مالله خلقنــــي أتبع الناس شرواك ...!!

قبلةالعجمان · #1 03-07-2005, 04:21 AM

خلك على هجرك وصدك وفرقاك = الناس وااااااااجد والحبايب كثيره
مالله خلقني اتبع الناس شرواك = راع الوفا والطيب تابع مسيره
ولا تحسب الليل كله بطرياك = يالله عسى فرقاك والامر خيره
ولا تحسب ان القلب في الحب بداك = فرقاك ريح الورد ما احلا عبيره
افرح لصدك والعن حظ وياك =وافرح اليا شفتك بحاله خطيره
وازعل اليا من جابوا الناس طرياك =يا غدر يا جرح السيوف الشطيره
كنت الغلا والحب والقلب يفداك =واليوم عندي مثل حاجه صغيره
اخطيت انا في قولي يوم قصدناك = تراك عندي مثل حبه شعيره
انت الغدر والا الغدر تحت ماطاك =والا سفير الغدر في كل ديره
في كفك اليمنى شرابيك واشواك =وفي كفك اليسرى حكايا قصيره
والله حسافه ما اكسر ضلع يمناك =يوم حذفت الليبيدي وغيره
عيب على نفسي تحبك وترضاك =لو انت ما غيرك بوسط الجزيره
لا رحم الله ابو ساعه في ذا العين شفناك =ولا رحم ابو ساعه عيوني سهيره
مسكين ياللي شاف زولك تمناك =من زود حبه فيك حب العشيره
عسى الليالي السود والهم يطواك =وش خانه مفتح يحب الضريره ؟؟
رزقي على الله ماش رزقي بلياك =ياللي تخون الطيب تلعن عشيره
خلك على صدك وانا اللي اتحداك =اسبح بحور الصبر لو هي غزيره
ما عندي فيها يوم شفنا وعفناك = لا ما عليك الدمع حرق نظيره
اعطيك بحر الشوق ياما سقيناك =ولا حصل لي منك غير المغيره
انسااااااك من قلبي وانا الحين ابنسااااااااااك= وكل ٍ على كيفه يحدد مصيره

وسلااااااااامتكم ...

>> سعود المحجان <<