تصفقبي الأيّـــــام

[كميّخ الهاجري]

السلام عليكم ورحمة الله وبركاته,



اليكم هذه المتواضعه وأتمنّى أن تنال ولو بالقليل من إستحسانكم.


صــــــــلوا عــــلـــى الـــنـــبــــي,

يابو فلاح الحال ماعاد به حال=حالي برى ياخوك والله يعيني
تصفقبي الآيام من جال في جال=وأضحك وأقول الوقت بكره يزيني
صبرت لكنّي على الصّبر محتال=كن الجمر في وسط كبدي سجيني
وسجّيت رجلي صوب بيضان الآفعال=دسم الشوارب مفرحين الحزيني
أدوّر الفرحه مع كيف فنجال=واثر الفرح ياقوم وينه وويني
سبّة وليف(ن) يرسم ابرمشه اظلال=وإلى مشى بيّحت خافي كنيني
حمر الشفايا بيّنه من ورا الشّال=كنها على حوض المنايا اتحديني
خذيت منّه عهد يلزمه بوصال=ومنّي عهد لاصله باقي اسنيني
أقفى وخان العهد والعهد ماطال!!=توّه بدا ماصارله جمعتيني
وإلى بغيته صدّ مايبغي اجدال=لاقلت مخطي قال ذا مبتليني
أسايره وآجيه في كلّ موّال=ولا نفع به ذا الوفا والحنيني
أشوف منّه كل همّ(ن) وغربال=ويشوف منّي كلّ شوق(ن) دفيني
هذا وقلبي حافظ العهد مازال=ياصل ابحرف(ن) دامه أبعد لعيني

وســــــــــــــــــــــــــــــــــــــلامـــــــ ــــــــــــــــتــــــــــــــــكــــــــــــــــ ــم.

[نـاصـر]

وسجّيت رجلي صوب بيضان الآفعال=دسم الشوارب مفرحيـن الحزينـي
أدوّر الفرحـه مـع كيـف فنجـال=واثر الفرح ياقـوم وينـه ووينـي

الله الله

صح لسانك ياكميّخ

وتقبل مروري

[فيصل ال رشيد]

كميخ الهاجري

صح اللسانك

رائعه رائعه
دسمه من راع الدسم

[كميّخ الهاجري]

نـــــاصـــــر.


صح الله ابدنك ولاهنت على المرور المشرّف يالقرم.


تقبّل تحيّاتي.



أخـــــــــــــــــــــــــــــــ(كميّخ الهاجري)ــــــــــــــــــــــــــــــوك.

[مناحي الصميل]

ابو راشد




سلملي على ابو فلاح




صح السانك على ذا الجزله


لا هنت وبيض الله وجهك

تقبل مروري

[كميّخ الهاجري]

القرم.



صح الله ابدنك والرائع هو مرورك العطر.


لاهنت.

تقبّل تحيّاتي.

أخــــــــــــــــــــــــــــــــــــــ(كميّخ الهاجري)ـــــــــــــــــــــــــــــــــــــوك.

[سعد بن سريّع]

كميــــّخ صـــح لســـانــك واعتــــلا شـــــانك
قصيــــدة جميــــلة من شـــــاعر اجمـــــل

صبــــرت لكـــني على الصــــبر محتـــال = كـــن الجمـــر في وســـط كبدي سجــينــي

الله الله على التشبيه كن الجمـــر سجين
اتمنـــى انك تفــــرج عنـــــه ولاهنت على هذه الابيات ..


دمت في ابداع متواصل ..


الغناوي

[صـــبـــــــــا]

خذيت منّه عهـد يلزمـه بوصـال=ومنّي عهد لاصله باقـي اسنينـي

صــــــح لساانك على هذي القصيده
لاهنت عليهااا
بانتظار جديدك

[كميّخ الهاجري]

أرررررررحب يابو فهاد


الله يسلمك من كل شر والسلام واصل يالقرم.


صح الله ابدنك والجزاله منّك وفيك ووجهك أبيض.


لاهنت على المرور الكريم.


تقبّل تحيّاتي.


أخــــــــــــــــــــــــــــــــــ(كميّخ الهاجري)ــــــــــــــــــــــــــــــــوك.

[سالم الرتيبان]

كميخ الهاجري مبدع كعادتك صح لسانك
سجل متابعتي
اخيك