السلام عليكم..
هاذي القصيدة قريتها بجريدة عالم اليوم بس للأسف أن شاعرها ماهو معروف..
القصيدة يغلبها الطابع الكوميدي وحبيت أنقلها لكم..
وأتمنى تعجبكم..
بشرونا بالصحافة.. عن إعلاجن جديد!!
ينعش الأبدان.. ويرجع الشايب.. ولد!!
صانعينه ب(واشنطن).. ومفعوله أكيد!!
جعل من جابه.. يوسع بقبره واللحد!!
قلت: فرصة.. شايبي له زمن مايستفيد!!
من كبر سنه يعاني.. وروح بلا جسد!!
له سنينن منعزل.. لاشقي, ولا سعيد!!
كل ماشاف (العجيز).. تثاوب ثم رقد!!
مابيده حيلتن.. وإنتهى منه الرصيد!!
العظام مهلهلة.. والعروق ابها سدد!!
قلت أبر بوالدي.. وأنفعه حتى يعيد!!
ماضي الأمجاد.. ويصبح بعيشة رغد!!
أشتريت أربع قوارير.. بالفين ويزيد!!
الحبوب اللي تخلي.. من الثعلب.. أسد!!
يوم أخذ منها.. تناقض رجع.. كنه وليد!!
ومن نشاطه قام يركض, ويصدم بالعمد!!
وبعد مده.. قال ودي أسافر للصعيد!!
من (مصر).. ناوي أفيز لعمالن جدد!!
غاب أيامن.. وجانا معه شين فريد!!
بنت شمحوطة.. وبيضا.. ومركوزة نهد!!
عمرها تسعة عشر عام.. ينقص أو يزيد!!
أسمها (فيفي).. وأبوها حج عبدالصمد!!
طلق أم عياله اللي لها ساسن جويد!!
قال: طسي.. ياعجوز المشاكل والعقد!!
من يذوق الكيك.. مايرجع ايذوق العصيد!!
وأنتي العيشة معك.. مثلما حبل المسد!!
هانت العشرة عليه.. وعسى عمره مديد!!
باعنا بأبخس ثمن.. راح عنا مانشد!!
أعرف إني سبة اللي حصل.. والله شهيد!!
جيت أكحل عين محرومن.. وأعماها الرمد!!
14-01-2007, 11:03 AM
العرض العادي
