نـخـوه لـ مـهـدي بـن عـلـي بـن قـطـام

[طلال بن قطام]

الله أكبـر شاعـر العسـرات غنّـا وابتهلنـا=ضاقت الدنيا عليـه وسيّـل الضيقـه قصيـده
ساق رجلـه للمشاريـف الطويلـه واحتفلنـا=كن خشوم القور تزهمها على المشراف سيـده
يقبل الطـاروق صلـفٍ جـزلٍ قـرمٍ ماخذلنـا=أو كما فزعـات يامـيٍ خوالـه مـن عبيـده
هاجسٍ يقطع مسافـات الخيـال إليـن خلنـا=إن قاع البحـر قاعـه وإن بيـد الأرض بيـده
وإن تناولنـا القصيـدة نقـض ولاّ لافتلـنـا=علميهم كيف أغرف البحر وانحت فوق حيـده
تبتكرنـا فـي خفاهـا ونحتميهـا مافشلـنـا=وتكتب أسمي في جبين الشعر يمناهـا جويـده
من عصب طنيات راسـي لاشعلناهـا شعلنـا=ولعي بي واشهري بي كانهـا ضـد وضديـده
حلّقي بي في الخضيرا صوبها ذا الساع شلنـا=المحـاوي مـا تناسبنـي ولا تغـري سويـده
وأنت ياللي ماتواجـه بـس بالحكـي تختلنـا=فالمراجل هاك درس وفالشعـر جملـه مفيـده
وش له تناقش صناديد العـرب وتقـول علنـا=أبشر بصكّات بقعاء مـن سواعدنـا الشديـده
له علينا كـل راس هـلال عـاده وإن بخلنـا=له علينا عقب عيديـن السنـه نعطيـه عيـده
عنك ماحظـه بحولـه قـام ينبشنـا وسلنـا=القرايح راس حاتم والمـدد مـن عـدّ ضيـده
السماء هـذي سمانـا والـدول هـذي دولنـا=غار خلّك في قصيمك مـن قصيمـك لا بريـده
في زحلنا من الثريا مـن الثريـا فـي زحلنـا=في قعيده من قعيـده مـن قعيـده فـي قعيـده
شاعـرٍ مـا دنّـق إلاّ للإلـه اللـي جبلـنـا=عقبهـا دنّاقتـه يحـب خشـم أبيـه ويــده
ربنـا الله ربنـاالله غيـر وجهـه مـا سئلنـا=من رضى غصبٍ عليه ومن زعل ..... .......
نعتنق شمّ السحاب اللي علـى متنـه حملنـا=مـا يزوّدنـا سمـوٍ للسمـاء حنّـا نـزيـده
نشقر الفارس بضربات السيـوف إلـى فعلنـا=خابرٍ أردى الفوارس فـي بنـي عمّـي وليـده
ياعيـال هشـام لامنّـا تعزويـنـا وصلـنـا=لو نوينا نكسر نجـوم الفضـا ماهـي بعيـده
يا مزعزعـة الممالـك كـم سلاطيـنٍ أزلنـا=للمعالي كم بنينا صـرح شامـخ فـي مشيـده
لانوينا نـارد المـاء يرتـوي قاصـي زملنـا=نشربه صفوٍ قراح وغيرنـا يشـرب عصيـده
لانزلنـا القفـر طـقّ الجـن منّـا لانزلـنـا=شوف عيني يوم ذب الريـع وأولّهـم عقيـده
نهتوي خشم الرفاعـه فالمطامـن مـا حللنـا=إ نحيا ونمـوت والعليـا مطامعنـا المجيـده
قلع من جانا بنيّه وحظ مـن صـاح ودخلنـا=والله إن يسلم ويقفـي طـارده مالـه شريـده
ماندز عسوس لاطاح المطـر صوبـه رحلنـا=حالفٍ تقطف زماليقـه ويرعـى فـي جديـده
حكينا يطلع مثـل زرق الرمـاح إلـى حفلنـا=لاعطينا العلـم لأيـت قـوم مانرجـع نعيـده
