئه ولا شرطـه ولا أمـاره=من أبسط حق أنوثتها مدام البنـت سوتّهـا
تعالوا بس نتخيل..أبـو فـلانٍ مـع جـاره=أبو فلانٍ على المطبخ مع بنتـه وعمتّهـا
وجاره من ضحى ربي يقلب باقـي أقـراره=أسوي كبسةٍ ولاّ..ياويـش إتريـد بكلتهـا
تراني صـادقٍ شوفـوا تـرا الأيـام دوّاره=مع الأيام وإن طالت .. مع الأيـام ومدّتهـا
أنشهد لو تسوق البنت .. أنشهد كنّها غاره=على أرض السعوديه وهـي عـزٍ بعزتهـا
الا وين الرجال اللي بحـق الشـر طمّـاره=الا وين الرجال اللي تلف اليـوم عصبتهـا
الا وين الرجال اللي تطفـي بالحشـا نـاره=الا وين الرجال اللي نقـود اليـوم كلمتهـا
ترا ما تشيع لك ضوٍ..الا بقدحـت إشـراره=من أبسط حق أنوثتها..ترا مبـدأ شرارتهـا
إذا هو حق إنوثتها .. ترا هالبنت (نـوّاره)=تدرّس في طرف جده وهي بالشرق ديرتهـا
وإذا هو حق أنوثتها ..ترا هالبنت مغـواره=أنوثتها بعفّتها فـي حشمتهـا فـي رقتّهـا
بلا حقٍ بلا هـمٍ ..بـلا تخريـب وسيّـاره=كلامٍ صار بالفاضي.وقالوا بحـق أنوثتهـا

لشاعر:جارالله الشدي

[غترة محمد بن الذيب]

يسلموووووو على هالقصيده اللي جات في وقتها

صح لسان الشاعر ولسانك يا ((احمد الريامي))

[احمد الريامي]

صح بدنك مشكوور ع المروور

[نسل الطويل]

تراني صادقٍ شوفوا ترا الأيام دوّاره
مع الأيام وإن طالت .. مع الأيام ومدّتها

عز الله انه صاادق


لاهنت وصح الله لساانه