قصه وقصيده من سوالف الرجال الطيبين

[نـاصـر]

السلام عليكم ورحمة الله وبركاته

السالفه والقصيده للشاعر إبراهيم القبيلي وهوا بالأصل من أهل منطقة القصيم وسكن في هجرة النطاع في وادي العجمان .

راح في يوم من الايام مع خوى له يقال له دخيل بن فهد
للقطيف لهم حاجه ويوم خلصت وصلوا للنعيريه وكان الوقت قيض والسيارات شوى وسمعوا برجال يقال له (بين بن سويد العجمى)
يشتغل سايق فى الشركه قالوا خلنا ننشد منه ولا خذوا الا السياره اللى مقبله عليهم فوقفوها وقالوا لراعيها تعرف بين العجمى قال لهم تعرفونه ولا شفتوه؟

قالوا مانعرف الا سمعته الطيبه قال اركبوا ومشى موديهم لاهلهم فقال له القبيلى أنت بين قال السايق نعم انا بين قال القبيلى لصديقه دخيل بن فهد وش يقول راشد بن الذيب فى قصيدته المشهوره قال فهد :_

حالف ماخذ على الرجلى رياله = وبالثلاثه حالف انها ماتجينى
لا لقبت اللى على السكه الحاله= يلتفت ويقول وين الطيبينى
اوقف الموتر حيا وابغى الجماله= يوم ولد اللاش وجه مايلينى
الصبى وان طاب طيبه من خواله= وبالخوال يسال قبل الوالدينى

لما سمع القبيلى هذه الابيات من خويه قال هذه القصيده وهم فى السياره مع بين :

يادخيل ادخل على منشى خياله=من ردى التوفيق عند الطيبينى
يادخيل الله تعالى فى جلاله =انزل الرحمه وهى للمستحينى
من عطاه الله وقام بحق ماله = كل عمره بالسعد دنيا ودينى
والردى لاكثر ماله سو حاله= بالعنا والرزق له رب ظمينى
من بغى درب المراجل والشكاله =من يرده من دروب الطيبينى
المراجل ماترد من اهتواله= مثل (بين) يوم صار الها خدينى
نادر مجناه من منشى خياله= بين بين وربعه بينينى
ربعه العجمان هم ساسه وجاله= تردع الهقوه برد الواهمينى
واقص يقدح شراره بشتعاله= ما يكل من القسا ولايلينى
من هرج فيهم يقصر فى مقاله= سلمهم عن سلم خلق الله يمينى
عودهم كل يجره من اقباله= ياخذ الفنجال قدم الحاضرينى
يوم عود القوم يقعد فى ظلاله= عارف لسلوم ربعه من سنينى
لاتريض جارهم راض العشا له= وان حضر ولافهق جنب السمينى
منزل تستاهل البيضا رجاله= للدلال وللرباع مشيدينى
ولازبنهم مجرم حطت حماله= يستريح بظل رايتهم سنينى
كم عقيد خربوا حسبة مصاله= طاح طوله والسلوم امنعينى
عودوا عقب الطمايع والصياله= حسر ومكسر ومزملينى
يالله يا المطلوب ياراعى العداله= جعلهم يوم القطايع سالمينى
بنت يااللى ما مشت درب الفساله ماتخايل راعى السبحه بعينى
احفظى عرضك بعدله واعتداله= غير (بين) هو وربعه لاتبينى
والصلاه عداد ماتذرى شماله= للنبى المصطفى والمرسلينى

ارجوا ان القصه والقصيده نالت على إعجابكم

وتقبلوا تحيتي

[@بنت الشيوخ@]

رحمه الله عليه راشد ابن لذيب...

ناصر صح نقلك ولاهنت..

الله يعطيك العافيه..

اختكــ

@بنت الشيوخ@

[ناصر بن فالح]

صح الله لساانه



ولاهنت ياناصر


تو ماغديت

[جطلي بن فهد]

السلام عليكم
اشهد انه صدق


ناصر لاهنت وصح لسانك والله يرحمهم ويسكنهم الجنه


الله يعطيك العافيه

[عبدالله بن عريمان]

صح لسانه


ولاهنت اخوي ناصر


علي القصه والقصيده

تقبل مروري

[نـاصـر]

بنت الشيوخ

الله يعافيش

ولاهنتي على المرور

[نـاصـر]

ارسطوو

لاهنت على المرور

كبينا مخاوا الخبلان

[نـاصـر]

وعليكم السلام

سماوي الله لايهينك على المرور

وتقبل تحيتي المعطره

[نـاصـر]

ولاانت يابن عريمان

وتشرفت بمرورك على متصفحي

تقبل تحيتي

[راعي المشعاب]

ناصر

لاهنت على النقل الرائع جدا

وكيف لايكون رائع وأنت من جلبه

عيدك مبارك وكل عام وانت بخير

دمت بحفظ الحافظ