السلام عليكم
هذه القصيده للشاعر هادي بن محمد بن هادي سهيل المنيف الخوار في مدح قبيلة بني خوار الهمدانيه
للسيف لمعــه وللفكـر صحـوة البـال
------------------------------ و أنـا لقـيت البحــر لـه الـف عــــومه
من ويــن مــا لـديت واجهـت مدخال
----------------------------- و الــموج لا من هــاج بطـــلت اللومه
يمــتد لي و أن قــلت أبـذكر أخـصال
---------------------------- عـل وعـســـاه الـنـذل قــولي يـــشـومه
من ويــن أبـبدا فـيه هالـعالي العال
---------------------------- و الـيم عمـقه عمـق محد(ن) يــرومه
الملح ما عذربه و الـمدح به طــال
---------------------------- و أن زاد بـه سـكره يـا قـل ســـــومه
كل(ن) يحبه مر و من طيبة الفـال
---------------------------- مــرارته في ربع هــــادي امحسومه
ربـــعي بني خـوار خيــــالة الحـال
---------------------------- ســواقـــة الموت الحمر من سمومه
ربع(ن) ليا عالوا على عايل(ن) عال
---------------------------- هــــزو مـــوازينــه ودكــو رســومه
يمسي ظعيف(ن) عقب ما جات الاحوال
---------------------------- ومن عــقب فل الريش الحر بـــومه
ما ذاق غير الهم وتـحصيله أنكــال
------------------------------ والـــذل خلى الناس كلهم خصومه
والجمر دم(ن) في المناعير شعال
------------------------------ والــدم من فـــوره تـــزايد حمومه
وللخوه الخوه صـــناديد وابطـــال
------------------------------ ذخــر الدخيل و صارو القوم قومه
غطاه لا من الــزمـن قـــام يحتال
------------------------------وفرشه من أعين ناس دايم تحومه
و الجار دايم دوم مــتكيف الــبال
------------------------------ وسـيع صدر وما شكا من همومه
ما هوب من وحشه ولا وحدته ذال
------------------------------ لـه منـزله بقلوب ناس امحشومه
وللظيف ريف وكيف وقدوع ودلال
------------------------------وروس(ن) تطير والطيب هاذي سلومه
وان جات للمده فلا والله جدال
------------------------------ كــم حــــاتمي فينا ذراعه كتــومه
مده لوجه الله تشريف واجلال
------------------------------ ما هو ريا و الصدق تاتي عــلومه
متوارثين الجود من عبر الاجيال
------------------------------ وحــبره على الالبــاب يبرز ختومه
يعني حنين المجد بعروقنا سال
------------------------------ نـمطــر وفــا و القاع ينبت قرومه
اليوم كل(ن) شاف بعيونه أطفال
------------------------------وبكره بصيص النــور حقق حلومه
رواه كيف الذرب يكسب له أفعال
------------------------------و من طاقة الايمان فــصل هدومه
ورواه كيف الحمل يبقى وينشال
----------------------------- و الــورث لــلوارث يقوي عزومه
ويجني ثمر ما فات بعلوم واعمال
-----------------------------ويرمي هدف الاسلاف وصح(ن) سهومه
فالمقبلات زحول ونمور وجبال
------------------------------و فالــنايبات الفـــرد يسوى حكومه
ولو كان لمس النجم باليد ينطال
------------------------------كان الـــبدو في ليل حلك وعتومه
ضعن البهيم بليل ما فيه دلال
------------------------------والجدي يشكي سهيل غربة نجومه
هاذي حقايق صدق ورموز وامثال
------------------------------قليل فــي بحر(ن) تلاطم قســومه
ماني عشان القول ينقل وينقال
------------------------------لأسماع من له حس همس ونعومه
وماني عشان الدرب تطويه الاميال
------------------------------ ومنهو يشك بشي تاهن وهــومه
أنا عرفت أن الجمايل على جال
------------------------------و رد الجمايل شهر واجب نصومه
ولكل دار حقوق وقروم ورجال
------------------------------ولا خير في منهو نسى حق قومه
09-01-2010, 01:57 PM
العرض العادي
