مجمــــوعة قصــائد للشـــاعر فـــرج بن ســالم بن سعــران العـــرجاني

العز بالسيف · #1 15-07-2010, 06:03 AM

السلام عليكم ورحمة الله وبركاته

:
:
:
:
:
:
:
:

هذه القصيده للشــاعر : فـــرج بن ســالم بن سعــران العــرجاني
مهداه لمقــام خادم الحــرمين الشــريفين الملك عبدالله بن عبدالعزيز آل سعود
بعد شفاعته في إخــراج سجنـــاء قبيلة آل مره بــــدولة قطر

سلام ياقمةٍ بالمجد وسياده=تسليمتاً تنثني ذعذاعها الكادي
تنصاك ياخادم البيتين وبلاده=عبدالله القايد اللي ماهو بينقادي
في هيبته من ذحاح السم وقناده=تلهد عدوٍ يدس الكيد وأحقادي
وفي حكمته والتواضع شي نعتاده=كم من يتيمٍ شبع وثيابه جدادي
والنعم لك ياكريم الجاه وسناده=الحاكم اللي يسر الشعب ويفادي
بك ياأبو متعب شفا المسجون ونجاده=اللي تسلط عليه الحكم بقيادي
يفداك منهو يرد السيف بغماده=لاجاء نهارٍ يشيب الورع بمهادي
نمدح طوال العمار وقادة القاده=إخوان نوره على الفزعات روادي
حكام نجد تحب الشعب وإسعاده=والشعب ذخراً لهم بالحرب وزنادي
حريبنا ماتهنا لذة رقاده=شعب سعودي يجدد فعل الأجدادي
ياكثر ماللوطن عدوان حساده=وحنا فدات الوطن من كل حسادي
أموت ويبقى الوطن عايش بميلاده=أخير لي من حياه وموطني غادي
تاريحنا يكتب الهيات بأمجاده=من الحديده ليا من حد بغدادي
ويام العريقه بنص الشيخ وأفراده=ترفع لك الراية البيضا بمسنادي
وحنا آل عرجاء نهار الهوش وراده=كم ترفتاً عرضوها حزن وحدادي
راياتنا لك مليك الحق منقاده=لاوامرك ياطويل العمر تنقادي
وصلوا على اللي دعا للدين وعماده=هدّم بيوت الجهل وبيوت الالحادي

وهذه قصيده أخرى للشــــاعر

هاض بن سعران من هاجساً لابه=لوب ضواً صرمت بالمشاهيبي
شفت موس الوقت يقرب من أشنابه=احتموها ياالنشاما من العيبي
كل قرحوفاً يوقف بمشعابه=والمراجل تحضر أمرار وتغيبي
البلا من همّل اللي نوصابه=سلعتاً مضمونتاً بالمكاسيبي
شانها اللي والي الخلق أسرابه=عبده اللي كلمه عالم الغيبي
الصلاه اللي على العهد وكتابه=من تركها عاقباً في المواجيبي
كل يوم فاقديناً لنا عصابه=والمصيبه ملهيتنا اللواعيبي
وانتبه من خوة اللي بملسابه=شُكل عينه عند لسب العراقيبي
يحسب انه كامل الوصف واللابه=مادرا انه واقعاً فالعذاريبي
والردي كب الردي لاتهقوابه=ينقطع بك محزمه فالمصاعيبي
والفسد ياجعل ماني من أصحابه=من يضحي بالنشاما يضحيبي
كان تنشد عن هوا القلب وطلابه=شف بالي من بنات الحنازيبي
بكرتاً بالزين سودا وجذابه=يشهد اللي شافها بالتعاجيبي
لامشت كن النحر نجّف حرابه=بالسطر كنها ترحب تراحيبي
قلطوها الشوط والناس مرتابه=بنت هرشاً ماضياً له تجاريبي
لجنة الترشيح تعلن وفزنابه=عندها قامت تخالف مناديبي
والعذر يا الربع ماحن بجلابه=حبها مافيه شكاً ولاريبي
واسمحولي يالنشاما على مابه=نظمة القيفان فكري وتهذيبي
لو يلحنها الملحن من أعجابه=والقناه تبثها بث تجريبي
والختم صلو على من هدينابه=دعوته للحق رهبه وترغيبي

وهذه القصيـــده للشــاعر : فرج بن سالم بن سعـــران العرجاني
بمناسبة زواج زميله : الحميدي هليّل العنــزي
بمدينة الشمــلي بمنطقة حايل

مبروك يابو هليل ماسعيتوبه=يالله عسا أيامكم تمدي بالأفراحي
عرساً حضرته ونفس الشوق مجذوبه=مثل الوحش يجذبه بعصير ملواحي
راعي المكارم يحكم الناس بإسلوبه=شروا الحميدي ذعاع الطيب لافاحي
الحاتمي تملكه بشته مع ثوبه=وينصبك بالكرم تاجين ووشاحي
فالصدق غيثاً همل والناس فرحوبه=من عقب ماجدبت وسنينها شحاحي
الوايلي زاده الطنخه ومشروبه=كم فزعتاًً تعجب الصياح لا صاحي
والسربه اللي نوت بالشيخ منكوبه=تسعه وتسعين بالعطبات ذباحي
والكون يشهد له التاريخ مكتوبه=وأنا أشهد انه سوات النجم وضاحي
غمراً يبشر بشير الخير مندوبه=والهم ولى وغم النفس ينساحي
واصبح يغني لعينا كل محجوبه=ستر العذارى لافاق الصوت بنياحي
واللي يتعزوا بوايل جاه مطلوبه=دون الخوي ماتدور زود الأرباحي
واليا نواهم عدو سو قفوبه=ليلاً تقفاه نور الصبح ونزاحي
صلف السبايا نهار الهوش مركوبه=والخيل من ضربهم مرّج ورزاحي
وقبيلتي ذروتاً للعز محسوبه=ياميةٍ للمنايا سهوم ورماحي
واليوم راياتنا بالحق منصوبه=الشعب واحد وكل الشعب مرتاحي
في ظل من له غلاة النفس مجلوبه=دون الوطن والملك تنباع الأرواحي
نادى بقوميته والشعب فرحوبه=عبدالله اللي ذرا للشعب وسناحي
والختم صلوا على من وضح التوبه=واللي تبع سنته يبشر بالافلاحي

تحياتي