واعذابي ... للشاعر إبراهيم محمد السهلي

[الاصيله]

بسم الله الرحمن الرحيم
..
..
واعذابي كان طوّل بالغياب ..
.. نابي الردفين ملهوف الضمير

كم من اسبابه تخطّيت الصّعاب ..
.. واتِصبر واخفي الجرح الخطير

وكم من اجله قلبي الملتاع ذاب ..
.. لين صار القلب لاحزانه أسير

كم نهوني عن هوى ترف الشباب ..
.. واسلك اخطر درب لجله بالمسير

والهوى راعيه مايحسب حساب ..
.. لو يذوق المرّ من بعد العشير

ياوليفي ليه ترضى بالعذاب ..
.. للمحبّ اللي يحبّك مايصير

وكان قلبك يارقيق العود طاب ..
.. أشتكي لله من سوّ المصير

أشهد انّ الظن بك ياصاح خاب ..
.. ماحفظت العهد والحبّ الكبير

مير ابصبر وارتجي منشي السحاب ..
.. يجبر اللي من صواديدك كسير
..

تحيااتي لكم
..

[●• Ŝђǿǿq •●]

ياوليفي ليه ترضى بالعذاب ..
.. للمحبّ اللي يحبّك مايصير

أشهد انّ الظن بك ياصاح خاب ..
.. ماحفظت العهد والحبّ الكبير


تِسلًم يمينكـً ..~

[الاصيله]

المشاركة الأصلية كتبت بواسطة ●• Ŝђǿǿq •●

ياوليفي ليه ترضى بالعذاب ..
.. للمحبّ اللي يحبّك مايصير

أشهد انّ الظن بك ياصاح خاب ..
.. ماحفظت العهد والحبّ الكبير


تِسلًم يمينكـً ..~

[الـعـابـر]

صح لسانك ولسان شاعرها

[الاصيله]

المشاركة الأصلية كتبت بواسطة الـعـابـر

صح لسانك ولسان شاعرها

ولسان العاابر لاهنت

[الســـيبيري]

صح لسانك ولسان شاعرها
لاهنتي ع النقل الرائع

تحياتي,,

[الاصيله]

المشاركة الأصلية كتبت بواسطة الســـيبيري

صح لسانك ولسان شاعرها
لاهنتي ع النقل الرائع

تحياتي,,

ولاندمت ع مروورك العطر السيبيري

[(جساس)]

صح لسانك الاصيله صح ذوقك الجميل
متذوقه لشعر
تقبلي
مروري

[الاصيله]

المشاركة الأصلية كتبت بواسطة (جساس)

صح لسانك الاصيله صح ذوقك الجميل
متذوقه لشعر
تقبلي
مروري

صح بدنك جسااس نورت الموضوع لاهنت

[يآحبني لهـ]

صــح لسانگ ولسان شاعرها
ذويقه بأختيارگ