دام أتجاهك شمال مودعك حاجه *** سلم على حائل وسلم على شمر

[طـيـر شـلـوى]

السلام عليكم ورحمة الله وبركااته

،،،
،،
،

قصيده راائعه للشاعر ناصر القحطاني-بعنوان شمر- نشرت في احد المجلات - المختلف- وصلتني من احد الاصدقاء عبر الفاكس رايت انه تستحق النقل وهي لشاعر حظوره ليس ببسيط على الساحه الشعريه : -


الشمس غابت وكل دور سراجه
...................والشوق جمر ما احر الشوق لا جمر

دم اتجاهك شمال مودعك حاجه
.....................سلم على حايل وسلم على شمر

قدامك الخافق اللـي ينشـد علاجـه
.......................كنـه معلـق على برزان ومسمر

وانت تعرف يا بعد حيي مـن تواجه
....................بيضان الافعال لا مـن الزمـن سمر

ان ضاقوا اعنف من البحر ومن امواجه
..................وان راقوا اركد من الخرمان لا عمر

كم صيت بيت عتق في الباب مزلاجه
......................وكم شيخ امارة قبل تعينه مؤمر

وكم حاتمي تكفي فلة حجاجه
...................وشلون للضيف لو عن ساعده شمر

وان مر تاريخهـم متلبـس تـاجـه
...........................كم عاشق كيٍف وكم حاقد زمر

في جوٍ اغلى على الرجلي اللى داجه
.....................من ديرة السادس ومـن ديرة معمر

كنه الى اهدي له البراق ثجاجه
.......................طلة غريرضحك ومـن الخجل حمر

توارثوا حرثه وتمتير ديباجه
.........................ركابة الجيب مـن ركابة الضمر

الود لا غرس بدري صعـب مخراجـه
.......................والله ولا الذ واحلى منـه لا ثمر

ادخل على الي تطوف البيت حجاجه
........................من ناقص عند مدح الغير يتذمر

والمدح لو كان في الرديان للصاجه
......................ويقال (عمر بلد ) بالعون ماعمر

والذم لو زاد في الطيب تولاجه
......................لا احرق ولا اغرق ولا عمر ولا دمر

مانيب متحسف بشعري علـى حاجه
........................ الا اني اروح ماغنيت في شمر


وقد غنّى الفنان خالد عبدالرحمن هذه الكلمات ولاقت نجاحاً كبيراً _عند أهل حائل_ وإذا كنت تريد سماع الكلمات بصوت خالد عبدالرحمن إضغط على الرابط التالي لاهنت : -


http://song5.6rb.com/smrat/khald-3bd...alr7mn-shmr.rm





خالص الـود / طير شلوى

[الهتلاني]

قدامك الخافق اللـي ينشـد علاجـه
كنـه معلـق على برزان ومسمر

وانت تعرف يا بعد حيي مـن تواجه
بيضان الافعال لا مـن الزمـن سمر

ان ضاقوا اعنف من البحر ومن امواجه
وان راقوا اركد من الخرمان لا عمر

والمدح لو كان في الرديان للصاجه
ويقال (عمر بلد ) بالعون ماعمر

والذم لو زاد في الطيب تولاجه
لا احرق ولا اغرق ولا عمر ولا دمر

مانيب متحسف بشعري علـى حاجه
الا اني اروح ماغنيت في شمر

لاهنت على النقل الطيب

[قبلةالعجمان]

صح لســـــــانك ...

[عـزام]

ان ضاقوا اعنف من البحر ومن امواجه=وان راقوا اركد من الخرمان لا عمر

وصف عجيب للشاعر

كفو ويستاهلون المدح الطنايا

صح الله السان الشاعر ناصر القحطانى والسانك يا طير شلوى

ولا هنت على الاختيار الجزززززل