المضحى والغدااااااااء كل يــــوم وسط فيضه (صـــور)

[أبـــوسعـــــود]

السلامـ عليكمـ ورحمة الله وبركاتة ......

أخواني وخواتي أعضاء المنتدى ......

الكل خابر في هذه الأيام أن البر يغدي جنه من جنان الأرض .... سبحان من زينه بالماء والخضره ، وأن رواد البر في هذه الأيام يكثروووون دبل الدبل ... وهذه كله بركة المجلانات ( القارمن) جعل من صنعه للجنه .
لكن البر بدون ترتيب وبرامج لطلعات والكشتات يبقى ناقص .... وأهم من ذلك القياده أو الأماره لأحد الشباب الطيبن .


وحنا مخيمين هذه الأيام في جويات الهمل حدري دكات أم المصران .... ونبعد من مطينت الكهرباء الجيد مسافة 11كيلومتر .


ومن هذا المخيم كل يوم لنا أنطلاقه إلى أحد الفياض الجميله المليانه بالماء والخضار اللي يسر الناظر، ونضحى فيها ونتغدى بعض المرات وسط هذه الفياض .... وبعدها كل منا يركب على موتره ويتمشى على الفياض والدحول والبدوان ......إلخ .

ورجـــــوع للمخيم على مغيب الشمس ونبدا في متابعة التلفزيون وخصوصا القنوات البدويه الساحه الواحه ...إلخ ، ولعب الورقه لتالي الليل ...!!!


و ذلحين أتركم مع بعض الصور التى صورنها في الفياض عسى أن تعجبكم .......


1-صوره لطريقنا صوب الفياض .






2-الفيضه الذي يتم الأتفاق على المضحى أو الغداء فيها ... طبعاً مثل منتوا خابرين ساعه أو ساعتين على مانختار المكان ....
































3-بعد تحديد الفيضه.... يتم تجهيز المكان بالكامل من شبة الضـــو وإصلاح القهوه و فرش الزوالي ....إلخ .










4 – بعد ذلك يتم التصويت على الربع عن طريق الأجهزه ( الآيكم ــ الكنوود ) بالتجمع في الفيضه الفلانيه .
وأثناء التجمع تصادفنا بعض المعوقات البسيطه .... وهي طرااااات البر .












5-يتم التجمع ونتفقد بعض ونرسل على اللي مابعد وصل .






6-عقب ذا كلاً منا شفقان على القهوه وعلوم الربع ... وكلا يعلمنا وين وصل وأي فيضه وأي دحل وأي ديره وصل اليوم قبل المضحى .

وهذا أمير حملتنا عجمي بن فاضل الشاعر و أبوتركي ضيدان بن منصور بن قضعان يعلمنا بعلومه وهو ياكل العرمووط (كمثرا ) .










7-وهذا غدانا اللي يحوفونه الشباب مع صبي المخيم ومرات يسوى فالمخيم ويلحنا به أحد ومرات في الفيضه وهو على رغبتنا بالتصويت طبعاً .







وعقب هذا كله ننقسم لقسمين و نركز النصع وتبدأ المنافسه على النصع ولكل واحد من الفريقين خمس طلقات .... ونحسب النتائج و الفريق الفايز
يشرط على الفريق الخسرااااان شرط عند المعواد للمخيم .





وســــــــــــالمتكم وعسى تنال ذايقتكم هذه الرحلات .



أخيكم / مليحان .

[Trust me]

السلام عليكم ورحمة الله وبركاته

ماشاء الله عزالله هذي طلعات النشاما

أكثر شي عجبني الترتيب والجدول اللي عملتوه لرحله

بس ماقلت لنا أخوي شسم الفياض اللي انتوا فيها؟

[أبـــوسعـــــود]

المشاركة الأصلية كتبت بواسطة Trust me

السلام عليكم ورحمة الله وبركاته

ماشاء الله عزالله هذي طلعات النشاما

معليك زود ...

أكثر شي عجبني الترتيب والجدول اللي عملتوه لرحله

أهم شي أنها أعجبت اللي شرواك ...

بس ماقلت لنا أخوي شسم الفياض اللي انتوا فيها؟

واجد الفياض ...وش اذكر وش اخلي ( أم ضيلع ــ ركان ـــ أم المصران وردايفها ـــ شقران ...إلخ)

ولاخلا ولاعدم على المرور الطيب...

[مربوش]

الله لا يهينك يا " مليحااان " على الصور الرائعة ...





.,’.,’.,’.,’.,’.,’.,’.,’.,’.,’.,’.,’.,’.,’.,’.,’

[كعبــــــول]

وليه ماعزمتني جعلك اللي مانيب قايل

< قلبه مغل

لاهنت على الصور الرائعه

وثاني مره لاتخفي وجه المقهوي

[أبـــوسعـــــود]

المشاركة الأصلية كتبت بواسطة كعبــــــول

وليه ماعزمتني جعلك اللي مانيب قايل

< قلبه مغل

زين أهم شي لاطيح المياه أكثر

لاهنت على الصور الرائعه

وأنت لاهنت على المرور ..

وثاني مره لاتخفي وجه المقهوي

حلف سابق بيني وبينه ...وفيته ولا وفيته

...

[أبـــوسعـــــود]

المشاركة الأصلية كتبت بواسطة مربوش

الله لا يهينك يا " مليحااان " على الصور الرائعة ...





.,’.,’.,’.,’.,’.,’.,’.,’.,’.,’.,’.,’.,’.,’.,’.,’

ولا يهينك ...والأروع مرور.

[نـاصـر]

وعليكم السلام ورحمة الله وبركاته

الله لايهينك يامليحان ومشاالله على الربيع صور تشرح الصدر

يعطيك العافيه يامليحان

[أبـــوسعـــــود]

المشاركة الأصلية كتبت بواسطة بن هادي

وعليكم السلام ورحمة الله وبركاته

الله لايهينك يامليحان ومشاالله على الربيع صور تشرح الصدر

يعطيك العافيه يامليحان

ولاهنت يا أبن هادي على المرور ...اللي يشره الصدر بعد.

[فرز الوغا]

السلام عليكم ورحمة الله وبركاته

الله لايهينك ... ولايهين والربع إلي معك
وخاص راعي الدلة الله لايهينه ...