ياميتن ياقرد حظ المعتدي

[ابو راكان *]

قصيده اتمنى انها تحوز على رضاكم

وترضي ذائقتكم الشعريه

من غاص في قاع البحر او ساحله = او جال في قفور السما يبرى الجدي

بوصيه فاقدلي هنوفن راحلــــــــــه = رمز الجمال اللي يسمى سرمـــــدي

ابغي علوم ام الضلوع الناحلـــــــه = يامن يبشرني وابذبح له هــــــــــدي

بحثت عنه اقصى الفجوج الضاحله = غدى وانا ماكنت اظن انه يغـــــــدي

مايحرم لغيره غدى مبـــــــــــاح له = يامر وينهى في الحشا يعدي عــــدي

مرتاح لي وانا بعد مرتـــــــــــاح له = ندي ندي واندى من اليم النـــــــــدي

حتى القمر لامن وصل ينزاح لـــــه = والبدو في شوفه تدل وتقتــــــــــــدي

واهل الفلك طموحها مراح لــــــــه = واهل الطرب في شوفته تشدي شدي

ولوه وطى القطب الجنوبي ساح له = ولاغاب عنه عود القطب اجمــــــدي

احلى رحيقن تصدره مناحلـــــــــــه = بين الشفايا سال له سيل شهــــــــدي

لبيه ياحبه ويامراحلـــــــــــــــــــــه = ياجامعه خريجهها مايرقـــــــــــــــدي

لبيه من راسه الى كواحلـــــــــــه = فديته اي والله انا فدى له فــــــــــــدي

عودي تبخر له وهيلي فاح لــــــه = وحالي بعد فرقاه حالن جرهـــــــــــدي

السد لامني كتمته باح لـــــــــــــه = ويبان له حزني ويبان له سعــــــــــدي

اهداني الحزن وخذا الافراح لـــه = ومن زود حبي له ماقلت الا بعـــــــدي

سلمته القلب الخضر مسباح لـــه =امري بيدينه ياعرب ماهو بيــــــــــــدي

لو دونه الفرسان والفطاحلــــــــه = وسعدون العواجي وساجر الرفــــــدي

نطحتهم درهام فوق الراحلـــــــه =وصليت عمري يوم انا ماني بـــــــــردي

من ساس اسياد الصحاري القاحله = ياميتن ياقرد حظ المعتــــــــــــــــــدي

انا اشهد اني شفقن لمرواح لـــه = يامن يبشرني ويبشر بسعــــــــــــــــدي

وصلاة ربي عد برقن لاح لــــــه =على النبي وعداد رعاد رعــــــــــــــــدي


وسلامتكم

[مناحي الصميل]

الله الله الله الله ..

اقف احتراما لشاعريتك المتدفقه .. !!

صح الله لسااانك وبيض الله وجهك ..

[ابو راكان *]

المشاركة الأصلية كتبت بواسطة كـاسب الطـيب

الله الله الله الله ..

اقف احتراما لشاعريتك المتدفقه .. !!

صح الله لسااانك وبيض الله وجهك ..

صح بدنك اخوي كاسب الطيب

اشكرك على مرورك وعلى الاطراء الطيب

لاهنت يالذيب

[عـ100ـج]

صح السانك ياخالد

ولاهنت

[ابو راكان *]

المشاركة الأصلية كتبت بواسطة عـ100ـج

صح السانك ياخالد

ولاهنت

صح بدنك اختي عجميه

ولا انتي

[نسل الطويل]

صح لسانك
القصيده اكثر من رائعه

الله لا يهينك يالغالي وفي انتضار جديدك

[ابو راكان *]

المشاركة الأصلية كتبت بواسطة نسل الطويل

صح لسانك
القصيده اكثر من رائعه

الله لا يهينك يالغالي وفي انتضار جديدك

صح بدنك اخوي

نسل الطويل

لاهنت على مرورك

وعلى اطرائك الجميل

[تـــاج المراجـــل]

لبيه ياحبه ويامراحله ؛..؛ ياجامعه خريجها مايرقدي

؛

صح لسانك

يابن جوفان

لاهنت على القصيده الفاخره

ابيات في قمة الروعه والإبداع

لاعدمنا تواجدك الطيب

بإنتظار الأجمل

تحياتي.؛

[ابو راكان *]

المشاركة الأصلية كتبت بواسطة تـــاج المراجـــل

لبيه ياحبه ويامراحله ؛..؛ ياجامعه خريجها مايرقدي

؛

صح لسانك

يابن جوفان

لاهنت على القصيده الفاخره

ابيات في قمة الروعه والإبداع

لاعدمنا تواجدك الطيب

بإنتظار الأجمل

تحياتي.؛

لاهنت ياتاج المراجل على المرور

وصح بدنك

اشكرك على مرورك

وعلى الاطراء الطيب

[الملك]

صح لسانك ياخالد
وبأنتظار جديدك
تحياتي