ليت لـي ذود وارعاهـا علـى كـل عـود=آتـلـهـوى بـهــا بـــارض الله الـواسـعـه
فـي خـلا مـا تجيـه الا نسانيـس نــود=والمـخـايـيـل والا قــمــري سـاجــعــه
والضبـا اللـي تحـوز مــن الغـبـا لنـفـود=مـارعـت فــي مـهـاذل ديـــرة جـايـعـه
وان حصل ذود والا ليت لي نصـف ذود=عندي احسن ولا دكتور فـي الجامعـه
ماتمنـيـت شــي الا ولــي مـنـه فــود=آعــرف طــب قلـبـي واعــرف آصـارعـه
ان تصعـب عليـه المـاء الـقـراح الـبـرود=ماانقصـر منـه لـوان يكـسـر الشـارعـه
وان تسهـل وكـثـروا فــوق جـالـه ورود=خــذ طـراتـه وخــلا هـمـجـه لطـامـعـه
مـيـزة مكتسبـهـا مــن وراثـــة جـــدود=ماكسبـهـا مــن آخـــر شـلــة ضـايـعـه
له طمـوح علـى العليـا ومرقـا السنـود=وده يــشــرف الـمـبــدا مــــع طـالـعــه
والـصـداقـه مـــع الـبّــوار والا الـجـحـود=حبلهـا الـرث مـن مبطـي وهـو قاطعـه
والغلايـب مــن الكـسـلان والا الـرقـود=دربـهــا مـاتـجـازع لـــه مـــع جــازعــه
وده يـكـون ويـحـاول لــو انـهــا جـهــود=يـقـطـعـش يـاقـلــوب مـالـهــا رابــعــه
تشتكي من بعض لاشيا وهي ماتكود=وان تراكـت لهـا تبطـي وهـي ضالـعـه
جعـل قلبـي يلـي هـو مثلهـا بالـركـود=يقـطـع الله وريــده قـبـل مــا آطـاوعــه
وجعـل قلبـي يلـي فـرّع لخطـوا عنـود=بعـدمـا كـنـت احـــاول فـيــه وآفـارعــه
مــايــطــوّل ويـتـركــنــي بــلــيّـــا ردود=يـذكـر ان لـــه خـــوي مـاهــو ابّـايـعـه
حافظه من هوى الغادر وعين الحسود=بالفـلـق والصـمـد والحـمـد والـقـارعـه
آبـغـى ليتضـايـق يـرتـعـي نـصــف ذود=ايتلـهـوى بـهــا بـــارض الله الـواسـعـه
24-06-2007, 12:02 AM
العرض العادي
