محاورة (( بوش × أحمد نجاد )) .!

[بندر]

سلامُ عليكم .,


محاورة عجبتني بين الرئيس الامريكي / بوش الصغير .. وئيس جمهورية إيران .,




بوش



سلام من ريّس مريكا قايد الجيـش الكبيـر
لاوالله ألاّ قايد الشرق الوسط مـع غربهـا
لاتحتزم يا أحمد نجادي وإسمع لشور الشوير
امريكيا وجيوشها .. محـدٍ تمنّـى حربهـا




أحمد نجاد




يامرحبا من رآس كسرى تآصل لبوش الصغير
والهيمنة والسيطره مـن صاحبـك ياقربهـا
لولا المخافه صابتك ماأرسلت لي توني بليـر
وأهل المحازم تحتزم .. لامـن تبيّـن كربهـا




بوش




دام البقا واللي بقا .. تقرير في خط المسيـر
نبا نسير لجيشكم .. وإنكان صامـل سربهـا
ماسّر كسرى دولته .. يوم إعتزا عَمُر وعمير
ويش أنت خابر فالسنين الماضيات وعِربُهـا




احمد نجاد




إيران لامنّك بغيت الشرّ .. شـرٍ مستطيـر
منته معوّد يالصليبي .. لين تونس ضربهـا
حنّا نشبّب خيلنا .. وأنتم تربّـون الحميـر
خلّ السنين الماضيه .. والحاضرات أشّر بها





بوش





أهل العراق إمُنازعتها .. خلّتك حبّة شعير
وحنّا بطشنا دارها .. لكن دربـك دربهـا
حنا صنعنا الطايرة وأنته تعلمّت المطيـر
وإنكان لك حيله بعدها يالخميني ... طِربها




احمد نجاد




العام مرّتك السحابه .. وسط دارك يالخطير
ثم أرثعت فيكم .. والا ياطيب من ناحربهـا
ياخِرُب لاتقعد تطامر .. ينقطع سلك الحرير
ولا تستوي شقر الحرار الصارمه مِعُ خِربٌها






بوش




وراك دوّنت التعازي .. في ملفّـات السفيـر
ساعة تولّمنـا .. وقلنـا يالعميـل أبشربهـا
حنا نسويّ لك عصير ولا تبا شرب العصيـر
هالحين كاسات البصل هات البصل وإعصربها



احمد نجاد




هذي سياسات الدول فالوقت الاوّل والاخير
ماني لحالي والدول .. قامت تدّلـي ثربهـا
حاسب حسابي ماعليّه من قليل ومن كثيـر
لاجا الوعد في موعده يسراك ينقص شربها







بوش




اللي مزيّن حالكم .. علم ( السقيفه والغدير )
وعلوم ماودّي تشوف إصلاحها .. تبطر بها
يالفارسي محدٍ فزع لك .. غير بشّار وسمير
واللي تحكّك فالخشب .. جربٍ تناحي جِربها





احمد نجاد




أثرك عدوٍ معتبر .. تضحك على العظم الكسير
واللي مأثّـر ديننـا .. دينـك بعـد مثّربهـا
كثر الكلام وقلّته .. ماجاب شّـر وزاد خيـر
خلّ الهروج السامجة والصامـلات إقصربهـا



لـ محمد صالح العتيبي

أربها جازت إلكم .؟

[البليهي]

ههههههه



عز اللة عجيبة


جازت لي يابندر ولا هنت على النقل وانا في البداية شكيت انها لك



بروح اشوف شصار عليك انت ويا جرير

سلام

[نـاصـر]

دام البقا واللي بقا .. تقرير في خط المسيـر
نبا نسير لجيشكم .. وإنكان صامـل سربهـا
ماسّر كسرى دولته .. يوم إعتزا عَمُر وعمير
ويش أنت خابر فالسنين الماضيات وعِربُهـا

.....

إيران لامنّك بغيت الشرّ .. شـرٍ مستطيـر
منته معوّد يالصليبي .. لين تونس ضربهـا
حنّا نشبّب خيلنا .. وأنتم تربّـون الحميـر
خلّ السنين الماضيه .. والحاضرات أشّر بها

الله الله



يعطيك العافيه يابندر على النقل المنتاز

وصح لسان الشاعر محمد صالح العتيبي

[جرير]

اثرهم ماهم بسيطين



بندر


شكرا

[فلاح بن ملبز]

صح لسانك يا بندر ولسان شاعرها / محمد صالح العتيبي

ويعطيك العافية على هالنقل الرائع

ولاهنت

[عيد بن شدقان]

اهب الايراني مهو بهين




لا هنت لاهنت



يابندر

[الاحرش]

[بندر]

البليهي

اهم شي انها جازت لك

[سعد العرجاني]

صح لسان الشاعرين الكبيرين بوش\واحمد نجاه المشتهرين با المحاوره و القصيد الجميل









اضحك عليكم هههههههههههههههههههههههههههههه



امحق شاعرين

[فــلاح]

لا هنــت يابنـدر على النقــل المتميـز ..؟
وصـح ألسأأن الشـاعر محمد صـآلح العتيبي .؟
دليــل تمكنـــه .. هــذه المحـاوره ..؟
تقبـل مروري