اخذ القلم واكتب حروف ابتغريه كرامة للمدبحات الدلالي
ياما حلى الفنجان لا صرت باغيه مع صبته يشدي لدم الغزالي
لوازم الدله لزوم بنشريه بهارها والبن والزعفراني
الباب مفتوح للي بياتيه صديقنا الاول ولا هوب تالي
جاره عزيز دايم انه يراعيه يدمح له الزلات ولو كان عالي
بالدله الصفرا لزوم يقهويه وحديثنا احلى من حليب المتالي
على الكرامة دايم انه بيدعيه يجعل له النفس العزيزة ظلالي
بعض العرب قربه على الجار مذيه تومي عليه ايديه والصوت عالي
نبغي نبيع البيت للي بيشريه نرخصه للشراي ولو كان غالي
لابد من يوم بعيد بيطريه لو هو بعيد منه ماهوب سالي
ترى الردي لا من بغى الطيب يخطيه يجنبه لو كان مثل الجبالي
يا زين درب الطيب واللي مشى فيه اللي مشى به بادي راس عالي
احد يبيع الطيب واحد بيشريه يزيد سعره لو بالاثمان غالي
يا بايعين الطيب وش ربحكم فيه حنا اهله نشريه لو كان غالي
الطيب راعي الطيب بانت مواريه كريم لا من دخنن الليالي
كريم للمحتاج والضيف يغريه عيد الركايب حافيات السماري
هذاك يا شوه مع الناس لاقيه انا اشهد ان قلبه من البخل خالي
لا تحسب انه من بغى الطيب ياتيه الطيب عسر مرقبه ما ينالي
الشاعر :خالد بن محمد احماده
16-04-2010, 02:51 PM
العرض المتطور
