صوتٍ تسمعه كلّ الكويت .!

فهيد بن عصيدان · #1 13-03-2008, 07:43 PM

سلامُ عليكم .,

أتمنى تاخذ من اعجابكم شوّيٍ والا واجد

لو انّ صدري يتّسع وسعة صدور اهل الشّمال=لضّيقه اللّي لو توزّع تكفي لشعب الكويت .؟
ماكان ضيقي ضاق به صدري وطال اللّيل طال=لاراحت الضيقه ., ولابه شخص يسمع لاحكيت
البارحه ., همّي لحال وهمّ خلق الله لحال=ياما هدمْت مْن البيوت الندّر ., وياما بنيت
تاخذني الذكرى واحسّ الماضي .؟ أحلام وخيال=وأبكي على الاطلال واليا هزّني الدمْع استحيت
والى ذكرت انّي نواتج : طيب عمّ ., وطيب خال .؟=اتشوم عيني عن بكاها لايقال انّي بكيت
لكنّ ياصدري همومك لوتعدّيك الطوال=اني فلا افضح سرّك ولاموت والله ماشكيت
الاّ على اللّي له يؤول الامْر ويؤول المآل=الواحد , الفرد , الصمد , والمحيي , الحيّ , المميت
ياذو الكبر , ياذو القدْر , ياذو الحكم , ياذوالجلال=ياللّي من اجل رْضاك خلق الله تعنّ وتستميت
يالله أنا .؟ عبدك ولد عبدك ولد عبدك وآل=متوارث الطاعه وأنا ميتٍ ولد ميتٍ وميت
أبي لامنّي متّ يبقى ذكري سْنينٍ طوال=لاكان ميّت بجْسدي لكنّي بذكري .؟ حييت
فإن عشت .؟ تكفيني مقولة ( والنعم ) عند الرّجال=وإن متّ يفقدني الرّجال اللّي لهم فالصيت .؟ صيت
يوم إنّ غيري قيمته تزداد لازاد الرّيال=يكفيني الذّكر الحسن وغناي طيبي لااغتنيت
والـلْه انْ معَرْفة طيّبين الروس عندي راس مال=أصلاً لوانّي ماأجني الطيّب وعرفه .؟ وش جنيت .؟!
عندي انّه أسوى من ملايين الوليد ابن طلال=وأخير من خوّة غلام الديمن وبنت السبيت
فإن بعت .؟ بعت الخامل اللّي مايصيد الاّ الخمال=والطيّب اليا زاودو سوّامته .؟ زدت وشريت
وان جيت للحبّ ودقاق الحبّ في قلبي جلال=عزالله ان الحبّ كاتب له بقلبي مانشيت
( ياما احتريت ) إوصال من ذكره غدى كنّه وصال=والظاهر انّي ببطي امعلّق على ( ياما احتريت ) .!
وين أنت .؟ ياللّي فارق : طْبوع , وتواصيف , ودلال=ياللّي لاقلت البيت فيك يصير في عيني ( بويت )
وين أنت .؟ مجرّد سؤال , وتملك أجوبة السؤال=قعدت أدوّر له جواب إيفيدني يوم إنتحيت
خليتني : لدموع عين , وفري قلب , وبري حال=وسرّيتني معْ ذكرياتٍ كلّ ماأسريها .؟ غديت .!
لكن تبي العلم الوكاد إسمعْه ياسمح القبال=أبختصر كلّ العلوم اللّي على بالي فـ /بيت
لوّ كلّ غالي لاهجرني ترجعه كلمة : ( تعال )=والله لصوّت له بصوتٍ تسمعه كلّ الكويت .!

سعد بن سريّع · #2 13-03-2008, 08:25 PM

حجزززز (1 )

مرحبــــا ومســــهلا يا ابــــو محمد

لاشـــــراقـــاتك رونقــــها الخاص

ابيــــات في منتهــــى الروعـــه وعلى قولتكم لا عجمـــت

دمت في حفظ الله ورعايته

الغناوي

فــلاح · #3 13-03-2008, 10:59 PM

الله الله الله الله

قصيــده في قمـة الروعه ورأيي فيها انت ادرابـه

صـح ألســانك مدد وبلا عدد , ولاهنــت يالسنـافي

كــ / عـادتك مبـدع وجديد ..

تقبل مروري

طويــــق