الـــمـــغـــازلـــجــــييــــن الـــجـــدد..!

V E T E R A N · #1 04-10-2009, 02:27 AM

المغازل والمعاكسة ظاهرة منتشرة في كل بقعة في العالم ..ومو شئ جديد لكن الغريب عندنا في الكويت بلد العجايب شئ مختلف تماماً صارت ظاهرة المغازل أزمة أخلاقية فوق الأزمات آلي أبتلينا فيها..!
ليش حتى المغازل تغير..من الطرفين من بعض الشباب والبنات..ووصلت إلى هذي المرحلة..طبعاً المغازل شئ مخالف للدين والعادات لكن موجود وبزيادة كبيرة وخطيرة ..!
شنو الأسباب والدوافع ..؟

الواحد يدش السوق أو أي مكان عام يشوف العجب..يشوف الشباب آلي منتشرين ومتسكعين بالسوقة كأنهم مباحث بأشكالهم الغريبة ونظراتهم المريبة وكل واحد يفتر في جهة معينة من المجمع ويدور على فريسة للأنقضاض عليها..!
كاشخ ودشداشة كاويها 10 مرات والغترة نشه زيادة والسكسوكة لازم مع الموضة ومن أول النهار إلى آخر الليل وهو يحوس ليش جذي يا المغازلجيين ..؟
يا خي ماعنك بيت ماعندك أهل وخوات تخاف عليهم من الشباب ..؟

(( كما تدين تدان ))
لا تقول أهلي محتشمين ووووووووووووووووووووووإلخ من المواصفات الحميدة حتى بنات الناس محتشمة..!

آلحين وصلت المرحلة بالمغازل إلى المطارة من السوق إلى المنزل ..! يا سلام يعني قصب البنت تاخذ الرقم..! والمغازجيين الجدد هذوله آلي مايستحون يستخدمون كلمات جارحة للمشاعر والحياء للبنات ولا بعد حتى اللمس ومزاحمة البنت في الممرات الضيقة ..!!!!!

كبار صغار شباب شياب الكل يغازل ..! وحتى الهنود واللبنانيين والمصاروة آلي يشتغلون بالمحلات يغازلون بعد..!
والله القصص والروايات عن المغازلجيين الجدد واجد ومحزنة وما أقدر أقولها أحتراماً لكم..

وأعتقد واضحة وكل واحد يشوفها في الأماكن العامة ..
عسى الله يصلح حال الجميع..

ليبرالي · #2 04-10-2009, 02:30 AM

عزيزي المال السايب يعلم السرقة

صوت القلوب · #3 04-10-2009, 02:34 AM

ليبرالي وجهة نظر خاطئة جدًا

مع احترامي لصاحب الموضوع

والله شوف عيني وحده غطوة ودسوس ما تشوف منها شي يلحقها وااحد واطي وسوا حركة

لا اخلاقية

وجهة نظر بعيدة عن الصحة لو قلت الخير يخص والشر يعم كان قلنا معليه

أتمنى عدم التعميم

لي عودة بإذن الله

!المزن! · #4 04-10-2009, 02:37 AM

اي والله ..

ماكو شغل برويكم اجل صورة عند خالتي كانت رايحه للافنيو واهي بالبارك رايحه للسيارة
الا تلاقي على باب السيارة ورقه خخخخ
راحت الحبيبه وصورتهااا ههههه بحطهاا لكم انشاء الله
<على فكره مو سيارتهاا لا لا سيارة ناس

V E T E R A N · #5 05-10-2009, 03:32 AM

اقتباس:

المشاركة الأصلية كتبت بواسطة ليبرالي

عزيزي المال السايب يعلم السرقة

كلامك عدل و100 %

بس حتى المال آلي بالخزنة يتعرض للسرقة ..!

