واحدة من اجمل القصائد
قصيدة ليست ككل القصائد . . قصيده تجمع كا احاديث الحب والحنين
سعد علوش وقصيدة لاتتكرر في زمن سئمنا فيه القصائد المتشابهه
جمرني ابدفى من التجمير=وبفرح ولو النفس نقاده
ياشهر تسعه جعل مابك ظير=بك يوم ميعادي بميعاده
جبه وجبني صب ذايب مير=معاه خاتم شوق وقلاده
ووجه رسايل دعوة وتحذير=لشياءنا الي غير معتاده
لأحلامنا الواجد..عن التحرير=وقصة سجين يحب جلاده
ووسائل التشويق والتأثير=والشعر بوصوله وبأبعاده
والغيم..وزخات المطر والطير=وبخار فم البرد وقناده
وسيُد جنيد...وسيدة كارتير=وبكلات ليلٍ يشقر اسواده
والقبعه ... والمعطف الحرير=والنادله ...والقهوة الساده
والمرحباه الي لها تخدير=وقلم .. ودفتر سلك .. ووساده
والنمل .. والنسناس .. والنوير=وابوعلي واجداد اجداده
وابوعمر ... والسايس الفقير=وجنايني الشتلات ابوغاده
والصبر ... والفراش ... والتقدير=وبنات كل الحي وأولاده
في شارعه يتجمعون عصير=للتهنئه في عيد ميلاده
ولا خلص التصفيق والتصفير=من كل مجموعة طلع قاده
وقالوا رجاءٍ مانبي تأخير=ردو ورانا بذوق وإجاده
مع بعض ...كل عام وانت بخير=ياغلا البشر ياسيد الساده
تكفى وسامحنا على التقصير=والله يزود بعمرك اعياده
وانا اللي احبك محبه غير=من قلبي وفودة افواده
كل عام وانت بخير وانا بخير=وكل عام وانا احبك بزياده
وكل عام وانا اكافح التغيير=وكل عام ولا انتب على العاده
وكل عام وانا اموت التفكير=واحبك بإصرار واراده
وكل عام ودموعي عليك تحير=وهذي السنة بالذات هداده
وكل عام تكبر به ترد صغير=كأنك تسوي لوجهك اعاده
ياكبدي الي معك كبد بعير=مرددن غاربه لشداده
وياحب قلبي لقلبك الشرير=الابيض الي عناده عناده
سياسة التوطين والتهجير=ماخلت الفقير فبلاده
والله وكبرنا والاماني بير=مصداره يشابه الميراده
"سبعة وعشرينك" عساها تصير=ميه على عز وعلى عباده
ياحبي الاول ويا الاخير=اللي قديمه ورث اجداده
كل عام وانت بخير وانا بخير=واشيب وانا احبك زياده
اعذروني على الاخطاء ان وجدت
22-11-2005, 01:31 AM
العرض المتطور
