اللي موهوب ملتتزم بالفرعي محنا بملتزمين فيه

[قندهار]

كل يوم طالع واحد ويهدد اذا طلع محمد من الفرعي محنا بملتزمين فيه واذا طلع فلان محنا بملتزمين فيه .. محمد وطلع مو قبيض وحط اصابعه بعيون كل من اتهمه من اجل مصالح شخصيه وعشان ولد عمه نازل انتخابات مو مهم المهم ان محنا بضعوف لكم كل يوم واحد يهدد وشغل الثعاله ما يخوفنا اللي رجال ويبي يسقط محمد عنده الفرعي يسقطه وبنقوله كفووو بس اللي يهدد بأنه راح يقطع عليه بالفرعي
وعلي الحرام ان ما يشم الصوت مني غير المحفوظي ان كان هذا تهديدكم انتم الظاهر تظنون المحافيظ ضعوف لكم كل من جا وهدد مثل ما تعرفون تقطعون نعرف نقطع الصوت ومثل ما تلتزمون نعرف تلتزم بكلمتنا لاننا مو مثل الثعاله اللي تهدد الرجال الصاحي هذا هو قدامكم محمد سقطوه بالفرعي لا راح ننقد عليكم اقولكم شي التزموا نلتزم بتلعبون بنلعب وانتم احرار وانتم اللي بديتوا
ولا تنسون ترى انتم من بدى بالتهديد والوعيد وحنا بعد نعرف نرد على كل من هدد

[السالم^^]

الي طلع من الفرعي حرام مايشوف الصوت بالرئيسي من عقب ما شالوه بالفرعي وطلعله صيت تبري خلوه يستريح ابركله هو وغيره الي طلعو من الفرعي / بن طفلان

[قندهار]

المشاركة الأصلية كتبت بواسطة السالم^^

الي طلع من الفرعي حرام مايشوف الصوت بالرئيسي من عقب ما شالوه بالفرعي وطلعله صيت تبري خلوه يستريح ابركله هو وغيره الي طلعو من الفرعي / بن طفلان

كفووو والله يا بن طفلان انا اشهد انك فحل ورجال فيك خير
واحد ربعه نجحوه وارتكوله غصب عن الحكومه الله يرحم مسجات الفزعه تكفون لا تخلونه
واخرتها راح وارتما في حضن كتله واول ما وقف وقف ضد فرعيته واللي طلع عشان كرسي
الربع يضربون ربعهم في الفرعي عشان خاطر من تخلى عنهم شوفوا الرجاجيل مطير وش وسوو في الوعلان خلوه غصب يرجع لهم موهوب كيفه وحنا صرنا نتبع نائبنا الفاضل بعد ما كانوا العجمان روس صاروا يتبعون اشخاص اللي ما يلتزم يدش الفرعي ويصوت ولا يلتزم فيه موهوب رجال
وانت والله يا بن طفلان كفووو ونعم الرجال

[أسطورة العجمان]

امحق سالفة بني عم ويتهاوشون شوف وين وصلتنا الفرعية الكراهية بين بعض ... لا حول ولا قوة الا بالله .

محمد الحويلة شخص طيب وحبوب ولكن مواقفه بالمجلس مخيب للآمال وقص الحق بلسانك يا خوي والله ما يا ينفعك يوم الحساب احد ... ينفعك عملك ويشهد الله علي اني عطيته بالرئيسي الا طاف .

والصوت امانة وهي شهادة تشهد فيها ام حق او باطل .

والله هذا سبب الفرعية واسئلك سؤال هل من المعقول يخرج بالفرعية الا طاف ثلاث من فخذ واحد وحنا والله نحبهم ونسابتنا منهم اواحد يمثل بقية الفخوذ قص الحق من نفسك من غير غضب ولا اعصاب هل فيها من العدالة شيء ؟؟؟ حتى الصيفي كان يتمنى يخرج بس 2 واسئل ابو منصور عنها ويقول اي نعم قلت هذا الشيء .

لا تاخذك يا خوي الحمية على بني عمك ترانا من رجال واحد واخوان وانا اقرب الناس لي من ناحية النسب انتم .

