السلام عليكم ورحمة الله وبركاته
صــلوا على نبينا محمد
بالبــدايــه احب ان اضع هذه القصيده امامكم
و اتمنى ان تنــال اعجابكم
قصيـــدة ألالفيــــة للشلاقي عز
الالـف ابـدا اول القـاف وابـديـه=بسـم الله الوالـي كثيـره حسانيـه
على عباده واكثـر النـاس تعصيـه=باليـد والعينيـن والقلـب ولـسـان
البا بانـت حاجـة بيـن الاصحـاب=كل بخـوة صاحبـه صـار جـلاب
عشان غلطه عابـره واتفـه اسبـاب=لا وا حسافـه خـوة دون عـنـوان
التا تـوارى صدقنـا وسـط تابـوت=وياكرهنا للحق اكثـر مـن المـوت
والصوت ماينفع بعد فايـت الفـوت=اتعبت نفسي وايضـا الحـس تعبـان
الثـا ثـارت ثـورة القـاف فينـي=مابيـن بحـر وبيـن فكـره تجينـي
واجيب جـزلات الشعـر يافطينـي=القاف عندي جاري وسـط شريـان
الجيم جابت مقلتـي صافـي الدمـع=زي الزجاج اللى تناثر عقـب جمـع
على الذي دايم له الطـوع والسمـع=شخص عزيز وفقـده اليـوم ابكـان
الحا حالي حار بـه معظـم النـاس=من سبة اللى خدها بـرق الالمـاس
وعيونـه اللـى دعـج دوم ونعـاس=قالوا سقيم وقلـت طبـي بالاعيـان
الخا خوفـي مـن دواليـب الايـام=لا تنعكس لاتختلـف تصبـح احـلام
وحياتنـا لاتنقلـب تصبـح اوهــام=ونعيش دون اهـداف حيـه ونيشـان
الـدال دربـي دلنـي دار الاجـداد=واخذت منها قربـة المـي والـزاد
ياسعـد منهـو زاده الديـن وامجـاد=قبل المقابر تحضنه وسـط الاكفـان
الذال ذلفت راعـي الطيـر ورشـاه=ياللى الطمع عن حاله السـي اعمـاه
ياللى تبـدل اطيـب النـاس بـاْرداه=ياطامع بالـزود واصبحـت نقصـان
الراء رفيقي مااتركه وادبـر ادبـار=لاصار وحده ماشين درب الاسفـار
بالضيق سيفه عن كبيرات الاخطـار=ولا الرخا موجودتن كـل الاعـوان
الزاي زاد بخافقـي زايـد الشـوق=زي الحرار اللى ترا نظرتـه فـوق
تبي النوايف تعتلـى راس شاهـوق=شوقن ترا مايوصفـه قلـب انسـان
السين سامح وادمح الـزل يـا خـل=والخل يدمـح غلطـة الخـل لا زل
والخل دون الخل كنـه علـى مـل=دون الحبايـب كننـا فـوق نيـران
الشين شيب راسي اليـوم كالشـاش=من واحـد مابيـن ربعـه ومعتـاش
باْعراض غيره دايـم الـدوم نهـاش=مثله عسى ماعاش وان عاش فقـران
الصاد صادق صاحب البيت لا قـال=عـز الله انـه عايشـه ظلـم واذلال
اللحية اللـى ماهـي بوجـه رجـال=لا صار ماله طيـب بيـن ولا شـان
الضاد ضاقت بي وانا بالخلا لجـت=بعيد عن عين البشـر يـوم احتجـت
اطلع صناديق العنا يومهـا اخرجـت=دمـع يشابـه مثقـل الغيـم هـتـان
الطا طنايا عزوتي في ضحى الكـون=شمر سنا عيس الفخـر ماتجـي دون
و انا و انا وان كان ما كان تـدرون=من راس سنجاره هل الطيب شلقـان
الظاء ظني صادق بعـض الاوقـات=ان القصيد يكون مثـل الرصاصـات
دايم على الصوبين شـر وخيـرات=لا صار معنى .. قافيه .. زايد اوزان
العين عمرك قاصريـا فتـى الجـود=مار اغنمه بالزود كانـك تبـي زود
وترا العلوم الطيبـه ريحـة العـود=تبقى على مـر الليالـي والازمـان
الغين غني يـا حمامـه لنـا طـرق=عساه يسلا خاطري عن هل الشـرق
اللى خذوا قلبي كمـا لمحـة البـرق=اسباب رمش وعين سوداء وحجـان
الفاء فرقـا بعـض الاجنـاس جنـه=فرض على الانسـان تركـه وسنـه
وش لك بنـاس ضاحـك دوم سنـه=لا صار قلبه ممتلى لـك بالاضغـان
القـاف قالـوا فـي قديـم التماثيـل=دايم ترا الـزراع يجنـي محاصيـل
و انا جنى كفي عقب زرعه الويـل=قابلت من ارضي جحـود ونكـران
الكاف كني للشعـر رجـل كرسـي=وما قيـل دونـه ثابـت دوم يرسـي
احمل رسايل صادقه وسط طرسـي=للناس ماهـي شخبطـات بالالـوان
الــلام لا لا يالـغـلا لا تفـكـر=عن غير حبـك قلبـي العـام سكـر
وعن غير شوفـك عايـف ومتنكـر=اسمك جرى في دم قلبـي وشريـان
الميم مـد الكـف لمصافـح الكـف=اللى ندى طيبه عـن الكـف ماجـف
ونزه يمينـك عـن يمانيـه والتـف=ذاك الـذي والشـح ربـع واخـوان
النـون نختـم قافنـا فـي ختـامـه=يـا رب تصلـح ديننـا و السلامـه
وتصلح بعـد حـال البـلاد وامامـه=ويعم خيـرك كـل شبـر بالاوطـان
الهاء هذي زبـده الهـرج والقـاف=ماهو على ماقيل هـزلات وعجـاف
هرجي صحيح مايبي شرح عـراف=معروف شعري في وسط كل ميـدان
الواو واللـى نختتـم بـه قصيـدي=اعداد مااومى بالنخل مـن جريـدي
واعداد ماهو ينقطف مـن حصيـدي=صلاة نوهبهـا علـى خيـر عدنـان
اليـاء ياللـى تسمعـون القـوافـي=صلوا علـى محمـد وألـه وكافـي
اعـداد منهـو بالحـرم بالطـوافـي=خيره البريه سيـد الانـس والجـان
15-05-2007, 01:55 AM
الالفيــــــــه للشـــــلاقـــي عز
العرض المتطور
