((..... رآئــحــه كـــريـهـــــه ...... ))

[العنفوآن]

الـسـَّـلآمـ عَليْكمْ ورَحَمة الله وبَرَكآتُه...,,//



بدون مُقدمآت::


بمآ أنّ في شَهرْ رمضآن الكريم وأغلب النآس تحرص على الصلاة يومياً في المسجد

لأداء صلاة الترآويح..,, وصلاة القيآم إن شاء الله في الأيام المقبله إن الله كتب لنآ عمر..,,


ولكن في أخطآء شاسعه يقوم فيها البعض وأخطاء تؤذي إللي بيجلس بجانب أو بالقرب


من هالشخص وألا هي : مسألة النظافه الشخصيه..,,


فـ تجد بعض المصليات تـأتي الوحده فيهم وهي بنفس الدرآعه إللي طبخت فيها الفطور


ياليت مره ولا مرتين لا كذا مره يحصل لي مثل هالموقف استغفر الله

حتى ماني قادره أخشع بالصلاة من الرائحه وخصوصا مع المروحه إللي يعلقونها على الجنب

تهف الهواا كنها تقوول لي (( هاذي هي الرائحه جلبناها لكي )) ..,,


يعني من كثر ماهي مومستعده للصلاة تلقاها بس توضت وطلعت طيب

خلاص صلي بالبيت ولا انش تأذين خلق الله بالمسجد..,,


يعني لو بتروح بتقابل شخصيه معروفه ولا ناس بتسير عليهم

تلقاها تبدل الدراعه وتلبس أحلى ماعندها وتتبخر وتحط العود والملفع الجديد


والصلاة........؟؟!!!

لا الصلاه عادي بنفس الدراعه وواجد عليها توضت..لافرشت الأسنان ولا حطت عود

ولابدلت الملابس وبعضهم يقولون لا اللي تتعطر وتطلع تعتبر زانيه


طيب لاتحطين عطرر قوي يشق الخشم حطي دهن عود وفوقه النقاب يعني الرجل او اي احد

يمر طبيعي ماراح يقدر يشمه..,,


لأن بالصلاة بتقابلين الله سبحانه وتعالى ... كيف تقابلينه برائحه كريهه إللي حتى الملائكه

بالمسجد تتأذى منها مو بس البني آدم...,,

فـ على المصلي ان يعرف منزلة المسجد وأن يهتم بحسن المظهر وجميل الملبس وطيب الرائحة ولا يجوز له ايذاء المصلين برائحته. قال رسول الله صلى الله عليه وسلم:

((من أكل الثوم والبصل فلا يقربن مسجدنا فإن الملائكة تتأذى مما يتأذى منه بنو آدم ))



:::::::::::::::::::::::::::::::::::::::::::::::::: :::::::::::::::::::

وثاني شي إللي تعطس وتمش خشمها بإيدها >>آسفه بس والله هذا إللي حاصل


الواحد صار يصلي ببيته والسبب هالأشخاص إللي لايعطون المسجد ولا المصلين الحرمه



يعني انتي عطستي حاولي تحطين الإيد على الوجه علشان لاتعدين إللي جنبج

واحنا داشين على موسم تكثر فيه الأنفلونزا ومع إنفلونزا الخنازير إللي منتشره هالأيام

صار الواحد يخاف ..,, يعني وين مسألة النظافه الشخصيه


الحمدلله الكلينكسات موزعه بأرجاء المسجد وجزاهم الله خير ماخلوا زاويه ولا رف ماحطوا فيه

علب الكلينكس وماحطوه إلا لكم يعني اخذي لش جزاش الله خير خمطة كلينكسات وحطي

بجنبش لوقت الحاجه دامش مريضه...,,


:::::::::::::::::::::::::::::::::::::::::::::::::: ::::::::::::::::::::::::

ثالث شي: إللي يصطحبون أطفآلهم معاهم للمسجد ... يبا وين قآعدين إحنا

بعضهم بناتهم مولابسين لاحجاب ولاعبايه يعني أشكر ه جايه تلعب وتأذي إللي بالمسجد


يطامرون ويتكلمون وركض وجري إللي بصلي بيتشتت ولا راح يتدبر الآيات ولا يخشع


المسجد له حرمته والبيت جنة الأطفال..,, وبعضهم ينصحون أمهاتهم وينبهونهم على ان

مايصير كل يوم جايبه قوقش بزران معاها تلقاها تطنقر وتعصب وتقول مالكم شغل

تقول ماخذتهم فسحه مو مسجد !!