V E T E R A N · #6 05-10-2009, 03:34 AM

اقتباس:

المشاركة الأصلية كتبت بواسطة شفت وش سوى هبآلكـ

ليبرالي وجهة نظر خاطئة جدًا

مع احترامي لصاحب الموضوع

والله شوف عيني وحده غطوة ودسوس ما تشوف منها شي يلحقها وااحد واطي وسوا حركة

لا اخلاقية

وجهة نظر بعيدة عن الصحة لو قلت الخير يخص والشر يعم كان قلنا معليه

أتمنى عدم التعميم

لي عودة بإذن الله

صح وشوف عيني بعد واجد هذي الحركات الغير أخلاقية ..!

ناطرين عودتش ..أختي..

V E T E R A N · #7 05-10-2009, 03:36 AM

اقتباس:

المشاركة الأصلية كتبت بواسطة !المزن!

اي والله ..

ماكو شغل برويكم اجل صورة عند خالتي كانت رايحه للافنيو واهي بالبارك رايحه للسيارة
الا تلاقي على باب السيارة ورقه خخخخ
راحت الحبيبه وصورتهااا ههههه بحطهاا لكم انشاء الله
<على فكره مو سيارتهاا لا لا سيارة ناس

ناطرين الصورة ..

جراح بن حجاب الحيان · #8 05-10-2009, 03:53 AM

شاكرلك عالنقل واللة ,,,

V E T E R A N · #9 05-10-2009, 04:30 AM

اقتباس:

المشاركة الأصلية كتبت بواسطة جراح بن حجاب الحيان

شاكرلك عالنقل واللة ,,,

أي نقل يا طيب..!

صوت القلوب · #10 05-10-2009, 06:53 AM

V E T E R A N

أخي الكريــم ..

قضية المغازل طرحت كثيرًا ..

ولكن لا مانع من عرضها مرتين وثلاث وأربع كود يتأثر أحد ..

المغــازل : فن يحترفه البطالية .

لا تستغرب نعم فن ..

كل يوم طالعين بحركة جديدة ..

وإذا رسم على وحده استخدم كل طرقة لين يصيدهــا ..

هذا لا يعني إن الفتــاة ليست متهمة .

ولكن .. ولكن .. ركز معي ..

ألحيــن وهذا ما أراه بأم عيني .. لم تعد الفتاة (الكاسية العارية) مصدر إغراء كما كانت في السابق

يعني أشوف بنــات متبرجــات .. ويمشون لحالهم في الأسواق ولا أحد معبرهم ..

وأشوف البنــات اللي شكلهم عادي لا مكياج ولا عباية مطرزة ولا عباية مخصرة ..

يلحقهــا وينادي ربعه <<---- أبكي وجهه هو وياهم

وآخر شي واحد يصيدها ويتخانقون من يكلمها ..

أعــــــــوذ بالله

:

أما سالفة الشيبان والشباب .. وإن الكل صار يغازل ..

بقولك موقف طريف .. ولا هوب طريف ..

إحدى زميلاتي تسولف تقول كنت رايحة الجمعية مرة من المرات وإلا صوت واحد يقول :

يا حلو أنت ..!

يا مزيون ..!

عطنا وجه ..!

تقول خويتي أنا أدور الصوت ما أدري من وين الصوت ..

أسمع صوت ولا أشوف زول

يوم دنقت راسي والا بزر واجد عليه إذا قلت طالب ابتدائية

بزران آخر زمن ..!

:

أما الشيبان فـ هذول لا شفتهم كبدي تقلب علي ..

والحقارة إنهم ما يتبعون إلا البنات الصغار

شايف وجهك ..؟

وين يا أبو الشباب طالع على قدك ..

:

ودك كذا تاخذ لك موتر من مواتر الطب النفسي وتفتر في الأسواق ..

توزع كروت حمر على المغازلجية واللي تشوف حالته مستعصية وتحسه محتاج للعلاج

تخمه معك في الموتر

يااااااااااااااااااو بيطلعون كل ربعنا مجنن الله يكفينا الشر

:

يطول الحديث عن هالموضوع ولكن أكتفي بما قلت ..

تقبل مروري