قصيده لعيون الكرز على فقيدها سعود الله يرحمه

الجويّر · #1 23-04-2005, 04:31 PM

عـزام · #2 23-04-2005, 06:45 PM

مبدع يا سعود

وصح الله لسانك مدد مهوب عدد

والله يرحم سعود وتستاهل الاخت كرز من يشاركها احزانها

ولا هنت يالقرم

الباشا · #3 23-04-2005, 11:07 PM

صح السانك على هذا الرثاء
والله يرحم المتوفي
ويصبر اهله ويعوضهم فيه.

الكرز21احبه · #4 24-04-2005, 02:38 AM

يالله يالمعـبـود رب المخـالـيـق
ياللي بحكمه ميّل الغصـن نسنـاس

ابـدا بذكـره والنواظـر مغاريـق
من قصة ٍ فيها الحزن يوجع الـراس

قصّه تصحّـي نايـم الليـل وِيفيـق
هزّت صناديق الحشا هزّ الاجـراس

من خالت ٍ تشكي من الهم والضيـق
بابن اختها اللي مات واقفى من الناس

بالليـل تبكيلـه والبصبـح تشويـق
ويبكيلها اللي داخله عطف واحسـاس

انا الصراحه هـلّ دمعـي مدافيـق
وثارت من الاحزان نيران الانفـاس

حسيت انـا فـي حبهـا والتشافيـق
واشواقها اللي حال من دونها اليـاس

يابنت هـذا المـوت دايـم بتفريـق
وهذا القدر عن ظاهر الغيب د سّاس

الموت لابّده علـى الـروح؟ بيويـق
ماغيره المظمون يامعـرّب السـاس

كاس ٍ تذوقـه كـل روح ٍ بتذويـق
يـاوالله اللـي ماتجاهلـت ذالكـاس

ياما عليّـه حـرّق القلـب تحريـق
من حسرتي وآجاوب الخمس بأخماس

المـوت هـدّم نايفـات ٍ مشاهـيـق
وعقب السعاده والهنا 0 بالتعومـاس

لاكـن علـى الله دبـرة ٍ للتوافيـق
آمنتبـك يامنـور الليـل باشمـاس

وتفرج صدور ٍ لازمت كربة الضيق
وترحم قبور ٍ قد علت فوقها اطعـاس

الاخ.... والشاعر الكبير........... سعــــــــــــــــــــــــــــــــــــــــــــــــ ـــــــــــــــود رتيبـــــــــــــــــان الجـــــــــــــــــــــــــــــــــــــــــــــــ ـــــــــــــــــــــــــــــــويـــــــــــــــــ ـــر

كتبت فابدعت.........كل حرف من قصيدتك عساه يكون بجبل احد حسنات في ميزانك يوم القيامه ............... فعلا يا سعود الجوير وعدت ....فكفيت وفيت.......قصيده جزله ...من شاعر جزل...... قلمك لا يستحق الكسر...يستحق الاحترام وكل تقدير....

صح لسانك............صح لسانك.....................صح لسان................

اشعر بان سعود الفقيد ....... فرح بكلماتك ..... ومدى وصولها الى قلبي وتخفيف وطئه موت سعود الصغير..... كل التقدير والاحترام لك سعود الجوير ما حييت .....سوف اذكر هذا الاسم بكل خير ولن انسى هذا الاسم ما حييت........

واسم العائله الكريمه..........الله يوفقك.....في كل خطوه.....والله يوفقك في كل حرف تكتبه شعرا...... وكل كلمه تنطق بها..... صح لسانك ...........

ارجو ان تعذرني يا اخي سعود ..انا لست شاعره....ولو كنت شاعره ..كان سارد عليك بقصيده شكر....... تستحق كل الشكر والتقدير
اختك للابد.......الكـــــــــــــــــــــــــــ 21 احبـــــــــــــــــه ــــــــــــــــــــــــــــــــرز

كويتي · #5 24-04-2005, 08:14 AM

صح لســانك اخوي الجوير وتسلم يميــنك
وتستاهل الاخت كرز ..

والله يــرحم اموات المسلميـــن جميـــعآ

تقبــل تحياتي
كويـــتي

الجويّر · #6 24-04-2005, 11:15 AM

اشكر عزام رفيق الدريب في المنتدى واشكر اخوي الباشا واشكر اخوي الكويتي واقوله نورتنا في مشاركتك الاولى واشكر الشيخه كرز 0 والله يعطيكم العافيه على المتابعه والمشاركه وصحة ابدانكم جميع 0 والبنسبه للاخت كرز يكفي علي كلامها المقطوف من كل بستان ورده 0 وماسوينا شي يالغاليه وتستاهلين اكثر من الشي هذا

تحياتي / الجويّر

رفيـــع الشــان · #7 24-04-2005, 09:42 PM

الله يعطيك العافيه اخونا الجوير على تفاعلك مع الأخت الكرز ومشاعرك النبيله ,, والله يجبر عزى الكرز في فقيدها ويتغمده برحمته ويلهمها الصبر .

