ذبحني ساكن الرقه

[الجويّر]

ذبحني ساكن الرقه ذبحني ياهل المعروف =ابي يفهم .ولا يفهم محال النجم نرقاله

تركـّد لاتدهورني كفا ياضامر السرجوف=علامك تكثر هموم ٍ تشادي نجد وجباله

أنا ودّي تراجع مامضى من خافي ومكشوف=عسا تفهم وترحمني هوانا صعب بوصاله

تعلّم وافهم الدنيا .ترى الدنيا غموض اصدوف=لليالينا تجمعّنا ونـفـس الوقـت زوّالـه

اذا رافت على غيرك فلا تحسب عليك اتروف=بها ناس ٍ تحلّ وناس يالمجمول رحّاله

ياليت انك تسامحني انا بعدي سبب وظروف=وتأكد يالغضي حبّك بوسط القلب منزاله

وعسا ربي يصبّرني ليامن صرت بك ملهوف=ويرحم كل عاشق . لاطرا خلّه على باله

الشـــــــــــاعر/ ســعود رتيبان الجويّر

[ابو محمد]

صــح لسانك يالجويــر

وحياك الله في منتدى العجمان

ابـن عجـيم

[عـزام]

الشاعر سعود الرتيبان

ابيات رائعه

صح الله لسانك

ولا هنت يالسنافى

اسمح لى انقل القصيده لديوان صدى المشاعر الخاص بقصائد الاعضاء فقط.

[اطياف الماضي]

ياليت انك تسامحني انا بعدي سبب وظـروف
وتأكد يالغضي حبّك بوسـط القلـب منزالـه

وعسا ربي يصبّرني ليامن صرت بك ملهوف
ويرحم كل عاشق . لاطرا خلّـه علـى بالـه


صح لساااااااااااانك اخوي سعود

ابياااات جميلة

لاهنت ياخوي

في انتظار المزيد من هذا الابداع

تحيتي

[هند]

أنا ودّي تراجع مامضى من خافي ومكشـوف
عسا تفهم وترحمني هوانا صعـب بوصالـه

*

صح لسانك
أبيات رائعه

السؤدد

[فيصل بن حجرف]

صح لساانك اخوي سعوود
ومرحبا بك في منتداك
وان شاءالله نشوف المزيد من ابداعاتك

[قبلةالعجمان]

صح لســــــــــــانك ....

[مـحمـد]

الاخ سعود حياك الله من جديد بين اخوانك في منتدى العجمان واسعدنا انضمامك لنا
وصح لسانك على هذه القصيده الرائعه الزين مايجيب الا الزين
وبانتظار جديدك .

[بحوور]

ســعود


يا هلا ومسهلا والله ,,

منوورنــــــا ,,

وصـــــح كـــــلك مليـــــــوون

ولاهنـــــــت على هالجزلـــــه ,,




تحيــــــاتي وتقديـــري

[الجويّر]

صح بدنك ابو محمد وشاكرلك على المرور الكريم








تحياتي الجوير