لاصار اخوك اللي اقرب الناس يؤذيك

[السياسي]

-لاصار اخوك اللي اقرب الناس يؤذيك=وشلون تأمن منه غدره وشره
-ان جاك يطلب حاجة قلت لبيك=وان رحت له تلقا الجفا والمعزه
-والله امصيبه لا حصل لك من اخيك=اخذ النياق ويمنعك حلو دره
-حقه يبيه ولايبي حق يعطيك=وليا احترمته شفت منه المضره
-يبيك له سلعه يبيعك ويشريك=وعلى هواه اهداف نفسه يفره
-تهدي له الورده وبالنار يكويك=ونفعه لك ابعد من نجوم المجره
-وقت الرخاء في كل مطلب يهقويك=وان جاء لزومك نية الخير صره
-وان قلت يا خوي وش صار وش فيك=حلو الكلام يزعله ما يسره
-يبخل عليك بكل ما كان يرضيك=وعليك بلشات المشاكل يشره
-وليا خذا المعروف منك يعاديك=ما يذكر المعروف ولك يتشره
-تواضعك له والرضاء في مباديك = يجزاك به قسوه وطيبك يحره
واصحابه الانذال كالبوم والديك = ويطيع بك عوفه ونمله وذره
مثله وشكله زين لو قال ما بيك = حتى تجنب ديرته ما تمره
البعد عن حي يهينك يعافيك = تصير نفسك دالهه مستقره
وش لك بقربة صاحبٍ ما يصافيك = يا صار ما يشفق عليك وتمرَّه
ما ضيَّق الله طرقها والمساليك = ناسٍ بدل ناسٍ وبدل بر بره
والموت يقفي من تبعد وقافيك = هو أنت من موتى النعش والأسرَّه

تحيات السياسي

[عيد بن شدقان]

وش لك بقربة صاحـبٍ مـا يصافيـك=يا صـار مـا يشفـق عليـك وتمـرَّه
مـا ضيَّـق الله طرقهـا والمسالـيـك=نـاسٍ بـدل نـاسٍ وبـدل بـر بـره
والمـوت يقفـي مـن تبعـد وقافيـك=هو أنت من موتـى النعـش والأسـرَّه

السياسي


صح السانك ولا هنت

[ابوتركى]

-لاصار اخوك اللي اقرب الناس يؤذيك وشلـون تأمـن منـه غـدره وشـره
-ان جاك يطلـب حاجـة قلـت لبيـك وان رحت لـه تلقـا الجفـا والمعـزه
-


كلمات جميله واعتقد اخر كلمه بالشطر الثانى المضره وليست المعزه


صح السانك ولسان الشاعر

[cool]

السلااام عليكم ورحمة الله وبركاااته

صح لسااااانك السياااااسي .

الله يعطيك العااافيه ولا هنت .

كـووول

[ابن وعيل]

لاهنت يالسياسي ع القصيدة الرائعة
ويعطيك الف عافية


تقبل تحياتي

[السياسي]

الراكد يامرحبا ومسهلا ويعطيك العافيه


ابو تركي مرحبا الف وصح بدنك





السياسي يشكركم على المرووووور

[السياسي]

ولا انت يا كوووووووووووووووول واسعدني مروووووووووورك




اررررررررررررررررررررحب يا بن وعيل وين ذا الغيبه مرحبا الف




تحيات السياسي

[ابن مكتوم]

لاهنت يا السياسي وصح لسانك
بس يا ليت تذكر لنا القصيده
لك ولا لمن





بن مكتووووووووووم

[السياسي]

ارحب يا بن مكتوم القصيده لشاعر سعودي لا اعرفه نشرت قبل 3سنوات في جريده سعوديه




تحيات السياسي