لو انا بدعي لربي ( خلنـي يالله عجميـه)

[فيصل المشوط]

اتمنى تنال اعجابكم قبل اصداره

ويشرفني ويسعدني انه تكون في منتدى قبيلة العجمان
.................................................. .................................................. ....قالت

يا فيصل أدري أنك صادق(ن) راعي حميـه=وادري أنك كفو ما تمشي على الذل وتعافه
جيتني صادق وجيتك بنت عز(ن) واجوديه=أفرش الجرهد وغيري بالحقد يطوي لحافـه
لو انا بدعي لربي ( خلنـي يالله عجميه)=لجل اكون أبعد لخوف(ن) كانت القمرا تخافه

وقلت

يا وجودي يا حـلاة القـول مـن ثغـر البنيـه=فيه من سحر الكـلام وفيـه أحسـاس ولطافـه

أدري أنك بنت عـز(ن) يالهنـوف الغشمريـه=يا عمـا عيـن الحقـود ويـا مميـزة الثقافـه

جيـت كلـي والمعانـي جتـك يالغالـي هديـه=الليالـي هيضنّـي يـوم أنـا سامـرت قـافـه

أسـرج الأبيـات لجلـه مثـل سرجـي لمطيـه=وأصرف اللي قد خفاله وأعجز أبنوك الصرافـه

النقـاء والطيـب وأسلـوم العـرب والشاذليـه=شرعها واللـي يخالـف شرعهـا حنـا خلافـه

المعـزه لـك لوحـدك والـغـلا والمقـدريـه=وأشهد أنك بنت رجل(ن) ما احد(ن) بالطيب طافه

المهابـه والشـرف والمرجـلـه والمنخـويـه=له لباس وطاعـة الله فيـه مـن زود العرافـه

راس قـوم وطيـب دوم ولا يمنـن بالعطـيـه=مسلم امسالـم ولكـن جلـف بأوقـات الجلافـه

طيبها مـن طيـب أبوهـا طالعـه حـره آبيـه=مـا تنـزل راسهـا للـدون وأعلـوم السفافـه

طيب الله وجهك اللي مـا تجـي منـه الخطيـه=طيبه.. والطيب عندك عـادة(ن) ماهـي كلافـه

من عرفها يعرف أن الخيـر باقـي لـه بقيـه=ماتـقـول الاتـطـول ولاتـقـوم الاحـرافـه

يدهـا بالطيـب تنقـا يدهـا بيـضـا نقـيـه=جعل حظك لعلا والوقـت مـن دونـك حسافـه

ياوجودي يا حـلاة القـول مـن ثغـر البنيـه=ويا وجودي ليتني فـي يـدك مفتـاح المسافـه

[محمد أبو زيد]

صح الله لسانك وفكرك يافيصل ولاهنت

[محمد سالم الشاعر]

صح اللسانك يا فيصل.... وافي طال عمرك

[مزوووح العجمان]

كفو ولله يالذيب وصح الله لسانك

وبصراحه رد اكثر من رائع في معانيها وفي كل شئ فيها ولا هنت على كل حال

دائما يا فيصل تكون مبدع في قصائدك في مواضيعك او حتى في ردودك إنشاء الله يتواصل الابداع وفي إنتظار جديدك والقادم احلى

[الباشا]

صح السانك يا فيصل

[بحوور]

فيصل المشوط



رائـــــع كـ عادتــــــكـ

صــــح كـــــلك مليـــــــــوون

ولاهنــــــــــت ،،





أختــــــــكـ

[فيصل المشوط]

السلام عليكم ورحمة الله وبركاته

محمد ابو زيد

اشكرك على المرور الكريم

والله لايهينك

[فيصل المشوط]

السلام عليكم ورحمة الله وبركاته

shaar

اشكرك يا الشاعر على مرورك الطيب

والله لايهينك

[فيصل المشوط]

السلام عليكم ورحمة الله وبركاته

مزوووح العجمان


الشاعر القادم من العجمان

حياك الله يا نسل كحيلان وسعيد في مرورك

الطيب الحافل بالكرم يا مزوووح العجمان

[فيصل المشوط]

السلام عليكم ورحمة الله وبركاته

الباشا

صح بدنك يا خوي

على المرور الطيب منك

والله لايهينك