[ابن فنيخ الشامري]

واللة يا الطاحوس صوتي تستاهلة علي مواقفك انت والصيفي

ولكن اذا ما صار التزام بمرشحين العجمان الاربعة

راح نخسر كرسيين مثل ما صار في الرقة

بس عندي سؤال ل الشامر ليش ما تطلعونكم واحد في الفرعي

ما شفنا عضو شامري في محلس الامة

تحياتي

[حلو العذاريب]

اقووول قندهار عين خير لاتقعد تاخذنا بالصياح وتنغز ان حنا ضد ال محفوظ تبي تكسب تعاطفهم بالعكس حنا الرجال اللي نشوفه يصلح سواء محفوظي ولاغيره نعطيه وانا بالفرعي صوتي للهملان والصيفي عارفين مغزى كلامك ودس السم بالعسل انت اللي تبي تفرق بين ال محفوظ وتبي الناس تلتزم بالحويله عيب عليك وبعدين القبيض مو شرط ياخذ فلوس القبيض ياخذ مناقصه ومنصب وقولي ماخذا قدام الرياجيل انا مستعد اذكر كل شي للحويله ولاتقعد تبررله وسالفة تقص علينا سقطوه بالفرعي ندري انه بينجح بالفرعي لان فيه ناس مع الاحترام لها عقولها عقول بهايم مايهمها الا مصلحتها ماذاقو المر اللي ذقناه بالايام اللي طافت ووقوفنا بساحة الاراده وغيره والسبب الحويله من الناس اللي وصلنا لهالوضع ؟؟؟؟
وبعدين انا مايهمني قبيض كرامات الناس اهم من الملاين ولانسيت استجواب الكرامه ضرب الناس عند الحربش والمصيبه ان الاستجواب وقف على صوته وصوت العدوه ووقفنا قدام بيته وانطردنا وفوق هذا تبينا نصوتله ؟؟؟؟
وانت اللي تكتب ابن طفلان عيب عليك انا اعرف ال طفلان ولافيهم احد يكتب بالمنتدى اكتب اسمك الكامل قدام الرياجيل ولاتقعد تكتب اسم واحد بس ومغزاك ضرب الطاحوس ومدح الحويله واطالب ادارة المنتدى انها ماتسمح بهالشي واحد يدش بنك مخفي ويكتب فلان ال فلان ترا كلن يقدر يسويها بس احترام لمصداقيتنا ماسويناها وبعدين الطاحوس غض النظر انه مانزل مع ربعه واختار قراره ونحترمه لكن لاجا وقت التصويت شلون لاشفت اسمه واتذكر مواقفه ووقفاته بالاراده وتعرضه للهجوم من الاعلام الفاسد ولاباعنا او خذلنا في يوم اني ماصوتله وغيره كان يقبض وفاتحيله كل شي ومريح

[السالم^^]

يالربع كلن يعد الحق والله لأني مستفيد لأمن ذا ولاغيره لكن على الحرام شفتوا الى انتم مغترين فيهم وعلي بني شريف بالمجلس وانتم تدرون ان فيه واحد يشترى اما الثانى والله والذي لااله الي هو انه مقسم باللجنه مافيه تبادل أصوات وهو جامع ال صالح ويقسمهم بالقران وأخي واحد من الي قسمو لاحد يطيره بالعجه وحن خابرين كل شي وأهل مكه أدرى بشعابها

[المجنؤؤؤن]

لا حول ولا قوة الا بالله


بالله من جدكم هذا كلام ..!!؟؟
قندهار الأمور ما تنحل بالطريقه هذي والأسلوب هذا ما تكلمنا فيه لا انت ولا غيرك ،، انا ولله لو على مزاجي ابي الصيفي والهملان من المحافيظ ،، والطاحوس والبرغش .. طبعا ماهو قصور في الباقين كثير اللي فيهم الخير والبركه،، بس بعرف رآآيك انت تدري ان العجمان بيقطعون اصواتهم عن الحويله... وش الفايده اذا نجح من الفرعي..!!؟؟ يعني الحين نقارن الطاحوس وموافقه المشرفه بالقبيظ المرتشي الحويله..!!!؟؟ خلاص ماعاد فيها مجاملات ولا شي العضو اللي يجملنا نصوت له وان شاءلله يوصل للبرلمان والعضو المتسلقي حتى فنجال القهوه خساره فيه ،، ما نسينا مواقفه هو والعدوه يوم الجويهل وقناة فجريه الغجريه يضربون فينا وهم ساكتين..!!؟؟؟

وبعدين انتو يا المحافيظ من متى نحسبكم ضدنا او يعني نقول بينا { إنتو وحنا } ..!!؟؟

كلنا عيال رجال واحد واخوان وعيال عم ولا تفرق بينا امور الانتخابات ولا شي لاياخذ الموضوع اكبر من حجمه ولا قصور في القبايل الثانيه بس حميه العجمي للعجمي ينضرب فيها المثل..

[جـْوُزيٌفُ الْعجٌميٍ]

قندهار

ما يستشك يا حسين كود الرديين

ونعرف الحكومي والقبيض من الحر اللي لا تكلم فعل واللي لا وعد صدق

والناس مهيب ملتزمه الا بقناعاتها

وطريقتك فـ الكلام طريقة اللي ما قص ليسن

قص ليسنك واشتر سياره وتلحق خير وانا اخوك

[here Lucky boy]

صوتنا الاول للصيفي والثاني للهملان

بس محمد وصل لمرحله العهر السياسي