( إلا الدستــور ) لـ محمد بن دسمــه !

[سلمان بن ضيدان]

( إلا الدستـور ) !

لاغنيت يامحمد عطاك اذنه الجمهور=فلا تبخل بذكر الامور الحقيقيه
فـ ياما تبندق فالقريحه عشان تفور=او انك تخلي الشعر معنى وقافيه
خذينا الشعر لعبه وانا عشت بافضل دور=اخلي الحكي صوره وصوره خياليه
صدور الرجال قبور ولا ماهي بصدور=يموت الرجل سره ولا مات طاريه
لو ان الصدر قبري بحنه وانا مقبور=لكن الصدر يجهل معاناة راعيه
تري من قدح راسه عزيز وطويل شبور=علي راسه غيوم ولاهي بصيفيه
كرامه عريب الجد من دونها الشرشور=ودون الحلوق يدين هذي وهذيه
فـ حنا هل الدوله علي ساس طاري السور=خذينا الفخر بالفعل ماهو بعانيه
وحنا هل الدوله علي ساس طاري السور=مايحتاج تلميع القناه الفضائيه
وحنا هل الدوله علي ساس طاري السور=قبل يطلع المهري وينخي مواليه
وحنا هل الدوله علي ساس طاري السور=قبل شركة البترول تبحث مواريه
ولو يجحد الطيب من الثور لين الثور=فلا نزعله ان ضيقو في مساعيه
سكتنا يوم ان الكلب يبحث عن المحظور=ولاهوب مزعجنا كلاب الحراميه
ولكْن لاصارت علي الحق يادستور=ولائي لهذي الارض ماهو بجنسيه

صح لسـآن أبو نـآإدر : )

[فجر]

صح لسانكـ ولسان قايلها اضم صوتي لاصواتكم
فعلاً الا الدستور
فـــــجر

[عـزوز]

صح لسآن محمد بن دسمهـ

ولاهنتـ يآضيدان ع النقل الجميل

شـــــــكراً لكـ




.
.

[خالد بن رمثان]

صح لسان محمد بن دسمه


حضور طيب من شاعر مميز


صح لسانه و لاهنت يا سلمان عالنقل ..

[فهيد الهتلاني]

سكتنا يوم ان الكلب يبحث عن المحظـور
ولاهـوب مزعجنـا كـلاب الحراميـه
ولكْن لاصارت علـي الحـق يادستـور
ولائـي لهـذي الارض ماهـو بجنسيـه

.....


كفو .. وبيض الله وجه من قايلها .. وبالفعل قصيدة تستحق أن نسجل أعجابنا بها ..

شكراً ولاهنت ياسالم

[العــــديم]

صح لسان محمد بن دسمه ..
ولاهنت ياسلمان ع النقل

[*ابوخالد*]

صح لسان محمد بن دسمه ..
ولاهنت ياسلمان

[الفريض]

صح لسانك ولسان ابن دسمه
ولاهنت ع النقل الرائع
تحيــــــــــــــــــــــــــــــــــــاتي ،،

[سلمان بن ضيدان]

فجر

لا هنتي على المرور

[(سعد بن محمد)]

صـح لسآن الشاعر : محمد بن دسمه

ولاهنت ياسلمان ع النقل الطيب