Lawrence of Arabia يودعكم

[Lawrence of Arabia]

مساء الخير على جميع اعضاء المنتدى

بادئ ذي بدء (من زمان ودي اقول هالكلمة) اهنئكم جميعا بمناسبة دخول شهر رمضان الكريم "وكل عام وانتم بخير" ... والله يعيينا واياكم على صيامه وقيامه .


استودعكم جميعا يا احلى اعضاء ويا احلى منتدى ... قضيت معكم احلى اوقاتي ... استفدت منكم واتمنى اني قدمت بالمقابل شي يفيدكم ... ودي استمر معاكم لكن للاسف "مجلس الوزراء" ما عطانا عطلة مثل الناس ... لازم ينكدون علينا حياتنا .. "اسبوعين ما راح تضركم يا مجلس الوزراء" ... حنا مستعدين نتنازل عن ثلاث اسابيع من عطلة الصيف القادمة ما عندنا خلاف .... لكن ما نقدر نقول الا الله المستعان ...والله يخلف على اعضاء مجلس الامة .. كل شي يطالبون فيه ما تسويه الحكومة .. اسقاط قروض وعطوهم طاف.. زيادة خمسين وطاف ثاني ... ابقاء الدوواين وهدموها فوق روسهم ... عطلة رمضان و طاااااااااااااف .. شنو فايدتهم تكفون؟ ... ما احب السياسة المحلية ولا ادانيها ... احسها عقيمة ما فيها "خذ وهات"... كل شي يوصل لطريق مسدود ... وكله تشاؤم ومستقبل اسود ... (لحظة.. انا شطيت عن الموضوع من القهر) ... اللي ابي اقوله اني راح انقطع عن المنتدى طوال العام الدراسي القادم ... يعني يمديكم تنسوني ... وودي ازوركم بين كل فترة وفترة -ولا اوعدكم بالشي هذا- لان ابي "لبى معاليق قلبه" راح يستولي على لابتوبي من بكرة وطوال فترة دراستي ... يبيني اجيب معدل عالي لان اخر سنة عليها (60%) من المعدل التراكمي حسب النظام الجديد "الموحد"... وابشركم ان معدلي التراكمي حتى الان ممتاز وابغي اكمل جميلي واتخرج بمعدل طيب يأهلني للحصول على بعثة دراسية لامريكا (هندسة ان شاء الله) ... ولا تنسونا بدعواتكم بالتوفيق والنجاح ... واتمنى انكم ما تنسوني وتذكروني بالخير في فترة غيابي (اتعبّر وببكي.. طرت على بالي اخر لقطة من فيلم شمس الزناتي).


يالله ما تشوفون شر ... ومع السلامة

[حــروف الحــب]

\

/
\

<< تعبر هي الثانيه



يالله كلها سنه وتعدي ماتحس فيها
وعسى الله يوفقك

وبعد التخرج ان شاء الله


" اطير لامريكا اتكمل "


قول امين



واكيد بنفقدك




t.c

[فلاح بن ملبز]

السلام عليكم ورحمة الله وبركاته

أخي الكريم / Lawrence of Arabia

الشهر عليك مبارك ، وكل عام وأنت بخير وسلامة

وان شاءالله موفق في دراستك وعقبال ما تجي وتبشرنا بالمعدل الزين

وجعلك ما تشوف شر

ودعتك الله الذي لا تضيع وداعته


أخيك

فلاح بن ملبز

[ناصر بن فالح]

استغل ماتبقى من العطله وامتعنا في المايك

[الظبيانيه7]

هيه اخويه اهم شي الدراسه والله يوفجك في حياتك الدراسيه

ونترياك بعدها تبشرنا عن النتيجه

[Дήα$тαziα]

تروح وترجـــــع (بسلامه)لمنتداك بنسبه الي ترفع الراس انشالله..

مااااارح احـــد ينسااااااكـــ...

بتغيب وتبقااااا بصماتك في المنتدي وبترجع انشالله وتكمل معاناا..

(وكل عام وأنت بخير وسلامة)

وان شاءالله موفق في دراستك ..

وبـــحفض الرحمن..

[Najla]

صبـآح الخيـر .,


لـوورنس

جـد صدمني العنـوان لكن ماافيـك حيـله .,

درااستـك أهم من كـل شي ., و إن شاء الله ربي يوفقـك هالسنـه ..

و نشـووفـك مهنـدس

وترجع للمنتـدى مره ثانيـه و تنورهـ لأن الاعضاء اللي مثـلك خروجهم من المنتدى

خساره كبيرهـ له ..


تقبـل تحياتي.. أختك / نجلآ ..

[مـزعـّلـة ـآلـنـسآـآ]

السلام عليكم ورحمة الله وبركاته

أخوي لورآنس..

كل عآم وإنت بخير .. ومبآركـ عليكـ الشهر ..

ودآمـ المسأله فيهآ درآسه ..فـ الله يوفقكـ ..

ولآ تحرمنآ طلّتكـ .. حآول تطل علينآ من فترهـ لفترهـ ..

وعسى الله يوفقكـ وتحصّل النتيجه اللي تبيهآ ..

تحيآتي لكـ . واتمنى لكـ التوفيق والنجآح بنسبة ترفع رآسكـ ورآس إبيكـ ..


دمت كمآ تحـب

[انتحار]

جعلك بعد "اللي مايتسماش"

موفق

[الجلمود]

السلام عليكم ورحمة الله وبركاته

أخي الكريم / Lawrence of Arabia

الشهر عليك مبارك ، وكل عام وأنت بخير وسلامة

وان شاءالله موفق في دراستك وعقبال ما تجي وتبشرنا بالمعدل الزين

وجعلك ما تشوف شر

ودعتك الله الذي لا تضيع وداعته