ماعافته نفسى..

[روح عابره]

انا وإن ضاقت الدنيا علي ّ والمسلمين رقود
ذكرت اللي يسليني هواه ونازف طعونه ..
ذكرت اللي ب غلاه احيا واعرف ان الوجود وجود
واعرف ب غيبته لاغاب طعم الشوق وشلونه ..
انا واللي خلق ه الناس .. وهم له راكعين سجود
يلبّونه .. ويدّعونه .. وكل حزّه يعبدّونه ..
احبه موت يا صيته .. ولا لحبه ب قلبي حدود
احبه حيل .. من حبه .. احب اللي يحبونه ..
احبه كثر ماينّبْتْ بها الدنيا زهر .. وروود
احبه كثر ماغنّوا القصيد وشالوا لحونه ..
هيا .. والهام .. والقبله خلود .. ومعها بنت سعود
وقبل الكل .. إنتي .. بس والله ماتساوونه ..
غلاكم عندي ب الدنيا .. وهو عندي عليها يزود
غلا نادر .. غلا ثاني .. جديد وماتعرفونه ..
علي ّ نذر ٍ يا كل اللي كتبته في هواه .. شهود
قصيدي ما اكتبه .. لولا غلاه .. وضحكة عيونه .
ابيه اليا قرى شعري .. يقول ادري انا المقصود
انا لولاي .. ما كان ل مناير شعر .. يقرونه ..
وش اوصفلك .. وش احكي لك كلام وكل شرح يكود
خفوقي ماتساعده الحروف ل بوح مكنونه ..
لك الله من عقب فرقاه .. غدن كل الليالي سود
قمرها طيفه اللي صرت سجّانه .. ومسجونه ..
ولو والله يطول الهجر .. ولو يٍلْحِقْ جفاه صدود
ابد .. ماعافته نفسي .. ولا جرحي برى دونه ..



الشاعره / منيره القحطانى



.........

[الباشا]

اختيار جميل وصح السان الشاعره
ولا هنتي

[العــــديم]

ابيات جميله ومعبره

صح لسان قايلتها
ولاهنتي ع النقل

[عيون الطنايا]

صح لساااانهاا
ويسلمووو على النقل

[●• Ŝђǿǿq •●]

تِسلًم يمينكـً ..~

[ابورامي]

يعطيك العافيه على النقل وصح لسان الشاعره وياحض المحبوب

[ياعين أبوي]

ابيات جميلة ولاهنتي على النقل حبيبتي

[الـعـابـر]

اختيار جميل وصح السان الشاعره
ولا هنتي

[ابو سالم الدويخ]

صح لسانش و لسان شاعرتها

و لا هنتي ع النقل المميز

[*ابوخالد*]

صح لسانك و لسان شاعرها