(( قصيدة - عنود الصيد - الأمير الشاعر - خالد الفيصل ))

[الـعـابـر]

من خصايص عنود الصيد كثر الطواري = وعادة الظبي يجفل لاتـحرك ظلاله

مايصيد الجوازي كـود بخصٍ وضاري = القنص بالركـاده والتسرع جهاله

ولايعرف الطرد من لايعرف الصحاري = ماتعرّض سـموم ولاتعرض شـماله

كـلّ دربٍ عليه من المخاليق سـاري = للسـوالف رجال وللشكاله رجاله

وانت عشقت حيـاتي ياغـزال البراري = أتفاول بوجهك سعد من صرت فاله

إنت والله حــبيبي وإنت والله داري = إن نظـرة عيـونك يم غيرك جماله

ماانقطع سـيل حبك بالمعاليق جـاري = كـنّ قلبي خلقه الله لحبك سـباله

ليلتي ياقمـرها ..غـار منها نـهاري = حيث وصـل المودّه همسةٍ في لياله

جعل واهج غرامك مثل وجدي وناري = مير مااظـن في دنيا المحبة عـداله

الأمير الشاعر / خالد الفيصل

[العــــديم]

أختيار رائع
لاهنت ع النقل العابر

[●• Ŝђǿǿq •●]

اللًه
إنتقآء مميًز لـِ شآعر كبيًر
تِسلًم يمينكـً ..~

[عارف دربه]

جعل واهج غرامك مثـل وجـدي ونـاري
ميـر مااظـن فــي دنـيـا المحـبـة عـدالـه


اختيار تربع على عرش الجزالة

صح نقلك العذب إلى مالا نهايه

[ابورامي]

تسلم ولاهنت وصح لسان الامير

[زعــيــم الــشــووق]

الله لا يهينك يا الـــعـــاابـــر على اختيااار ذا القصيدهـ

[*ابوخالد*]

صح لسانك والسان شاعرها

[ياعين أبوي]

جعل واهج غرامك مثـل وجـدي ونـاري
ميـر مااظـن فــي دنـيـا المحـبـة عـدالـه


اختيار قمة بالروعة
لاهنت يالعابر

[ابو سالم الدويخ]

لا هنت ع النقل يا العابر

[الـعـابـر]

المشاركة الأصلية كتبت بواسطة العــــديم

أختيار رائع
لاهنت ع النقل العابر

شاكر مرورك الكريم