يــــــــــــاوجـــــــــــــــــودي

[جراح بن ضيدان العجمي]

بسم الله

السلام عليكم


اضع بين ايديكم هالمتواضعة


ابدأأ
//
//
//
//
//
ياوجـودي كلمـا جانـي ذكـرش يالبـدر
/// وجد من كبده من اسباب خلانـه تفـور
//
//
ياوجـودي يـوم شفتـش زبنتـي للهجـر
/// وجد من خابت هقاويه وافكـاره تـدور
//
//
وجد مـن جالـه سـؤال ٍ وجـاوب مانكـر
/// واستعان الرد شعـر وسطرهـا شطـور
//
//
تسألينـي ليـه دمعـك علـى خـدّك حـدر
/// والاجابه يوم حبش لعـب فالقلـب دور
//
//
كم علـى شانـش دموعـي تهـلّ وتنهمـر
/// زاد همّي يامنى الروح ياعمـر الزهـور
//
//
بان لـي ماكـان يخفـا وكـل شـيٍ ظهـر
/// اعرف المضمون لاصار بـه لـفّ ودور
//
//
كان حبّـش مايمثّـل بـه أسبـوع وشهـر
/// كان عندّي مثل حكم الملك ذيك القصـور
//
//
كان مثـل الكـون كلّـه وصكّـات الدهـر
/// من وانا ويّاش في مبتدا الدنيـا بـزور
//
//
كان حبّش مثل طفـلٍ وسـد صـدري كبـر
/// ماذخرت من الغلا له ولا صدق الشعـور
//
//
ولاطلبتـي قلـت سمّـي ولبّيـت الامــر
/// انثني لجلش ولو تطلبي صعب الامـور
//
//
كلّ ذا وخفي الغـلا ياقمـر خمسـة عشـر
/// خايـف ليظهـر العلـم والبايـر يبـور
//
//
يالرموش اللي خذت مـن متاهـات السحـر
/// صرت انا مجنون ضيّعت مابين السطور
//
//
مـن نبيـذش بالشفـاه المعتّـق بالخمـر
/// من يذوقه ماصبر عّنه لو كانـه صبـور
//
//
والشعر الاسود على المتـن يالبّـا الشعـر
/// كنه الليـل العتيـم الـذي يقفـاه نـور
//
//
نور مـن نـور الجبيـن الهلالـي والنحـر
/// انتي اجمل من يباهي على مرّ العصـور
//
//
الحـلا عنـدش تعـدّا علـى كـل البشـر
/// طلّتش تغني عن العمـر يابـدر البـدور
//
//
لو كتبـت الشعـر يفنـى ويقفـاه الحبـر
/// مالحقت ادنى مزاياش ياحلـم الظهـور
//
//
صرت احسّ اني معش من على سطح القمر
/// وان تباطيتش غدى الكون في عيني دبور
//
//
اقربي شوفي مـن الهـم منّـش والسهـر
/// ضاق بي وسع الفيافي وضيّقت الصدور
//
//
ليـت كـان الحـب ياغايتـي حكـم القـدر
/// ولانصدمت بحبّش اللي غدى زور وزور
//
//
يـوم شفتـش مقفيـه يالمهـا زاد القهـر
/// العزا انّه مابدى من هوى قلبي قصـور
//
//
حبـي اهديتـش ولاتطلبيـن اغـلا مـهـر
/// سقت رجلي ماحسب لو تورّدني القبـور
//
//
كان لش فالصـدر بيـتٍ مطـوّق مـن درر
/// والغلا لـش يرتقـي للسمـا دورٍ ودور
//
//
وياخسـاره راح عمـري وضيعتّـه هــدر
/// والخيانه حطمتني وانا صـرت امعثـور
//
//
غير انـا بجفـاش واعـوّد القلـب الصبـر
/// علّ ينسا ماضي الحب ( يابدر البـدور )
//
//
والا انا ياوجد منهو مشى وسـط الوعـر
/// وجد من حظه من الوقت صاير به دبور
//
//
وياوجودي وجد مـن سـاق بـزره للقبـر
////وارتخى المحزم ولا عاد شاف النور نور
//
//
وياوجـودي كلمـا جانـي ذكـرش يالبـدر
/// وجد من كبده على النار تصلى ثم تفـور
//
//
وســــلامــــتـــــكـــــم
//
//
جــراح بــن ضـيــدان العـجـمـي
//
//

[البدويه]

صح السانك ولا هنت يا جراح

اخــــــــــــــــــــــــــــــــــــــــــتـــــ ـــــــــــــــــــــــــــك

[بحوور]

بن ضيدان العجمي




صـــــح كـــــلك مليــــــــوون

ولاهنـــــــــت ,,





أختــــــــكـ

[جراح بن ضيدان العجمي]

المشاركة الأصلية كتبت بواسطة البدويه

صح السانك ولا هنت يا جراح

اخــــــــــــــــــــــــــــــــــــــــــتـــــ ـــــــــــــــــــــــــــك

ارررررررررررررررحبي


صح الله ابدنش ولاهنتي على مروورش الكريم


اخيش جراح

[فيصل بن حجرف]

صح لسانك اخوي جراح
والله لايهينك على القصيده الرائعه
ونتمنى انك ماتبطي علينا بجديدك

[قبلةالعجمان]

صح لســــــانك ..

[فلاح بن ملبز]

صح لسانك على البداع الرائعه

وقصيده منتازه مره ... ولاهنت يا جراح

[فيصل المشوط]

السلام عليكم ورحمة الله وبركاته

لاهنت يا جراح شي جميل

[جراح بن ضيدان العجمي]

بحور صح الله ابدنش ولاهنتي على مروورش الكريم

جعلش تحيين والله


فمان اله

[فيصل المريسي]

وياخسـاره راح عمـري وضيعتّـه هــدر
/// والخيانه حطمتني وانا صـرت امعثـور
//
//
غير انـا بجفـاش واعـوّد القلـب الصبـر
/// علّ ينسا ماضي الحب ( يابدر البـدور )
//
//
والا انا ياوجد منهو مشى وسـط الوعـر
/// وجد من حظه من الوقت صاير به دبور
//
//
وياوجودي وجد مـن سـاق بـزره للقبـر
////وارتخى المحزم ولا عاد شاف النور نور
//
//
وياوجـودي كلمـا جانـي ذكـرش يالبـدر
/// وجد من كبده على النار تصلى ثم تفـور


الله عليك


مدري وش اقوووووووووووووول




صح قلبك