:::::::::::::::::::::::::::::::::::::::::::::::::: ::::::::::::::


رآبع شي: لاصلّينا مع الإمام صلاة العشاء يعطينا وقت لمدة ربع ساعه تقريبا على مانبدأ

بصلاة التراويح .... بهالوقت تعالوا شوفوا العجب العجاب

إللي تضحك بصوت عالي وهي تسولف تقول قاعده ببيتها وإللي تحش وتقرض بخلق الله

نست أو تناست إنها بالمسجد ودور عباده والمشكله بيننا وبين صفوف الرجال في المسجد

قاطع من خامه لضيق مسجد النساء عطونا هالمكان جزاهم الله خير

يعني صوتش وانتي تضحكين وتكركرين وتسولفين بصوت عالي الرجال مايسمعوونه..

والله بعض الرجال تلقاه يقول بصووت عالي لنا: صووووت صوووت يا إخواات

تفشل المسكين ؟!


:::::::::::::::::::::::::::::::::::::::::::::::::: :::::::::::::::::::::

خآمس شي: نظافة المسجد يعني البعض جزاها الله خير يحط خلطات على طاوله بالمسجد

ويجيب يوميا علب كلينكس وبعضهم يجيب كراتين ماي صحه للمصلين يعني ناس

تدوّر على الأجر والبعض استغفر الله وكأنه يدوّر على السيئات تقط الكلينكس وماتشيله

وإللي تشرب المآي وتخليه مفتوح وتجي غيرها تمشي وتكب المآي وينقع ومحد يقدر يصلي

بهالمكان وإللي تاخذ القرآن ولاترده مكانه ..,,,

:::::::::::::::::::::::::::::::::::::::::::::::::: :::::::::::::::


سآدس شي: إللي مايسكرون تلفوناتهم ولايحطونها على السآيلنت أثناء الصلاة

وتلقونا بنص الصلاة وتلفون أحدهم يرن بأغنيه مزعجه ولا مقطع موسيقي ...

يعني شنقول لاحول ولاقوة إلا بالله يتشت ذهن إللي يصلون إلى شنو موسيقى وأغاني



وأخيراً وليس آخراً:: عسى الله يتوب علينآ ويتقبل صيآمنا وقيآمنا وصآلح أعمآلنا..,,


موآقف صارت لي وشفتها بعينها ونرفزتني وحبيت أضعها لكم لعل وعسى يقرآها

إللي يسوون هالشغلات وينتبهون..,, وبعضهم ماعندهم علم أو جهل منهم..,,


وأتمنى للجميع الإستفآده..,~

[ليبرالي]

شكرآ على الموضوع وملاحظات وان كانت نسائية لكنها تتشابه في اغلبها مع مايحصل في قسم الرجال.

[العنفوآن]

عفـواً أخي الكريم..,, وهالملآحظآت أتوقع 90% إنها تحصل بـ قسم الرجآل أيضاً..,

حيـّـآكْ الله..,~

وأسعدتني مشآركتكـ~

[برقع صقرين]

.
.

مشكوره خيتو عن جد قضيه مهمه وهي النظافه للصلآة في المسجد..

كثير نسآء يكونون كما تفضلتي بالموضوع رائحه طبخ وثوم وبصل..

المفروض الوحده تواجه ربها بأحسن حله عالقليله رآئحه حسنه..

دهن عود أو دهن ورد.. أتوقع ماراح تخسر شي..!!

يارب تقل هالظاهره وتكثر التوعيه بهالأمور.

تقبلي مروري..


.
.

[العنفوآن]

المشاركة الأصلية كتبت بواسطة برقع صقرين

.
.

مشكوره خيتو عن جد قضيه مهمه وهي النظافه للصلآة في المسجد..

كثير نسآء يكونون كما تفضلتي بالموضوع رائحه طبخ وثوم وبصل..

المفروض الوحده تواجه ربها بأحسن حله عالقليله رآئحه حسنه..

دهن عود أو دهن ورد.. أتوقع ماراح تخسر شي..!!

يارب تقل هالظاهره وتكثر التوعيه بهالأمور.

تقبلي مروري..



.
.

...,,العفـو حبيبتي..,, وفعلاً قضيه مهمه.. وانا شخصياً عانيت منهآ ..~

وشكرأً على المشآركـه حقيقه أسعدتني..,,

وحيـّـآكِ الله..~

نوّرتي المتصفح..,,

[موادعك خيره..!]

