صباح الخير للجميع
الأخ عزام علي شان طلبك
لي في منتدي المحاوره
هذي القصيدة(الرضيمه)
طبعا هي خاصه ونسبتها للرضيمه تسميّه عنوان
وألا هي خاصه والعذر من التكمله؟
نجوم الليل يالع بها جمر البراكين=هذي ما هي روايات كتّاب الخرافه
لا ضاق الصدّر يطلع علي وجهك براهين=وأنا مانيب أحب التطفّل واللقافه
لو أطلع في الأذاعه تصفّق لي ملايين=بعد مات الخليفه توّليت الخلافه
حروف الأبجديّه ثمانيه وعشرين=ملبسها الجواهر رهاء مامن كلافه
وموّردها لعين السّحاب المورد الزين=ومكسيها الذّهب فوق كرسيّ الرصافه
علي ساس الحجر ما نسيّسها علي الطين= زحول الهجس ما تلحق الخاطر حسافه
تطيع الفكر مثل السرايا والسلاطين=تهايق بي علي الجدي ويقه ونصرافه
وندفع للقوافي وللهاجوس تثمين=سوات الصيرفي لا دخل سوق الصرافه
منقيها من العايبه والمنطق الشين=وصح الله لساني علي الهاجس وقافه
وللبيداء دلايل وللصفحه عناويين=وللمسلم صلاته علي طول المسافه
نعبد الله ونمسح علي روس المساكين=ولا غير الله الواحد الخالق نخافه
حدود الجد نجران ألي الجهراء ويبرين=وفعل(ن)في الرضيمه كثير الناس شافه
أخذنا ثار عامر وغيّرنا الموازين=قبل عبدالله الفيصل وصلح العرافه
أذا عشنا سفارين وأن متنا سفارين=ولدّنا ما يروم الميوعه والسّخافه
تقول العلم بكره وأقول العلم ذالحين=علي وضح النقاء ما تعودّنا الحيافه
بعد ما كان بيني وبينك ود حرفين=أشوفك مثل ما أشوف عمال النظافه
08-10-2006, 09:41 AM
العرض المتطور
