|
إن عشت يا راسي كسيتك عمامه
إن عشت يا راسي كسيتك عمامه
********* وان مت يا راسي فدتك العمايم
سمعنا كثيراً بهذا البيت ورددناه كثيراً واصبح مشهوراً جداً على مستوى الخليج العربي كما اصبح موالاً دارجاً مع شعراء المحاورة ولكن الذي لا يعرفه البعض منا او الشئ الاهم في هذا كله الا وهو كاتب هذا البيت او كاتب هذه القصيدة وهو :
الشيخ الشاعر / محمد بن سرار المنبهي الشهراني رحمة الله عليه
وهو شيخ واحد فرسان قبيلة بني منبه شهران ......
واليكم القصيدة كاملة للفائدة ....
إن عشت يا راسي كسيتك عمامه = وان مت يا راسي فدتك العمايم
يا راس شيبك ما بدا بك مذله = والشيب تكرم به كبار اللمايم
الاجواد يكرم شيبها في مشيبها = نقالة القالة محوص الصرايم
ياما نطحنا في الصبا من قبيلة = يوم الصبا والرمح للكيف رايم
و ياما خذينا تونا من كسابه = بسيوفنا راحت تقسم غنايم
و ياما نسفناهم على جال وادي = و ياما نحونا فوق سود الشكايم
اربع مية خيال جونا مسيره = جونا يبون الغرس حلو الطعايم
وقالوا يسار الغرس والا يمينه = امس لكم واليوم جا فيه سايم
وقلنا لهم من دونه الموت حامي = اليوم نهدي الروح نخشى اللوايم
وثنيتها لعيون غرس بكاير = يثمر بهيبتنا غصونه نعايم
واخذت اطاردهم وانا فوق قبا = مثل الهدود اللي عن العشب صايم
تلحق ليا غارت ولا يلّحق بها = شقرا ولا ضريتها بالهزايم
من يوم بان الفجر لين اعتلى الضحى = وحنا نقلط للمسير عزايم
والله عطانا منصب الحق والظفر = يوم التقت بين القروم الولايم
يوم اسلموا للمنع واسندت عنهم = لياهم كما عشب لفح به سمايم
هذاك اسير وذاك يومه دنابه = وهذاك مكسور وهذاك شايم
هذا زمان فات ما ينفع المنا = يوم اذكر الماضي تزيد العظايم
الراس شاب وثالثة رجلي العصا = والله يوقظ قلب من كان نايم
لعل قبل الموت نسمع بشيره = ابجاه من يحيي العظام الرمايم
وصلاة ربي عد ما ذعذع الهوا = على النبي واصحابه اهل الكرايم
وسلامتكم ...
ملحوظه / هناك ابيات لم اوردها ضمن القصيدة نظراً لوجود شكوك حولها انها اضيفت بعد وفاة كاتب القصيدة .....
ولكم كل الحب وخالص الود ...
التعديل الأخير تم بواسطة كويتي ; 13-05-2004 الساعة 05:07 PM
|
13-05-2004, 04:08 PM
العرض العادي
