السلام عليكم ورحمة الله وبركاته .
متواضعه .. أهديها لكم .
واتمنى ان تحوز ولو بالقليل من رضاكم .
يا ويش أسوي والبلا في زماني . ؟؟ = وكل المواقف عاكستها الأماني . . !!
مرّه من العالم ومرّه ظروفي .. ! = عساني أظفر بالصبر .. ( يا عساني ) .
بيني وبين الحظّ .. بحرٍ يا طوله . = كل ما بغيت نهايته ؟ .. مامداني !!
الحظّ قفّى من سنينٍ بعيده .. = وأنا ادري اني لو دعيته .. عصااني .
حسبي على الدنيا وحسبي عليها = أبطالها .. ( الإمعه ) و ( الجباني ) .!
الإمعه . . الكل يحسب له حساب ! = وراسه يداحم عاليات المباني .
جبان . . لكنّه يشقّ ويخيّط = ماهوب منّه .... من كبار الأذاني .؟!
والا الشجاع اللي .. لسانه على الحق ؟؟ = محاربٍ من كل قاصي .. وداني .
الطِيب يا محمد . . ترى طاح .. سوقه .! = ماعاد يحسب له حساب .. ومكاني . .
هذا من أول .. يوم كلٍ يقدّر = واليوم ؟ ... الأول .. بين ثالث .. وثاني ! .
حب الدراهم والمصالح .. تفشّى ! = بفلان .. وفلان .. وفلان الفلاني . !
ماعاد به ذمّه .. وصدق .. وتعاون .؟! = الكل طبعه .. مثل طبع الأناني .
هذا الحكي مستخلصٍ من تجارب .. = يوم ان حظّي للتجارب .. رماني .
أشوف في عيني .. ولا اقدر اغمّض ! = والله من شوف البلاوي ... ( بلاني ) . !
كل شيء بالدنيا .. تغيّر نظامه .. = حتى المعاني .. خالفتها .. معاني !
حتى اللي اظنه سنافي .. ووافي ؟؟ = لو شافني طايح ... مشى .. ما تناني .!!!
كنّ الردى يجري بدم .. الأوادم .. = وكنّه يقارن سرعته .. بالثواني . !
أشوف وضع الناس .. ينزف .. وينزف = ويا ليت ربّي .. قبل أشوفه .. عماني .!
وطولــة أعمـاركـم .
17-06-2008, 01:21 PM
كل شيء بالدنيا .. تغيّر نظامه .. /// حتى المعاني .. خالفتها .. معاني !
العرض المتطور
