السلام عليكم ورحمه الله وبركاته
اخواني اعضاء منتدى العجمان صبحكم الله بالخير وهذي قصيده جديده اتمنا ان تنال اعجابكم وتقبلو مني خالص الاحترام
يقول:
الحب ميزه ساكنه كل انسان =قدره الالهيه وربي وهبها
ميز بها شخصين فهم الابوان=من خلقت الدنيا علينا كتبها
من حبهم يرجح بهم كل ميزان =لوضاقت الدنيا وزادت كربها
لكن انا خلقي عن الناس شتان =زودن على امي وابي هي نسبها
سبحان ربن قسم الحب سبحان =له دبرتن فالخلق محدن حسبها
ياسالفه حبي ترا الحب سلطان =ركز ارماحه بالقلوب ونصبها
احبها والحب فيني من ازمان =احبها واطمع واشيد بنسبها
احبها واقول لو كان ما كان =اموت لجل الحب كله سببها
وانكان جيت اقصاي كله على شان=الجادل اللي حظ منهو كسبها
المهره اللي مالها سرج وعنان= ياويل منهو يالعواذل قربها
وان جيت اوصفها عن الوصف عجزان=تتعب بحور الشعرتوصل عجبها
يا ويل حالي لا نظرني بالاعيان =اضيع من نجل العيون وهدبها
في شفته لمحات لولو ومرجان =ياحظ منهو ذاقها واقتربها
عوده خضر بالزين مترف وريان = يدبح ليانه والوصوف اكتسبها
فيها وصوفن ماتجي وسط الاذهان =ترا القمر يا ناس غار ونهبها
وانكان في بالك تجافي وهجران =لي حاجتن عندك تكرم وجبها
كانك خذيت القلب رده بالاحسان =مادام نفسي ماتنفذ طلبها
هي صورتن يطمع بها كل فنان= هي ايتن للزين ربي ضربها
اخوكم :عبدالله بن شبنان العجمي
13-01-2006, 05:02 AM
العرض المتطور
