اصنــع CD لسيــاره مع Nero (كويتي)

[كويتي]

يعطيــكم العافيــــــــــه حبايبـــي ..

اليــــــــوم راح اشــرح لــكم طريــقة اشلون نسوي
CD لسيـــــــــــاره والمسجـــل بطريـقة سهــله
وسريــــعه وعلى ذوقك واختيـــارك مع برنامج نيــرو

مع اني طــرحت موضوع قبـــل فتره طويــل عن صنـاعة الـ CD
بس عن طريق الريــل بليــر ولكن الكثيــر لم يستفيــد من الشـرح
اليوم راح يكون الشــرح اسهله وسريــع ..

يعني بعد هذا الشـــرح ماراح تحتـاج تروح حق
محــلات التسجيـلات وتشتري CD عشان اغنيه
وحده والباقي ما تبيــه وبسعـــر غالــــي على الفاضـي

المهم اتمنـــــــــا الجميـــع يستفيــد من هذا الشــرح

-=-=-=-=-=-=-=-=-=-=-=-=-

اول شــي راح نحتــاج بـــرنامج محــول الأصــوات
الي يحول الريل بلير الى Wav و Mp3 وهذا البرنامج
عــربي وسهــل حيــل بس حط الملف وهو يحوله على
طــول وراح اشـرحه لكم الحيــن ..

اول شــي نحمل البرنـامج من هنــــــــــــــــــــــــا

وبعد ما نحمــله نفتحــه ونبداء نشتغــل

نشـوف الصوره رقم ( 1 )



الصـوره هذي اوريكم فيها اول ما يفتح البرنامج
وراح نختـار الأختيـار الأول عشان نبدأ نحول الملفات

نشــوف الصـورة رقم ( 2 )



نشــوف اهني في الصـوره الكثيـر من الاختيـارات
طبعنــا راح نمشي خطوه خطوه ..

اول شي نختـار وين نحفظ الملفات الي راح نحولها مثل ماهو باين عندكم
في الصوره نختـار ..

ثاني شي نضغط على اضافة ملفات اذى دسنا عليها راح يفتح
ملف من كمبيوترك وانت عليك تحدد وين مكان الملفات الصوتيه
الي تبي تحولها وتحطهم ..

ثالث شــي نختـار صيغة الملف الي نبي نحوله يعني wav او mp3
طبعنا لسيـاره راح نستخدم wav عشان نقدر نحوله اديو لمسجل السيـاره
عشان mp3 على كل انواع المسجلات بس مسجلات البيــت ..

رابع شي بعد ما نخلص كل هذي الأختيارات ندوس على اختيــار
بدء التحويـــــــــــل ..

بعد ما نخلص من هذي راح يبدء يحول بروحه لحد ما يقول تمت العمليـة
بنجــاح ..

=-=-=-=-=-=-=-=-=

الحيــن مطلوب منــا برنــــــــــامج Nero الغني عن التعريــف
وهذا هو البرنامج الي راح يصنع لنا الــ cd بسهوله وسرعه ..

هذي صـوره للبرنــامج يمكن في احد مايعرفه



والــي ماعنده نيـــرو يقدر يحمـــــــــــــله من هنـــــــــــــــــا

المهم نبدء الشـــــــــــرح



اول ما ننزله راح يفتح ويانه البرنامج وراح يكون بهذا الشكــل
طبعنآ في اختيارات كثيــر احنا راح نشتغل على هذا الاختيـار
الي واضح في الصـوره ..



