تحياتي واشواقي للجميع
من عاش بالدنيا يشوف الغرابه = يضيق لو صبره مثل صبر ايوب
يشوف له جو يتطارد سرابه = ويعطيه وقته من مواعيد عرقوب
ومماجرى قلبي تعاظم مصابه = كن الغضا في داخل القلب مشبوب
والوضع اشوفه صار فيه انقلابه = وصارو بني يعرب دويلات واشعوب
قامت تخاطفهم كلاب الشعابه = والكل منهم له مواريد و سلوب
مطلوب ما دامه حفيد الصحابه = واللي نجى بيدين الأصحاب مجلوب
اقفو وكلٍ راح ينقل صوابه = مجروح روح وقلب - والفكر مقلوب
والفرس جازت منه بعض الذيابه = والصقر هاب من الحباري ومرعوب
شان الزمان ومن وثق به عدابه = يا من يعلم بالخبر كل منصوب
عسى يفيق اللي حصيله هبابه = والدار واهله من سبايبه منكوب
يرثا لحال اليعربي واسفابه = اصبح بصوبٍ والتوافيق في صوب
احد ٍ سهر ليله يجر الربابه = واحدٍ (باكادمي ستار)والكف مخضوب
واحدٍ ورا الكوره يخوض الحرابه = بين الأهل سبب حزازات وحروب
ومن لا تخلص من قيود الرقابه = دايم عليه الحبل مثني ومكروب
ولو كان له عدٍ قراحٍ شرابه = وش يستفيد اليا اصبح الجم مشروب
من البرد ما يذريك بيت الخرابه = و لا يظلك لا اصبح الجو لاهوب
دنياً غدت بين الأوادم نهابه = اطلق شنب في تالي الوقت منهوب
يلعب على الحبلين راس العصابه = يضحك على غيره وهو كله عيوب
خطرٍ يعضك لانصحته بنابه = (محزّم)من اقدامه الى الراس عذروب
يزئر على ربعه تقل سبع غابه = وجهه من افعال العدا كله ضروب
عزومه ضعيفه والعشى من زهابه = وان قل ماله من علابيه مقضوب
لا واعذاب الجول لا واعذابه = ان حامت اللي زولها شكل يعسوب
واللي نوا يرتاح ويصك بابه = يصبح عشى لأم الكباير ومطلوب
من عقب ما زعل جميع القرابه = واصبح وجوده بينهم غير مرغوب
من الغيض قالو ما تعود ركابه = واللي حصل له حوبة الناس وذنوب
والضغط يودع (زيد) يرمي ثيابه = وباكر يجي للناس يمشي بلا ثوب
والناس بالأشكال دايم تشابه = اخوان لكن مثل عنتر و شيبوب
والفعل يفرق بين لابه ولابه = ولولا الفعل ماصار غالب ومغلوب
والسيف مايسطي وهو في جرابه = واليا بدا يستوفي الدين وينوب
الله اكبر وين ذيك المهابه = يردها من رد يوسف ليعقوب
وين البيب اللي يحسب حسابه = من قبل يحرق قلبه القهر ويذوب
والوقت ما جابه تراهو غدا به = والعز من والي المخاليق موهوب
ودنياك ما تسوا جناح الذبابه = مادام من حريت الراي مسلوب
17-03-2007, 01:27 AM
العرض المتطور