الكرز21احبه · #8 25-04-2005, 02:28 PM

السلام عليكم ورحمه الله وبركاته

عندي توضيح للاخوه الزوار وهو قصه قصيده الشاعر سعود الجوير

الذي حصل انني كتبت ثلاث بيوت في المنتدى وهي كالاتي

..الصدر ضايق لا تزيده من الضيـق

لا لا تعاتبني ترى القلب حسـاس

يا سعود لو انك على قلبي تويـق

بتشوف نفسك جالس ما معك ناس

يا سعود اذوق اسمك مع فكه الريق

يا حلو يا حالي حلا حلو الانفـاس

وانا لم اذكر سبب تلك البيوت في المنتدى والشاعر سعود الجوير بعد قراءته للبيوت كتب لي الرساله التليه
...الكرز لو تبين اسردلش هالقصيده خمسين بيت بس ابي اعرف منو سعود وشنو مذاق طعمه بقلبش عشان اعرف اصب المعنى عدل ؟؟؟

وانا بعد تلك الرساله ذكرت له القصه وهي كالاتي
..
...
..اخوي الجوير بصراحه لاني مو شاعره ما عرفت اكمل القصيده بس القصه حقيقيه بقولها لك

سعود ولد اختي عمره سبع سنين ومتعلق فيني وهو صغير ما ارد له طلب ومتعلق فيني حيل حيل

قدر الله ان سعود يحوشه الم في راسه وكل يوم نايم في المستشفيات دربات وعينات دم وفحوص واخذ عينات من الحبل الشوكي وسعود كان يبكي من شده الالم وجسمه غض ما يتحمل اي شي وخصوصا ان جسمه نحيف واثار الابر في جسمه واضحه وانا كنت اكون مرافقه له لان امه مشغوله بعد في اولادها الاخرين وسعود وانا عنده في الغرفه يبكي يقول خالتي انتي ما تحبيني اذا تحبيني بطلع بروح البيت عند اخواني ابي امي بروح البيت وهو يبكي من شده الالم ومن شده الخوف ومن عذاب المسشتشفيات والابر والعينات واخذ فتره تقريبا شهرين على ذالحاله وارسلوا عينات لندن وطلعت النتيجه ان سعود في راسه ورم خبيث ...ما تحملت الخبر كنت اظن الامر كابوس وحلم وبينتهي احيان اضرب جسمي بتاكد حلم ولا حقيقه .... صدمه كبيره مو قادره انام ولا قادره اكل ولا اشرب واذا شفت وجه سعود ابجي من داخلي مابيه يحس واتقطع من داخلي عزي لك سعود عزي لك سعود..كنت اعيش في ظلام دامس صوت اشباح من حولي
ققرر ابو الولد تسفيره الى لندن وسافر الولد مع امه وابوه وانا مكثت مع اولاد اختي كنت اتحرق شوق عليه بس ما في يدي حيله ..بعد ما وصل لندن صار يعالجون سعود بالكيماوي... واتصلت عليهم مره وكلمت سعود كنت ابجي تمت سعود بكلام متعب ما فهمت منه الا خالتي...ما تحملت افراق سعود سافرت الى لندن واخوان سعود راحو عند جدتهم في بيتها ..وصلت لندن وقلبي يسبق اخطاي لسعود كان برفقتي اخوي..كنت اقول للسايق بسرعه بليز موف فاست بليز وارتعش
كانت مشاعري تتحسر على سعود دخلت غرفه سعود شفت هيكل عظمي ..ما يشعر باحد... كنت ابجي من اعماقي قبل عيوني..رجعت فيني الذاكره يوم كان سعود يلعب عندي ويرمي نفسه علي وضحكته وفرحته بملابسه الجديده..وتذكرت شلون يلعب بلعبته السياره .وتذكرت صوته بالبيت وشلون يزعل وينخش ورا الباب..وانه احيان ما ينام الا في حضني....ويقول قول لي قصه..كنت اقول له قصص كثيره......حتى انفاسه ما زلت اشمها ....
سعود ما تحمل العلاج الكيماوي جسمه ضعيف قدر الله انه ياخذ امانته..مات سعود وماتت احلامي انه يكون شاب وازوجه....وسيارته اللعبه تكون حقيقيه ..وياخذني بالسياره.. وافرح فيه واشوف عياله.......الله يرحم سعود.....ويسكنه فسيح جناته.....وعزاي انه من طيور الجنه...يطير في الجنه الان.......

اخوي الجوير قصه حقيقه ما اعتقد قلمك يقدر يعبر عن الالم اللي فيني ولا الالم اللي حصل لسعود ولا قتل فرحتي في سعود...بس اطلب منك تقول كلمه رحمه لسعود

اختكم الكرز مع خالص الشكر والتقدير للشاعر سعود الجوير بيض الله وجهه

العرجاني محمد · #9 25-04-2005, 02:37 PM

صح لساااااااان يا سعود الجوير ,,,,,,,,, والله يحسن عزاك ياالكرز

الجويّر · #10 26-04-2005, 04:15 AM

صح بدنك محمد واشكرك على مرورك المشرف

تحياتي / العرجاني

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري