السلام عليكم ورحمة الله وبركاته
فالبدايه احب اوجه التحيه لأبناء عمومتي واقولهم تكاتفو وخلكم على قلب واحد لأن الكرسي في مجلس الامه لايمثل شخص معين بأسمه وانما يمثل قبيلة العجمان ويام كافه ....
ومما يحز فالخاطر اني ارى في جميع الدوائر الحكوميه والاماكن الحساسه ابناء من جميع القبائل والتيارات الاخرى مثل عوال بطنها (كتلة العمل الوطني) و حدس والسلف ومن القبائل العوازم وشمر و الهواجر و الظفير (تكتلهم في وزارة الخارجية) 
والمطران و(العتبان قليل للأمانه) وغيرهم وغيرهم .... ولكن تراهم في مناصب مدراء و وكلاء ليس بالواسطه وان غلب هذا الشي وانما في دولتنا ان لم يكن لك احد يسندك ويأخذ لك حقك وينصفك وإلا سوف يضيع حقك وانت تشوف حتى وان كنت من اصحاب الشهادات ومؤهلات ....
الغريب في الآمر ان اعضائنا يقفون موقف المتفرج مثل العدوه وابن شرفان مع ان الاخير كنت متعشم فيه خير ولكن طلع زي قلته على قولتهم ونبي بس تنتهي المده لأنه على قولتهم قيم اوفر ونعم براسه وسبعة انعام ابو مهدي ماقول فيه شي لكن مهب قد مجلس الامه فداوي وعسكري مع ان عندي تحفظ في العسكر الي يصبحون فيما بعد اعضاء مجلس الامه وابن الحلال لايهش ولاينش
فالنهايه الموضوع هذا يوم طرحته ابي اوضح صوره بدت تصير واضحه للجميع وانا ادري انه بيطلع من واحد يقول اي مايبون احد يخدم ويسحب الطاوله من تحتهم وذالكلام اكل عليه الدهر ولازم تصير وقفه ويطلع شخص ويطقها في اوجيهم في اجتماع عمومي حتى يعيدون حساباتهم ويعرفون وش الي لهم وش الي عليهم
والسلام عليكم
09-01-2008, 04:42 AM
العرض المتطور
