الفلم البدوي "سيد الغوايش" (جديد)

[كويتي]

هذي هي قصة سيد الغوايش الي باقوها هوليود ومثلو منها سيد الخواتم
لورد اوف ذى رنج ابيكم تشوفون هذي القصده قبل التغيري

يبدا الفلم ...

المشهد الاول :

( محماس ) فارس القبيله الذي لايشق له ثوب يمتطي جحشه وينطلق الى الغدير ليسقي غنماته ;

فيشاهد قروب بنات يردن على الماء .. ويقول : عمى وش هالزحمه والله لو انه (صراف )

ويرى بينهن( وضحى ) فيدق جواله .. وقلبه يغني ( شفتك ولا حطيت عينك بعيني )
ويغادر الغدير وسط ضحكات البنات الخشوف

المشهد الثاني :

(وضحى ) تشكي حبها لخويتها ( نوفه ) التي ترد عليها ( اسكتي يالشينه مالك غيرولد عمك (سالم )
فترد عليها وضحى ... كش عليك يالدبه لاتحطمين مشاعري

المشهد الثالث :

(سالم ) يتقهوى عند عمه الشيخ ابو (وضحى ) .. ويطلب يد بنته .. فيوافق الشيخ , ويخبر (وضحى )

بالخبر .. فتغضب .. وتقول .. يابابا ( سالم ) ماعنده شهاده كيف آخذه ؟

فيرد ابوها .. انثبري ياملا الوجع ماالك الا هيفا ... ولد عمك اولى من الغريب

وبعدين (سالم ) هو فارس القبيله .. والكل يحبه .. صحيح انه شين .. لكن يعجبك

المشهد الرابع :

( محماس ) يقابل ( وضحى ) .. بسوق الحريم ..ويتبادل معها هدايا الفلنتاين ..

(محماس ) يقول لوضحى: ليش ياعمري منتي حاطه بلوك على ولد عمك ( سالم ) في الماسنجر ؟

فتخبره (وضحى ) .. بخطبة (سالم ) لها ...

فيحزن (محماس ) وتدمع عيناه ( دخل فيها تراب ) .... <<< احسن

المشهد الخامس :

الشيخ (ابو وضحى ) ... ورجال القبيله مجتمعين في بيت الشيخ يشاهدون من سيربح الملعون

يأتي( مصيول ) ... راعي القبيله .. يصرخ ( الحلال ياعمي انسرق الحلال انسرق
ويهب الشيخ ورجاله واقفين على حيلهم ويصرخ الشيخ ابو (وضحى ) :

من سيرد الحلال ويربح بنتي ( وضحى ) ؟؟ .. وله ثلاث وسايل مساعده .. ياخذ بارودتي وحصاني

او يحذف عصا ... او يتصل على ( مصيول ) ..

ويوقف (سالم ) ويقول : انا لها ياعمي ... وينطلق ( سالم ) على حصان الشيخ ليلحق الحلال
المشهد السادس :

الغزاة يمسكون (سالم ) ويصفقونه وياخذون بارودته والحصان .. ويخلونه يدقها كعابي

وهنا يقمز (محماس) .. ويقول محد يرد الحلال غيري ..فيرد الشيخ .. قم بس قم

وينطلق (محماس ) ويلحق بالغزاة ويطخطخهم كل ابوهم وامهم ويرد كل الحلال

ماعدا كم تيس .. ماتو بالوادي المتصدع في الطريق

المشهد السابع :

يصل (محماس) مع الحلال للقبيله ... وهو سعيد صالح بفوزه ب (وضحى ) (بالهدف الذهبي )

وتتم الخطوبه .. والشبكه (ابراجها فل ) ... وعمت الفرحه القبيله ويتم تحديد الزواج في اكتوبر

ويشتري (محماس ) كم حصان بالتقسيط ويبيعن كاش حتى يوفر متطلبات العرس

المشهد الثامن :

قبل الزواج لا بد من الفحص الطبي ... ويقرر دكاترة القبيله ان يتم فحص (وضحى ) ..

وياخذها ابوها الى ..المدينه (تورط المخرج ) ..

ويعرضها على اكبر الاطباء .. وبعد فحوصات شامله ...

يقرر الطبيب .. ان (وضحى ) تحمل صفات وهرمونات ذكوريه ...
ولا بد من عمليه لتغيير جنسها من امرأه الى رجل

وتتم العمليه .. وتتحول (وضحى ) الى (عقاب )

المشهد التاسع :

فرح (ابو وضحى ) لانه يريد ولدا يرث حكم القبيله بعده ... ياشين هالوراثه
ورجعوا للقبيله .. بعد ماقصت شعرها لانه كان شوشه ..وكانت مسويته (كعكة)

المشهد العاشر :

يصل الخبر الى (محماس ) الذي كان قد جهز بيت الزوجيه .....

فيسقط مغشيا عليه (ماله دور ثاني ) .. فيشممونه كلونيا وبصل .. لكن ..
دون جدوى فقد (مات ) ... (محماس )

ولو شمموه شماغه ولا فنيلته كان صحى

وعرف عقاب اللي هو وضحى .. بموت (محماس ) فحزن حزنا شديدا ..


هههههههههههه

كويــــــــتي

[أبــيـــار]

اشك ان القصه مالت فيلم هندي مو بدوي ولا هوليودي

تحياتي

[اليامي]

لوووووووووووووووووووووووووووووووول

هع هع ع هع هع هع هع

امحق فلم

ههههههه

مشكور ياكويتي والله يعطيك العافيه

بس تصدق فيه شي من الرعب

[فيصل بن حجرف]

قصه عجيبه

الله يرحم محماس

بس والله مالومه لا مات

مشكور كويتي على القصه الجميله

[كويتيه]

وعليييييييييييييييييييييييه ضاعت احلام محماس مايسوى راح ذبح الاوادم عشانهااا و راحت فلوسه كله على تجهييج عش الزوجيه اخر شي صارت ريال..

يعطيك العافيه كويتي

[كويتي]

الله يعطيكم العافيه على مروركم ولاهنتو

ابيار الظاهر القصه الي في بالي بتصير جذيه اخرتها
لووووووووووووووووووووووووووول

تقبلو تحياتي
كويتي

[cool]

السلاااام عليكم ورحمة الله وبركاااته

الله يرجك كوويتي انت وقصتك .

ولو شمموه شماغه ولا فنيلته كان صحى

هذي قوووووويه صرااحه .

تسلم الغاالي والله يعطيك العاافيه

كـووول

[هند]

ههههههههههههههههههههه
يعطيك العافية ياكويتي ،

قصة حلوةةةةةةة



السؤدد

[شادن]

تصدق اخوي كويتي

الحاجه اللي عجبتني لحظة التحول من امراه لرجل يعني اتوقع انه احسن شي

ولو بودي اصير كذا عشان يصير لي قلب جامد لايحب ولا يتعذب مثل الرجال بالضبط

لان الرجال يملك كامل الحريه للسيطره على المراه والتلاعب بمشاعرها

الحين وضحى مرتاحه ومبسوطه لانها افتكت من هذا العناء والهم

[كويتي]

تسلمون حبايبي على هذى المرور الي اسعدني
ولاهنتو ،،

تقبلو تحياتي
كويتي