صدقتي بكل ما قلتي ياعزيزتي ..


الله يهيدهم ويصلحهم إن شاء الله ..


لاهنـتـي

[العنفوآن]

المشاركة الأصلية كتبت بواسطة موادعك خيره..!

صدقتي بكل ما قلتي ياعزيزتي ..


الله يهيدهم ويصلحهم إن شاء الله ..


لاهنـتـي

هلآ حبيبتي..,, آمين الله يصلحهم ويهديهم..,, ويهدي الجميع يآرب..~

ولآهنتي كذلك على المشآركه ..,,

نوّرتي المتصفح..,,

[مادموزيل دندش]

غنو جه &&&& أسعد الله مساش و بلغش ليلة القدر ابإذنه أختي إسمحيلي بهذي المداخلة,,,,,,, الرسول صلى الله عليه وسلم علمناإذارأينا منكراكيف نتعامل معه بالتدرج فاماباللسان والنصح بالموعظة الحسنة فإن لم نستطع فباليد أن تعلقي ملاحظة بطريقة مبهرة جاذبة في مدخا المسيد أوتطلبين من منظمي المسيدبالتنويه ونصح هؤلاءالنسوة أوبالإنكاربالقلب وفي حالتش أفضل إستخدام الطريقتين الاولتين لان الضرر وقع على شريحة كبيرة من المصليات ومنهاتأخذين أجرالامربالمعروف لأن الشكوى من هذه الامورليس لها نفعة ملموسة,,,,,,,,, لش سلامي

[العنفوآن]

المشاركة الأصلية كتبت بواسطة مادموزيل دندش

غنو جه &&&& أسعد الله مساش و بلغش ليلة القدر ابإذنه أختي إسمحيلي بهذي المداخلة,,,,,,, الرسول صلى الله عليه وسلم علمناإذارأينا منكراكيف نتعامل معه بالتدرج فاماباللسان والنصح بالموعظة الحسنة فإن لم نستطع فباليد أن تعلقي ملاحظة بطريقة مبهرة جاذبة في مدخا المسيد أوتطلبين من منظمي المسيدبالتنويه ونصح هؤلاءالنسوة أوبالإنكاربالقلب وفي حالتش أفضل إستخدام الطريقتين الاولتين لان الضرر وقع على شريحة كبيرة من المصليات ومنهاتأخذين أجرالامربالمعروف لأن الشكوى من هذه الامورليس لها نفعة ملموسة,,,,,,,,, لش سلامي

أهلين مادموزيل..,, وأشكركِ على المدآخله..,, والمشآركه بالموضوع..,,
وبالنسبه للكلآم إللي تفضلتي فيه بخصوص إن الشكوى من هالأمور مالها منفعه ملموسه؟
مادري أنا موفاهمه بالضبط ماذآ تقصدين بالمنفعه الملموسه..,,,!!

أنا بنهآية الموضوع ذكرت إن لعل وعسى يقرونه مرتكبين هالأخطآء وماتدرين يمكن بيننا منهم
لأن بعضهم والله جهل وماعندهم علم يعني مو بـ تعمّد منهم..يعني الموضوع ككل للإستفاده
مو للشكوى فقط
وبالعكس أنا نصحتهم بس بعضهم يزعل ويعصب ..., طبعاً للي يصطحبون أطفآلهم معآهم..

أما إللي تعطس وإللي تجي بدراعة الطبخ .. فما أقدر أقول لهم شي ولاغيري بعد

منعاً للإحرآج..,,

اما إني أروح أعلّق على طوفة المسجد..,,

وأساساً ممنوع توزيع أو تعليق بدون أخذ الأذن ..,, وإن شاء الله نحآول فيهآ ليش لاء

[^^محمد ابن مرزوق^^]

السلام عليكم ورحمة الله وبركاته

الله لايهينش وبيض الله وجهش على الموضوع المهم

وطبعا يقول الرسول صلى الله عليه وسلم ان رائحة فم الصائم عندالله تعالى افضل من رائحة

المــــــــــســـــــــــــــكـــ ,,,

لكن بالنسبة للرجال في رائحة البدن هذي اكبر مصيبة ان الشخص يذهب الى بيت الله

تعالى ورائحة بدنه كـــــــــــــــــريهه والكلام كذلك للمرأة

اختي ^ غنوجه ^

يعطيش العافية على الموضووع

تقبل كل تحياتي