ابشر بسعدك يا السنافي واسمحلي والله العظيم اني ما شفت طلبك الا ذا الحين والعذر والسموحه ان كاني تأخرت عليك وترى انا وراكان واحد ونتكلم بلسان واحد واعتبرني راكان اليامي.
هاذي قصيدة شيخ الشيوخ ابو فلاح مسندها لخويه محمد بن عبدالله ال رشيد امير شمر وحاكم حائل وكان الشيخ راكان يحب خويه الامير محمد حتى قال يوم طلع من سجن الاتراك اول ما مر من العرب محمد بن عبدالله ال رشيد وقال :
آصل اخو نوره لوزمٍ عليّه = قبل الصديق وقبل قاصي وداني
وإليك القصيدة طال عمرك :
يا عبيد يوم ان القمر ما بعد غاب = والليل طرَّف وادبحن النجومي
قم سوي فنجال له الريق ينذاب = يعبا الشوارب ناطحين العلومي
في دلةٍ تبرى خوا كل شراب = يعبا بها خمس المعاني لزومي
أنا احمد الله واشكره حظنا طاب = من يوم زانت من عنان العزومي
حرٌ سنا عينه كما وضوح مشهاب = لا هد ما يرفع جناحه يحومي
لاهد منَّه جملة الصيد هراب = واللي ينوش مخلبه ما يقومي
وحدرت منه هجمةٍ علط الارقاب = شقحٍ عليهن مثل رصف الرجومي
وجينا وحركن دواليب الاسباب = وهبت لنا ايام السعد بالولومي
وجينا نقدي لابةٍ ما بها اجناب = من صلب يامٍ سالمين الوهومي
ياميةٍ قدهم على الحرب درّاب = سقم الحريب اللي لراسه يزومي
وخيلٍ تجي الفين من غير حسّاب = وحمر الجموع اللي بها الموت يومي
رعده وبرقه غادي له تليعاب = وغبَّا مطرها نايفات الحزومي
على النَّقا ما ذيّرت نثر الاصحاب = الاصحاب والجيران منها سلومي
زيزومها اللي لا نصى الضد ما هاب = يفرا التّنادي للمعادي لطومي
تحياتي طال عمرك واسمحلي على التأخير.
__________________
[color=0000FF][b][font=Times New Roman][align=center]
سَيَذْكُرُنـي قَوْمي إذا جَدّ جدّهُـمْ=وفِي اللَّيْلَةِ الظَلْمَـاءِ يُفْتَقَـدُ البَـدْرُ
وَلَوْ سَدّ غَيرِي ما سددتُ اكتفَوْا بـهِ=وَما كانَ يَغلو التّبـرُ لَوْ نَفَقَ الصُّفْـرُ
وَنَحْنُ أُنَـاسٌ ، لا تَوَسُّـطَ عِنْدَنَـا=لَنَا الصّدرُ ، دُونَ العالَمينَ ، أو القَبرُ
تَهُـونُ عَلَيْنَا فِي المَعَالـي نُفُوسُنَـا=وَمَنْ يخَطَبَ الحَسناءَ لَمْ يُغلِها المَهـرُ
أعَزُّ بَني الدّنْيَا وَأعْلَـى ذَوِي العُـلا=وَأكرَمُ مَن فَوقَ التـرَابِ وَلا فَخـْرُ
17-05-2004, 11:36 AM
العرض العادي
