التواضع احياناً !!

[محمد عبيد]

يقول من جرّب الدنيا تجاريبي=ابيات شعرٍ تثّمنها اللواعيبي
من هاجسٍ لا بغا الطاروق غنابه=يجيب طرقٍ مع الشعار ما جيبي
عندي نصيحه وشفها يامثّمنها=بعيدةٍ عن محط الشك والريبي
ولا انت ياجاهل المضمون والمعنى=لا تلتفت في قصيد اهل المواجيبي
خلك على طرقتك حتى نصفق لك=ونقول شال الحموله حضرة شعيبي
وياعارفين النبط هيا معي هيا=هيا معي يارجال العز والطيبي
عندي نصيحه طرتلي وابقدمها=باذن الله اني بما عديته مصيبي
ماني بشايب صغّير سن لكني=اخذت من عيشة الدنيا تجاريبي
وعرفت بأن التوازن خير ما تعمل=كن معتدل فالحياة تعّدي العيبي
حتى التواضع وفعل الخير والطيبه=لا زدت فيها تضاعّفك الاجانيبي
وكد قيل قبلي من اللي جرّب الدنيا=ابيات شعرٍ تثّمنها اللواعيبي
ترى التواضع ليا من زاد عن حده=يقل قدرك وتاكلك الاصاحيبي

[الجويّر]

صــــــــــــح لسااااااااانك ياراعي المروبعه




صح لسانك صح لسانك واعتلى شانك يابو عبيد




قصيده رائعه من شخص اروع



والله يعطيك العافيه وبانتظار جديدك





تحياتي / الجويّر

[مهرة الصمان]

صح لسانك اخي محمد على هذه النصيحه مشكور ولاهنت
ولك كل تقدير وتحية

[متعب الوقت]

وعرفت بأن التوازن خير ما تعمل
كن معتدل فالحياة تعّـدي العيبـي
حتى التواضع وفعل الخير والطيبه
لا زدت فيها تضاعّفك الاجانيبـي
وكد قيل قبلي من اللي جرّب الدنيا
ابيـات شعـرٍ تثّمنهـا اللواعيبـي
ترى التواضع ليا من زاد عن حده
يقل قـدرك وتاكلـك الاصاحيبـي
صح لساااااااااااااااانك وعز الله انك صادق

[فيصل بن حجرف]

صح لسانك شاعرنا القدير محمد عبيد
قصيده اكثر من رائعه من شاعر مبدع
كل الشكر لك اخي الكريم