مراااااااااااااااحب
هذي مشاركة حبيت انزلها وهي لشاعر (( صقر النصافي )) الله يرحمه ..
وقال هذي القصيدة لفراق عزيز عليع بالموت
فتشوف ابياته بين رجا وجودة وبين تسليمه لامر موته ..
مثل قولته ::
لو كان حبسه مدة تاخذا رماس......... ذكره على الدنيا ولا قطع ياسي
بهالبيت يتمناه حيّ لو كان وين حتى لو بالسجن راضي بس يكون على الدنيااا
وقولته ::
لا شك قلبي صايبه حب الافلاس..............لا شايف زوله ولا عنه ناسي
بهالبيت خلاص سلم وعارف انه ميت ولاعاده شايفة مرة ثانية ..
ابيات حلوة مختصرة ياليت تعجبكم
يا مل قلبي عن وليفه طوى الياس = فاخت مواجهته صباح ومماسي
ما عاد له زول نشوفه مع الناس = ولا سمع بصوته مع جميع الحساسي
من اولٍ وياه ممشا ومجلاس = واليوم في قبر رسومه رواسي
يا محترف للرزق مع كل منطاس= الى غفل خطو الرقود الهداسي
الله يبيحه عنده العرف بقياس= مال الردى والطيب عنده تواسي
يضحك لصدقانه ويضحك للنجاس= واللي بقلبه ما لحق له قياسي
ليته يذكر حي لو عند حباس= لو هو بديره ما بها عرف ناسي
لو كان حبسه مدة تاخذا رماس= ذكره على الدنيا ولا قطع ياسي
اما نزوره فوق عجلات الارماس= والا يجي بعد انطلاق الحباسي
والا يا ليته مدة بالمرض داس = اجلس انا واياه وابرد حناسي
لكن جاه الموت قطاع الأنفاس= كسرة عصاةٍ حطبها يباسي
لا شك قلبي صايبه حب الافلاس= لا شايف زوله ولا عنه ناسي
اقوم واقعد مثل ملجوج الاضراس = واضحك وانا في خاطري كسر باسي
لاشفت غرضانه ولو كان دراس = جريت بالونه وهزيت راسي
وتسلمون على المرور
08-01-2005, 03:28 PM
العرض العادي
