شاعر المليون,,,,والصالون !!!

[الشاعر ويكيليكس]

يشتاق لي والشوق كنه إمنبه=لا دقت أجراسه بليا سبه
وأشتاق له وأظمى ويروي ظمه=وأذوب في توته وأحب إعنبّه
دلوع,,والدلوع يخرب بيته=لا شاف قلبي دالهٍ يلعب به
خلص على قلبي وحاف ضلوعي =يا لين خلا كل ضلع إيحبه
لو تركب ضلوعي محل ضلوعه=ركبتها بشويش حبه حبه
ولو يحطب ضلوعي,,وترمش عينه=شبت سوات الغابه المشتبه
من لا عشق عينِ سوات عيونه=ريع الهوى,,يا أهل الهوى ما ذبه
ومن لا عشق صوتٍ حلايا صوته=يرجع على كاس الهوى وإيكبه
ومن لا عشق زولٍ حلايا زوله=الزول زوله,,والهبوب إتهبه
وأنا اشهد إني عاشق ومتوازي=يا هاجسي نب الهواوي نبه
قله بروق أشواقنا لا لاحت=لا يحتري غيث الوصال وصبه
أما يصب الوصل وسط عروقي=ولا تراني بالغرام إمشبه
من عقبها مالي ومال الراحه:=الشاطي اللي ما حدٍ طش طش به
لا لجنةٍ تسبح,,ولا سباحه=غاصت بحور القاف لين الغبه
أحدٍ يفطفطها مع الفطفوطه=واحدٍ يبي ماما ويزهم ببه
وأحدٍ يهورّها على الهواره=وأحدٍ رموه القوم وسط الدبه
منهو زعل يجري ويركز راسه=في بيرقي ولا بذيك الصبه
يا جعل ترفٍ بالغرام أرهقني=تفداه شعارٍ سوات اللمبه
هذا يولعها وذاك إيطفي=يعني كذا مابين طفه شبه
والناتج: إفيوزٍ لذع,,وطراره!!!=,,على ريا ل العز يحمد ربه
إيمكيج إخدوده,,ويصنع شامه=والناقص : إيميكيج سواد إركبه
والله يبارك بالطوير الأزرق=اللي عريب الساس لا غرد به
ما يغبط التجار تاجر تاجر=لا صار جمهور الكرامه طبه

[صـافـي الـود]

لله درك ياويكي. اصبت كبد الحقيقه

[العــــديم]

قلـه بـروق أشواقنـا لا لاحـت
لا يحتري غيث الوصـال وصبـه
أما يصب الوصل وسـط عروقـي
ولا ترانـي بالـغـرام إمشـبـه

صح لساانك وإعتلا شاانك
وشهادتنا فيك مجروحه

تم التثبيت

[عبرة وداع]

صاااااروخ ارض جو


قصيده من العيار الثقيل


صح اللسانك وبيض الله وجهك


سلم لنا فكرك ودام تميز قلمك


دمت بحفظ الرحمن وكرمه


سلمت ولا هنت

[سلطان ال شريد]

الشاعر ويكيليكس

يعلم الله اني مآسجلت دخولي الا عشآإن ذآ القصيده

الله عليك قصيده من النوع المخملي ومن العيآإر الثقيل ..

فعلآإ تستحق كلمه شآإعر ..

شهآإدتي فيك مجروحه..

مثلك مكسب لهذآ الصرح الشآإمخ ...

صصح لسسآإنك ملآإيييين ولا تكفي ,,,


لاهنت

[المسك الاذفر]

ما انكر اني مافهمت بعض ابياتها الا ان سبكها ومافهمته منها راق لي جدددددا



شاعر بلا خلاف ،،


صح الله لسانگ ،،

[الشاعر ويكيليكس]

المشاركة الأصلية كتبت بواسطة صـافـي الـود

لله درك ياويكي. اصبت كبد الحقيقه

صافي الود ,, شكرا لك على المرور الكريم والاطراء الجميل

[متذوق شعر]

صح الله لسانك ياويكي اشهد بالله انك شاعر

وبصراحه قصيدك يشدني وانا ادري ان وراه شاعر معروف

[الـعـابـر]

صح لسانك ولاهنت

[حمود البطه]

ويكي

خلص على قلبي وحاف ضلوعـي
يا ليـن خـلا كـل ضلـع إيحبـه

لله درك

شاعر تويتر