الله يفرج عن اخواننا في غزه وينصر الإسلام والمسلمين
[align=center]
إسمحوا لي قصيده مجاراه لقصيدة
الشاعر نايف بن عرويل
اولا قصيدة نايف صوت وصوره
نايف يقول :
http://www.saarm.com/saarm/gazh.rm
جرح ٍ تمركز بوسط الجاش وابتزه=واضهر فرايد لها عامين مكنوزه
ماتت وجيه الرجال وماتت العزة=واجتاحنا الذل واعلن للملا فوزه
يا اهل المناصب وش اللي صار في غزه=يا وجيه ذل ٍ على الشاشات مرزوزه
شي ٍ يوقع بوسط القلب ويحزه=مشاعر الناس من ماصار مهزوزه
قنابل ٍمن سماهم مالها حزه=ماجت على اهداف معنيه ومفروزة
يقتلبها اللي بمهده وامه تهزه=ويقتلبها اللي عدل ممشاه عاكوزه
جمع الجنايز مثل تجميعة الجزه=على بعضها جثث الناس مكزوزه
رمح اليهودي بوسط صدورنا غزه=وحنا عجزنا نشيل الرمح ونهوزه
اجيوشنا في قبال الضد منهزه=وفينا الخطايا لضلم الوقت معنوزة
ياواهي العذر عمر العذر مانزه=خرايط الذل قدم العين مقزوزه
من حرك الجيش قل بالله من دزه=من سكت الشعب قلي واحكم قزوزه
بالله منهو يوز الناس من وزه=عسى الغنايم عقب ماصار محيوزه
دور السفارات وسط العرب من عزه=خلا للأوغاد وسط ديارنا حوزه
مافيه داعي نفضح فيه ونلزه=بعض العبارات فالأعلام محجوزه
ماتت وجيه الرجال وماتت العزه=ياوجيه ذل ٍ على الشاشات مرزوزه
.
.
.
.
.
ثانيا قصيدة الرهاوي:
:
.
الجرح من عام الاول في الحشا لزه=وبدايته ماتساوي حبّت اللوزه
مرًا يغز الفؤاد ومر يغتزه= ومر يخلي المشاعر عنه محجوزه
خمسين عاما يمص الحال ويمزه = واليوم ف. أجسادنا بيّنتن بروزه
ما احد تكلم وقال الجرح بنجزه = قبل ايتولّج.. بنا ..ونصير في عوزه
فتح وحماس التهوا ...من يلبس البزه ؟؟!!= ومن يسرق الشعب ..مال الشعب وخبوزه
ما عندهم علم ..كيف توقّف الهزه ؟؟!!= لو كان ملبسك تنّوره وبالوزه
وحسني مبارك عساها تبرك بحرزه =قلوز منافذ رفح ..وانفّتحت قلوزه
شاشات الاخبار تظهر ضعفه وعجزه =ماباقي الا يلامس بوزها بوزه
كفّه عطا إيعاز بالهجمه على غزه = عسى يمينه من الأكتاف مجزوزه
ماتت عزوم العرب ما للعرب فزه = كلاً على ديرته... وايبدّل بنوزه
عايش رخا ..ما درى بالقلب وش طزه ؟= وهذي دلايل كلامي وانشدوا( موزه)
لو انها تخلط ابو كاس والمزه =احيان... والاّ بعض لاحيان مفروزه
الا متى ننتظر ...للحزه الحزه ؟؟!!= وراس العرب كل عام نخيّط غروزه
ومتى نزور( الحرم) والروس مرتزه؟؟!! =قدّام عمر البنادم.. تطفي فيوزه؟؟!!
انا اقترح حلّ.. يمكن ترجع العزه = النفط نغلق مداداته وبزبوزه
لو كان حتى نعيش بتمره ورزه = بس اليهودي مايلقى نفط ل(كروزه
.
.
الحرم : القدس الشريف اول القبلتين وثالث الحرمين
.
.
وسلامتكم : اخوكم الرهاوي
01-01-2009, 01:14 PM
..جرح غزه .. مجاراه الشاعر نايف بن عرويل
العرض العادي