عزنـا الله بالقنـازع وادهـم القـب وشكلنـا=وانشدو راكان الأول حيـن جـاه منّـا بديـده
عدنـا هـدّاج تيمـا وإن ظمينـابـه نهلـنـا=سيرته فوق النجـوم وموتتـه فـوق الفقيـده
يوم غنّا جعلـه الجنّـه أخـو لجعـه جبلنـا=راح ياصفنا المخايـل دمّهـا ينـزف وريـده
يـوم نصّانـا العمانـيّ المحـمـل احتملـنـا=نعـم بالمرسـل وبالمرسـول إلاّ جيـد جيـده
ماتعذرنـا بقـولـة تـونـا مبـعـد كملـنـا=ولا نقـول اشكثرهـم لوهـم طوابيـرٍ عديـده
وان غزينا فـوق خـدّك ياالبسيطـه واتكلنـا=مجّّدينـا ياالفعايـل واكتبينـا يـا النشـيـده
الطـعـن فنحـورنـا مايقتفيـنـا لاقتلـنـا=الصبّي فينا عليه الموت أهـون مـن شريـده
فالجمـوع نبـوج درب العيـن بـرّاقٍ حملنـا=نصفق جموع التحالف يفعـل الله مـا يريـده
نمتنـع لا جاتنـا العيـلات أمــا لاجهلـنـا=شرهة العايل علـى روس الأسنّـه والحديـده
مـا نجامـل مانداهـن مانـطـاوع ماقبلـنـا=ياحيـاةٍ تسعـد الأصحـاب أو موتـه فريـده
ذبحة الشيخـان طبـعٍ وارثينـه مـن أهلنـا=المواقف صادقه والروس أعنـد مـن عنيـده
ماعبدنا النوط واللي عـز راسـي مـا شغلنـا=الولد منّـا يعيـش وينتهـي فاضـي رصيـده
كـون عـدة خصايـل ربنـا فيهـا هبلـنـا=استمع لي وانتبه لي مـن وحيـده لا وحيـده
الزبن واللي زبنـا حـرز لـو يزبـن خبلنـا=سلمنا واللي يضيّع سلـم جـدّه ضـاع فيـده
الكـرم فيـه نتطـاول ليـن طاولنـا وطلنـا=الكرم منّـا وفينـا وأفقـر ربوعـي عضيـده
نخـوةٍ فينـا توردنـا المهالـك مانسحلـنـا=مانجيد العذر الأملـس عيـب فينـا مانجيـده
جارنا يحـس نفسـه شيـخ فينـا أو بطلنـا=لو غلط فينا أبد ما ننشـده مـن أنـت ميـده
الشجاعه جيـن مـن جيناتنـا والـى زعلنـا=مانـدور غيـر راس الشيـخ مايكفـي نديـده
للقصيـره للخويـه للعوانـي مــا حبلـنـا=من هل العفه ويشهد خالـق الخلـق وعبيـده
العقيـده بالكتـاب وسنـة محـمـد أملـنـا=نرتضـي سنـة رسـول الله إيمـان وعقيـده
النـذر لاجاتنـا مـا قـال أردى القـوم حلنـا=وغيرنا لامن تضايق صار عبـدٍ عنـد سيـده
البحـر يلهـم مشاعرنـا وفوقـه ماعملـنـا=وش حساك البحر عقّب من رضى العيشه زهيده
عن كلام الكـذب والبهتـان كـم بـابٍ قفلنـا=نجهل الكـذّاب ليـن تفلـص بزرقـه عويـده
من ينابيع الوفاء بالوعـد نشـرب واغتسلنـا=عودنـا قـرمٍ مـن أجـداده وجاهلنـا حفيـده
عزّت النفس العزيـزه تختصـر باقـي جملنـا=مثل خطوى فارسيٍ نزر فـي طبعـه وصيـده
والله أن تصفق ورى خمسين غبّه يـوم قلنـا=القرايح راس حاتم والمـدد مـن عـد ضيـده