بعد مانختــار الأختيار الي في الصوره رقم واحد
راح يفتح ويانه اختيــار نافذه من الكمبيـوتر وفيها ملفاتك
الي تبي تحطها في الـ cd مالك طبعنا تحطهم

عندنا في مربع انا حاط عليه بالاحمر وكاتب عنده رقم اثنين
هذا يا جمــاعه العداد مال السي دي يعني قولك كم فيه
باقي مساحه ولا ترى السي دي صار متروس يعني لازم تشيـل

طبعنــآ الحيــن نحط CD جديد وفاضي عشان يبدء الشغل
فيه



نشـوف في هذي الصــوره شكل الاختيار بعد ما نزلنا
ملفاتنا الي نبي نحولها في البرنامج ونشوف العداد اشلون
صار شكـله طبعــآ بعد ما ننزل شغلنا في البرنــامج راح ندوس NEXT
عشان نكمل شغلنا



نشـوف اهني بعد ما دسنـا نكست حولنا على اختيارات ثانيه
مالنا شغل فيها ابد لا تقربون لها خلـونا على المربع الأحمر الي انا
حاطه لكم بس دوسو عليه عشان يبدء ينسـخ ..



بعد ما دسنا على الأختيار نشوف اشلون قاعد ينسخ في هذي الصوره



بعد ما خلــص من النســخ وصــار الـ CD جاهز راح يطلع
لكم مــربع دوس على كلمة OK وراح يتحول على اختيـار
ثاني بس عليكم انكم تدوسـون على كلـمة NEXT في اسفل
النافذه وراح نشــوف ان الـ CD راح يطلع من الجهاز ..

وهكــذا صــار الـــ CD جــاهز للأستعمــال في السيــــــــــاره

اتمنــا الشــرح يكون واضـــــــــــــح ومفهوم
والي عنده اي استفســـار انا موجود ولا يرده غير لسـانه

تحيـــــــــــاتي للجميـــع

كويــــــــــتي

[فيصل المخيال]

الغالي العزيز

كويتي

يعطيك الف عافية والله لا يهينك على البرامج الجميله
وتشكر على المجهود الكبير والشرح المفصل والوافي
ووصلات التحميل شغالة 100 %

تقبل مني خالص التقدير

[ferrari zeer]

مشكور يا كويتي على الشرح

وهالطريقه انا اعرفها من زمان بس عندي سؤال دايم السيديات اللي عندي تنترس بـ 18 اغنيه بس وانا مرات احاول احط فيه 25 اغنيه بس ما يقبل الى 18 اغنيه ليش ؟

[فيصل بن حجرف]

الله يعطيك الف عافيه اخوي كويتي على الشرح الجميل والرائع
وشرح سهل جدا ان شاءالله الجميع يستفيد منه
بس نبي كراك النيرو

[كويتي]

يا مرحبــا اخوي المخيــــــــــــال
وتسلم حبيبي على تعقيــبك
ومرورك الي اسعدنــــــــــــــــي

كويــتي

[كويتي]

اخوي الغالــي فيراري تسلم حبيبي على مرورك
وعن سؤالك اخي الكريم ..
شوف قلب هذي الصيغه من الملفات الاديو تكون دايم كبيـره
وما يقدر يشيلها السي دي دايم يعني على حسب حجم الملفات
اذى الملف صغيــر تقدر تشيل لحد ما ينتـرس ..
بس اذى كان شغل على mp3 تقدر تخلي السي دي فيه
فوق 400 ملــف .. بس للأسف mp3 ما يشتغل على
اي مسجــل سيــاره

كويتي

[كويتي]

حيــاك الله يا فيصــل وتسلم على مرورك

وابشــر انشــاء الله اجيـب لك الي تبي

كويتي

[كويتي]

اخوي فيـــراري تقــدر تراجع هذا الموضوع
وراح تلقى لك بــرنامج حاول تنزله عندك
وهو راح يصــغر لك حجم الويــف
وبعديــن نزلهم على السي دي وشـوف راح يشيــل
اكثــر من 25 ولا لا

الموضـــــــــــوع

عطنــي خبــر

كويتي

[فيصل بن حجرف]

وين الكراك ياكويتي

[ferrari zeer]

قبل لا اجرب برنامج تصغير الويفات اخاف هذا البرنامج يمسح نص الغنيه ؟

انا مشغل السيدي مال سيارتي يشغل mp3 ومع ذلك السيدي اللي احمل عليه اغاني بصيغة mp3 مرات يشيل 18 , 19 ,20 اغنيه بالكثير ولاكن 25 اغنيه ما يشيل ما دري ليش